TATA பெயரே இல்லாமல் பங்குச்சந்தையில் சாதித்து வரும் 7 டாடா நிறுவனங்கள்..!

இந்தியாவின் வணிக சம்ராஜ்யத்தின் முக்கிய நிறுவனமாக விளங்கி வரும் டாடா குழுமம் பல்வேறு தொழில்களில் பல நிறுவனங்களைச் சொந்தமாக வைத்திருக்கிறது. அந்தநிறுவனங்களை "டாடா" பெயருடன் வருவதால் அனைவரும் எளிதில் அடையாளம் காணலாம். இருப்பினும், டாடா குழுமத்திற்கு சொந்தமான சில குறிப்பிடத்தக்க நிறுவனங்கள் டாடாவின் பெயர் இல்லாமல் வணிகம் செய்து வருகின்றன. அப்படியான, டாடா பெயர் இல்லாத ஏழு டாடா நிறுவனங்கள் இங்கே காணலாம். எஃப்எம்சிஜி, நகைகள், கெமிக்கல்ஸ், தகவல் தொடர்புகள், ஹோட்டல்கள், விமான நிறுவனங்கள் மற்றும் பலவற்றை உள்ளடக்கிய பல்வேறு தொழில்களில் பல நிறுவனங்களை டாடா குழுமம் கொண்டுள்ளது.

டாடா பெயர் இல்லாத டாடா நிறுவனங்கள்களில் ராலிஸ் இந்தியா, ராலிஸ் இந்தியா, ட்ரெண்ட் இந்தியா, வோல்டாஸ், டைட்டன் கம்பெனி, இந்தியன் ஹோட்டல்ஸ், ஐஹெச்சிஎல், நெல்கோ, பனாரஸ் ஹோட்டல்ஸ் உள்ளிட்ட 7 நிறுவனங்கள் இடம்பெற்றுள்ள்ளன.

ராலிஸ் இந்தியா: டாடா கெமிக்கல்ஸ் லிமிடெட்டின் துணை நிறுவனமான ராலிஸ் இந்தியா, ஒருங்கிணைந்த பயிர் பராமரிப்பு மற்றும் விதை நிறுவனமாகும். இது இந்திய விவசாயம், விவசாயிகளுடன் நீடித்த தொடர்பு, தரமான வேளாண் இரசாயனங்கள், பிராண்டிங் மற்றும் பலவற்றிற்கு பெயர் பெற்றது. ராலிஸ் இந்தியா பங்கு விலை கடந்த வெள்ளியன்று, ராலிஸ் இந்தியா பங்குகள் ஒரு பங்குக்கு ரூ. 337.30 ஆக, முந்தைய முடிவான ரூ.341.70க்கு எதிராக 1.29 சதவீதம் குறைந்து சரிவுடன் முடிவடைந்தது. பிஎஸ்இ பகுப்பாய்வின்படி, செப்டம்பர் 6 நிலவரப்படி, இந்த டாடா குழுமப் பங்கு கடந்த மூன்று மாதங்களில் 26.64 சதவீதம் உயர்ந்துள்ளது. இது கடந்த ஆறு மாதங்களில் சுமார் 32.56 சதவீத வருவாயை வழங்கியுள்ளது. மேலும், கடந்த ஒரு மற்றும் ஐந்து ஆண்டுகளில், ராலிஸ் பங்குகள் முறையே 41.22 மற்றும் 111.74 சதவீதம் உயர்ந்துள்ளன

ட்ரெண்ட் இந்தியா: ட்ரெண்ட் இந்தியா, இந்தியாவில் பல சில்லறை சங்கிலிகளை வைத்திருக்கும் மற்றும் நிர்வகிக்கும் சில்லறை செயல்பாட்டு நிறுவனமாகும். வெஸ்ட்சைட், லேண்ட்மார்க், ஜூடியோ மற்றும் பலவற்றின் மூலம் செயல்படும் டாடா பெயர் இல்லாத டாடா நிறுவனங்களில் ட்ரெண்ட் ஒன்றாகும். ட்ரெண்ட் பங்கு விலை கடந்த வெள்ளிக்கிழமை ஒரு பங்குக்கு ரூ.7092.60-ல் முடிவடைந்தது. முந்தைய முடிவான ரூ.7165.10க்கு எதிராக 1.01 சதவீதம் சரிந்தது. பிஎஸ்இ பகுப்பாய்வின்படி, செப்டம்பர் 6 நிலவரப்படி, ட்ரெண்ட் பங்குகள் 35.94 சதவிகிதம் வலுவாக இருந்துள்ளது. இது கடந்த ஆறு மாதங்களில் 83.30 சதவிகித வருமானத்தை வழங்கியுள்ளன. கடந்த ஒரு மற்றும் ஐந்து ஆண்டுகளில், இந்த டாடா குழுமத்தின் பங்கு முறையே 243 மற்றும் 1439.03 சதவீதம் உயர்ந்துள்ளது.

வோல்டாஸ் லிமிடெட்: வோல்டாஸ் என்பது டாடா குழுமத்தின் கீழ் உள்ள வீட்டு உபயோகப் பொருட்கள் நிறுவனமாகும். வோல்டாஸ் பங்கு விலையானது கடந்த வெள்ளியன்று, இந்த டாடா குழுமப் பங்கு, பிஎஸ்இயில் ஒரு பங்கின் முந்தைய முடிவான ரூ.1781.30க்கு எதிராக 0.04 சதவீதம் அதிகரித்து, ஒரு பங்கிற்கு ரூ.1781.95 ஆக இருந்தது. பிஎஸ்இ பகுப்பாய்வின்படி, செப்டம்பர் 6 ஆம் தேதி கடைசி முடிவின்படி, வோல்டாஸ் பங்கு விலை கடந்த மூன்று மற்றும் ஆறு மாதங்களில் முறையே 22.99 மற்றும் 67.78 சதவீதம் உயர்ந்துள்ளது. கடந்த ஒரு வருடத்தில், இந்த டாடா குழும நிறுவனத்தின் பங்குகள் 98.63 சதவீதம் உயர்ந்துள்ளது மற்றும் கடந்த ஐந்து ஆண்டுகளில் 183.05 சதவீதம் மல்டிபேக்கர் வருமானத்தை அளித்துள்ளது.

