HUL-இல் இருந்து தனியாக பிரியும் குவாலிட்டி வால்ஸ் நிறுவனம்: ரெக்கார்டு தேதி அறிவிப்பு

ஹிந்துஸ்தான் யூனிலீவரின் (HUL) ஐஸ்கிரீம் வணிகப் பிரிவான குவாலிட்டி வால்ஸ் (இந்தியா) நிறுவனத்தைப் பிரிப்பதற்கான பதிவு தேதி (record date) வரும் டிசம்பர் 5 ஆம் தேதி என நிர்ணயிக்கப்பட்டுள்ளது. இந்தத் தேதி நிலவரப்படி HUL பங்குகளை வைத்திருக்கும் பங்குதாரர்களுக்கு, புதிய ஐஸ்கிரீம் நிறுவனத்தின் பங்குகள் இலவசமாக வழங்கப்படும். இதனால், டிசம்பர் 5 அன்று, சிறப்புப் பூர்வாங்க வர்த்தக அமர்வுக்குப் (special pre-open session) பிறகு HUL பங்குகளின் மதிப்பு மாறும்.

HUL பங்குகளின் விலையானது இன்று ஒரு மாதத்திற்கும் மேலாக இல்லாத உச்சத்தைத் தொட்டன. சுமார் ஒரு சதவிகிதம் அதிகரித்து, ஒரு பங்கு ரூ 2,488 ஆக வர்த்தகமானது. முன்னதாக, நவம்பரில், HUL நிறுவனம் தனது ஐஸ்கிரீம் வணிகத்தைப் பிரிப்பதற்கு ஒப்புதல் அளித்தது. 'குவாலிட்டி வால்ஸ்', 'கார்னெட்டோ', 'மேக்னம்' போன்ற பிரபலமான பிராண்டுகளை இதன் கீழ் இயக்கி வருகிறது. இந்தத் திட்டத்திற்கு தேசிய நிறுவனச் சட்ட தீர்ப்பாயம் (NCLT) கடந்த அக்டோபர் 30 அன்று ஒப்புதல் அளித்தது.

HUL-இன் ஒட்டுமொத்த ஆண்டு வருவாயில் ஐஸ்கிரீம் வணிகம் 3 சதவிகித பங்களிப்பைக் கொண்டுள்ளது. இதன்மூலம் ரூ.1,800 கோடி வருவாய் ஈட்டப்படுகிறது. பங்குகளைப் பிரித்து வழங்கும் விகிதம் 1:1 என நிர்ணயிக்கப்பட்டுள்ளது. அதாவது, பதிவு தேதியின்படி HUL-இன் ஒவ்வொரு பங்குதாரருக்கும், அவர்கள் வைத்துள்ள ஒரு HUL பங்குக்கு, புதிய ஐஸ்கிரீம் வணிகப் பிரிவின் ஒரு பங்கு வழங்கப்படும் என அர்த்தம்.

பங்கு ஒதுக்கீட்டு தேதி டிசம்பர் 29 என முடிவு செய்யப்பட்டுள்ளது. இலவசப் பங்குகளைப் பெற தகுதியான பங்குதாரர்களைத் தீர்மானிக்கும் பதிவு தேதி டிசம்பர் 5 என அறிவிக்கப்பட்டுள்ளது. இந்தத் தேதியில் பங்குகளை வைத்திருப்பவர்களின் பெயர்கள் பதிவு செய்யப்பட்டிருந்தால், அவர்கள் குவாலிட்டி வால்ஸ் இந்தியாவின் (KWIL) இலவசப் பங்குகளைப் பெறுவார்கள்.

சந்தை கட்டுப்பாட்டு அமைப்பான SEBI-இன் விதிகளின்படி, NCLT ஒப்புதல் அளித்த 60 நாட்களுக்குள் பிரிக்கப்பட்ட நிறுவனத்தின் பங்குகள் பட்டியலிடப்பட வேண்டும். தேசிய பங்குச் சந்தை (NSE) கடந்த நவம்பர் 28 அன்று வெளியிட்ட அறிவிப்பில், டிசம்பர் 5 முதல் குவாலிட்டி வால்ஸ் இந்தியா நிஃப்டி 50 குறியீட்டில் சேர்க்கப்படும் என்று கூறியுள்ளது. இந்த இணைப்புச் சரிசெய்தலின் ஒரு பகுதியாக, பிரிக்கப்பட்ட நிறுவனம் ஒரு 'DUMMYHDLVR' என்ற தற்காலிக குறியீட்டைப் பயன்படுத்தி, பூஜ்ஜிய விலையில் 35 நிஃப்டி குறியீடுகளில் சேர்க்கப்படும்.

HUL பங்குகளின் விலையானது தொடர்ச்சியாக நான்காவது அமர்வாக உயர்ந்துள்ளது. கடந்த ஐந்து நாட்களில் சுமார் 3 சதவிகிதமும், கடந்த ஆறு மாதங்களில் சுமார் 5 சதவிகிதமும் பங்குகள் உயர்ந்துள்ளன. 2025 ஆம் ஆண்டில் இதுவரை 7 சதவிகிதத்திற்கும் அதிகமாக இதன் பங்கு மதிப்பு அதிகரித்து உள்ளது. தற்போது, HUL-இன் P/E விகிதம் சுமார் 54 ஆகவும், அதன் சந்தை மூலதனம் ரூ 5.8 லட்சம் கோடிக்கு அதிகமாகவும் உள்ளது.

Disclaimer: இந்த செய்தியில் இருக்கும் கருத்துகள் மற்றும் பரிந்துரைகள் தனிப்பட்ட ஆய்வாளர்கள் அல்லது நிறுவனங்களின் சொந்த கருத்துகளாகும், இவை Goodreturns.in அல்லது Greynium Information Technologies Private Limited (இவை இரண்டும் "நாங்கள்" என குறிப்பிடப்படுகிறது) ஆகியவற்றின் கருத்துகளைப் பிரதிபலிக்கவில்லை. உள்ளடக்கத்தின் துல்லியம், முழுமை அல்லது நம்பகத்தன்மைக்கு நாங்கள் எந்தவொரு உத்தரவாதம் அளிக்கவோ, அங்கீகரிக்கவோ அல்லது பொறுப்பேற்கவோ மாட்டோம். மேலும், முதலீட்டு ஆலோசனை அல்லது பங்குகளை வாங்கவோ விற்கவோ எந்த வித தூண்டுதலையும், ஊக்கத்தையும் நாங்கள் வழங்கவில்லை. அனைத்து தகவல்களும் புரிதல் நோக்கங்களுக்காக மட்டுமே வழங்கப்படுகின்றன. எந்தவொரு முதலீட்டு முடிவுகளை எடுப்பதற்கு முன்பும், அங்கீகரிக்கப்பட்ட நிதி ஆலோசகர்களிடமிருந்து தனிப்பட்ட முறையில் சரிபார்க்கப்பட வேண்டும்.