சென்னையில் ஆபரணத் தங்கம் விலை கிராம் ஒன்றுக்கு 38 ரூபாய் உயர்ந்து 2972 ரூபாய் என்றும், சவரன் (8 கிராம்) 272 ரூபாய் விலை உயர்ந்து 23,776 ரூபாய் என்றும் விற்பனை செய்யப்பட்டு வருகிறது.
அதே நேரம் 24 காரட் தங்க விலை 1 கிராம் 3,118 ரூபாய் என்றும், சவரன் 24,944 ரூபாய் என்றும் விற்பனை செய்யப்படுகிறது. வெள்ளி விலை கிராம் ஒன்றுக்கு 1.60 ரூபாய் உயர்ந்து கிலோ 41,700 ரூபாய் என்று விற்பனை செய்யப்பட்டு வருகிறது.
ரூபாய் மதிப்பு
ரூபாய் மதிப்புச் சரிவு, அமெரிக்க, கனடா நாடுகளின் சந்தையில் ஏற்பட்டுள்ள சாதகமான முடிவுகள் போன்றவை தங்க விலை மீது தாக்கத்தினை ஏற்படுத்தியுள்ளது.
டாலருக்கு எதிரான இந்திய ரூபாய் மதிப்பு வரலாறு காணாத விதமாகச் சரிந்து 73.41 ரூபாய் என்று வர்த்தகம் செய்யப்பட்டு வருகிறது. இதனால் இறக்குமதி மீதான செலவுகள் அதிகரித்துத் தங்கம் விலை உயர்ந்துள்ளது.
இந்தியாவின் பிற மாநிலங்களில் தங்கம் விலை நிலவரம்
டெல்லியில் 22 காரட் தங்கம் கிராம் ஒன்றுக்கு 3045 ரூபாய் என்றும், ஆந்திர பிரதேசத்தில் 2972 ரூபாய் என்றும், குஜராத்தில் 3,038 ரூபாய் என்றும், கர்நாடகாவில் 2,930 ரூபாய் என்றும், கேரளாவில் 2,900 ரூபாய் என்றும், மகாராஷ்டிராவில் 3038 ரூபாய் என்றும், மேற்கு வங்கத்தில் 3058 ரூபாய் என்றும் விற்பனை செய்யப்பட்டு வருகிறது.
சர்வதேச விலை நிலவரம்
சர்வதேச அளவில் தங்க மீதான விலை 0.32 சதவீதம் என 1 ஒவுன்ஸ் தங்க 1,270.60 டாலர் என்று உயர்ந்துள்ளது. செவ்வாய்க்கிழமை சர்வதேச சந்தை இயங்கு நிலையில் காந்தி ஜெயந்தி என்பதால் இந்திய பங்கு சந்தைக்கு விடுமுறை இருந்ததால் அதன் தக்கமும் விலை ஏற்றத்திற்குக் காரணமாக உள்ளது.
பங்கு சந்தை
ஐரோப்பிய, இத்தாலி பங்கு சந்தைகள் சரிந்து வரும் நிலையில் முதலீட்டாளர்கள் தங்கம் மீது தங்களது கவனத்தினைத் திருப்பியுள்ளனர். டாலர் மீது முதலீடு செய்வதை விடத் தங்க மீது முதலீடு செய்வது சிறந்தது என்ற முடிவுக்கு முதலீட்டாளர்கள் வந்துள்ளனர்.