அரசின் ஒரே அறிவிப்பால் காலியான ஹிந்துஸ்தான் ஜிங்க்.. பங்குகள் 8% சரிவால் முதலீட்டாளர்கள் கண்ணீர்..!!

லார்ஜ் கேப் உலோகத் துறை பங்குகளான ஹிந்துஸ்தான் ஜிங்க் லிமிடெட் பங்குகள் இன்றைய வர்த்தகத்தில் 8 சதவீதத்திற்கும் அதிகமாக சரிந்தன. இந்நிறுவனத்தின் 2.5 சதவீத பங்குகளை அதாவது 5.28 கோடி பங்குகளை ஆஃபர் ஃபார் சேல் மூலம் விற்கப்போவதாக மத்திய அரசு அறிவித்துள்ளதால் இன்று ஹிந்துஸ்தான் ஜிங்க் பங்குகள் கடும் நஷ்டத்தில் வர்த்தகமாகி வருகிறது. ஒரு பங்கின் விலை ரூ. 505 ஆகும். இது முந்தைய வர்த்தகத்தில் இறுதி விலையை விட 9.8 சதவீதம் குறைவு ஆகும்.

சமீபத்தில் நிறுவனம் செப்டம்பர் 2025 உடன் முடிவடைந்த இரண்டாவது காலாண்டிற்கான நிதி முடிவுகளை அறிவித்தது. அதன்படி, செப்டம்பர் மாதத்துடன் முடிவடைந்த இரண்டாவது காலாண்டில் நிறுவனத்தின் ஒருங்கிணைந்த நிகர லாபம் 35 சதவீதம் அதிகரித்து ரூ. 2327 கோடியாக இருந்தது. கடந்த ஆண்டு இதே காலாண்டில் நிறுவனத்தின் நிகர லாபம் ரூ. 1729 கோடி ஆகும். மேலும், செப்டம்பர் மாதத்துடன் முடிவடைந்த இரண்டாவது காலாண்டில், நிறுவனத்தின் வருவாய் 21 சதவீதம் அதிகரித்து ரூ. 6619 கோடியிலிருந்து ரூ. 8004 கோடியாக உள்ளது.

இந்நிறுவனத்தின் பங்குக் கண்ணோட்டத்தைப் பார்த்தால், இன்றைய வர்த்தகத்தில் ஹிந்துஸ்தான் ஜிங்க் லிமிடெட் பங்கு விலை சுமார் 8.3 சதவீதம் குறைந்து ரூ. 514.70-க்கு வர்த்தகம் செய்யப்பட்டது. 52 வாரங்களில் அதிகபட்சமாக ரூ. 807.70 ஆகவும், 52 வாரங்களில் குறைந்தபட்சம் ரூ. 284.60 ஆகவும் உள்ளது.

கடந்த வாரத்தில் பங்கு விலை சுமார் 7 சதவிகிதம் குறைந்துள்ளது. கடந்த மாதத்தில் இந்தப் பங்கு சுமார் 5 சதவிகிதம் உயர்ந்துள்ளது. அதேபோல் இந்த ஆண்டில் இதுவரை சுமார் 63 சதவீதம் உயர்ந்துள்ளது. கடந்த ஆறு மாதங்களில் சுமார் 12 சதவிகிதம், கடந்த ஆண்டில் 75 சதவிகிதம், 146 சதவிகிதம் கடந்த ஐந்து ஆண்டுகளில் லாபத்தில் ஒரு சதவீதம் அதன் பங்குதாரர்களுக்கு அனுப்பப்படுகிறது. தற்போது இந்த நிறுவனத்தின் சந்தை மதிப்பு ரூ. 2,19,000 கோடியாக உள்ளது.

ஹிந்துஸ்தான் ஜிங்க் லிமிடெட் என்பது முன்னணி வணிகக் குழுவான வேதாந்தா குழுமத்தைச் சேர்ந்த ஒரு நிறுவனம் ஆகும். இது உலகின் மிகப்பெரிய துத்தநாகம், ஈயம் மற்றும் வெள்ளி உற்பத்தியாளராக விளங்குகிறது. இந்நிறுவனத்தின் தலைமையகம் நாட்டின் தலைநகரான புது டெல்லியில் உள்ளது.

Disclaimer: The recommendations made above are by market analysts and are not advised by either the author, nor Greynium Information Technologies or GoodReturns. The author, nor the brokerage firm nor GoodReturns would be liable for any losses caused as a result of decisions based on this write-up. https://tamil.goodreturns.in/ advises viewers to consult with certified experts before making any investment decision.