டைட்டன் கம்பெனி லிமிடெட்: டைட்டன் ஒரு டாடா குழும நிறுவனமாகும். இது முக்கியமாக நகைகள், கடிகாரங்கள் மற்றும் கண்ணாடிகள் போன்ற ஃபேஷன் பாகங்கள் தயாரிக்கிறது. டைட்டன் பங்கு விலை ஆனது கடந்த வெள்ளியன்று, டைட்டன் பங்குகள் ஒரு பங்கு ரூ. 3721.40க்கு எதிராக 0.74 சதவீதம் குறைந்து ஒரு பங்கின் விலை ரூ.3693.80 ஆக இருந்தது. பிஎஸ்இ பகுப்பாய்வின்படி, செப்டம்பர் 6 ஆம் தேதி நிலவரப்படி, கடந்த மூன்று மாதங்களில் டைட்டன் பங்கு விலை 11.14 சதவீதம் உயர்ந்துள்ளது. இந்த டாடா குழுமத்தின் பங்கு கடந்த ஐந்து ஆண்டுகளில் 245.80 சதவீதம் உயர்ந்துள்ளது.

இந்தியன் ஹோட்டல்ஸ் லிமிடெட்: டாடா குழுமத்தின் இந்தியன் ஹோட்டல்ஸ் கம்பெனி லிமிடெட் (IHCL) என்பது ஹோட்டல்கள், ரிசார்ட்டுகள் மற்றும் பலவற்றின் போர்ட்ஃபோலியோவை நிர்வகிக்கும் ஒரு விருந்தோம்பல் நிறுவனமாகும். இதன் பங்கு விலை கடந்த வெள்ளியன்று, இந்தியா ஹோட்டல்களின் பங்குகள் ஒரு பங்கு ரூ.670.40க்கு எதிராக 2.37 சதவீதம் குறைந்து, ஒரு பங்கின் விலை ரூ.654.50 ஆக இருந்தது. பிஎஸ்இ பகுப்பாய்வின்படி, செப்டம்பர் 6 நிலவரப்படி, இந்த டாடா நிறுவனப் பங்கு கடந்த மூன்று மாதங்களில் 12.09 சதவீதம் உயர்ந்துள்ளது மற்றும் கடந்த ஐந்து ஆண்டுகளில் 408.43 சதவீத வருமானத்தை வழங்கியுள்ளது.

நெல்கோ லிமிடெட்: டாடா குழுமத்தின் ஒரு பகுதி - நெல்கோ என்பது இந்தியாவில் சேட்டிலைட் கம்யூனிகேஷன் (SatCom அல்லது VSAT) சேவை வழங்குநராகும்.நெல்கோ பங்கு விலையானது கடந்த வெள்ளியன்று, நெல்கோவின் பங்குகள் ஒரு பங்குக்கு ரூ. 1236.25 ஆக, முந்தைய முடிவான ரூ.1290.80 க்கு எதிராக 4.23 சதவீதம் குறைந்து, சரிவுடன் முடிவடைந்தது. செப்டம்பர் 6 ஆம் தேதி நிலவரப்படி, டாடா பங்கு கடந்த ஒரு மாதத்தில் 53.69 சதவிகிதம் வலுவாக உயர்ந்துள்ளது மற்றும் கடந்த மூன்று மாதங்களில் 72.02 சதவிகிதம் உயர்ந்துள்ளது. கடந்த ஐந்து மற்றும் பத்து ஆண்டுகளில் நெல்கோ பங்குகள் முறையே 465.40 மற்றும் 1974.24 சதவீதம் உயர்ந்துள்ளன.

பெனாரஸ் ஹோட்டல் லிமிடெட்: டாடா குழுமத்தின் ஒரு அங்கமான இந்தியன் ஹோட்டல்ஸ் கம்பெனி லிமிடெட் (IHCL) க்கு சொந்தமானது ஆகும். பெனாரஸ் ஹோட்டல்ஸ் டாடா பெயர் இல்லாத மற்றொரு டாடா குழும நிறுவனமாகும். பெனாரஸ் ஹோட்டல் பங்கு விலை ஆனது வெள்ளியன்று, பெனாரஸ் ஹோட்டல்களின் பங்குகள் ஒரு பங்கின் விலை ரூ.7805.25க்கு எதிராக 1.62 சதவீதம் அதிகரித்து ஒரு பங்கின் விலை ரூ.7931.70 ஆக இருந்தது. செப்டம்பர் 6 ஆம் தேதியின் பிஎஸ்இ பகுப்பாய்வுகளின்படி, கடந்த மூன்று மற்றும் ஐந்து ஆண்டுகளில் பங்கு முறையே 410.75 மற்றும் 481.08 சதவீதம் உயர்ந்துள்ளது.

Disclaimer: The recommendations made above are by market analysts and are not advised by either the author, nor Greynium Information Technologies or GoodReturns. The author, nor the brokerage firm nor GoodReturns would be liable for any losses caused as a result of decisions based on this write-up. https://tamil.goodreturns.in/ advises viewers to consult with certified experts before making any investment decision.