அதளபாதாளத்தில் indiMART.. Q2 முடிவுகளுக்குப் பின் ஆய்வாளர்கள் எச்சரித்ததால் பங்குகள் 16% சரிவு..!!

பங்குச் சந்தையில் இந்தியாமார்ட் பங்குகள் விலை இன்று பலத்த சரிவை பதிவு செய்துள்ளது. இதன் காலாண்டு முடிவுகளை நிறுவனம் கடந்த சனிக்கிழமை வெளியிட்ட நிலையில், இன்று பங்குகள் 15% வரை சரிந்துள்ளன. இதற்கு காரணம் நிறுவனத்தின் காலாண்டு முடிவுகளை தொடர்ந்து ஆய்வாளர்கள் 21 பேரில் 8 பேர் மட்டுமே பங்குகளை வாங்குவதற்கான மதிப்பீடுகளை கொடுத்துள்ளனர்.

ஆன்லைன் B2B சந்தை மற்றும் கண்டுபிடிப்பு தளமான இந்தியாமார்ட் இன்டர்மெஷ் நிறுவனத்தின் பங்குகள் ஆய்வாளர்களிடமிருந்து எதிர்மறையான பதிலை பெற்றுள்ளது. அவர்கள் இந்த பங்கின் மீது எச்சரிக்கையான கண்ணோட்டத்தை வழங்கியதால் முதலீட்டாளர்களிடையே நம்பிக்கை இழக்க செய்துள்ளது.

நிறுவனம் சமீபத்தில் வெளியிட்ட 2025ஆம் நிதியாண்டின் செப்டம்பர் 30, 2024 இல் முடிவடைந்த இரண்டாவது காலாண்டில் நிகர லாபம் 94.7% ஆண்டுக்கு ரூ.135.1 கோடியாக உயர்ந்துள்ளது. இருப்பினும், செப்டம்பர் காலாண்டில் வசூல் வளர்ச்சியானது, முந்தைய ஆண்டின் காலாண்டில் 14% ஆக இருந்து 5% ஆகக் குறைந்துள்ளது.

செயல்பாட்டுகள் அடிப்படையில் அதன் வட்டி, வரி, தேய்மானம் மற்றும் பணமதிப்பிழப்புக்கு முந்தைய வருவாய் (EBITDA) இந்த நிதியாண்டின் இரண்டாவது காலாண்டில் 68.4% உயர்ந்து ரூ.134.7 கோடியாக இருந்தது. முந்தைய நிதியாண்டின் இதே காலக்கட்டத்தில் ரூ.80 கோடியாக இருந்தது.

அதேபோல், நிகர லாபம் 24% சரிந்து ரூ.223 கோடியாக உள்ளது. ஆனால் நிகர வட்டி வருமானம் 10% அதிகரித்து ரூ.1,615 கோடியாக உள்ளது. இதன் எபிட்டா மார்ஜின் அறிக்கை காலாண்டில் 38.7% ஆக இருந்தது. இது முந்தைய நிதியாண்டின் இதே காலத்தில் 27.2% ஆக இருந்தது.
EBITDA என்பது வட்டி, வரி, தேய்மானம் மற்றும் பணமதிப்பிழப்புக்கு முந்தைய வருவாய் ஆகும்.

இந்தியா மார்டின் வருவாயும் அதிகரித்துள்ளது. செப்டம்பர் 30, 2024 நிலவரப்படி ரூ.1,483 கோடியாக இருந்தது. இது ஆண்டுக்கு ஆண்டு 19% வளர்ச்சியாகும். இதில், இந்தியாமார்டின் நிலையான ஒத்திவைக்கப்பட்ட வருவாய் ரூ.1,426 கோடியாகும். அதே நேரத்தில் பிஸி இன்ஃபோடெக் இதற்கு ரூ.53 கோடி பங்களித்தது. இந்த காலாண்டிற்கான செயல்பாடுகளின் மூலம் நிறுவனத்தின் பணப்புழக்கம் ரூ.103 கோடியாக இருந்தது. செப்டம்பர் 30, 2024 நிலவரப்படி ரொக்கம் மற்றும் முதலீட்டு இருப்பு ரூ.2,449 கோடியாக இருந்தது.

இரட்டை இலக்க நிகர வட்டி வளர்ச்சியுடன் நிகர லாபம் 5% உயர்ந்த போதிலும், புரோக்கரேஜ் நிறுவனமான ஜெப்ரீஸ், முந்தைய மதிப்பீடான வாங்குதல் என்பதிலிருந்து அதனை குறைத்துள்ளது. அதன் விலை இலக்கை ரூ.3,890 இல் இருந்து ரூ.2,540 ஆகக் குறைத்துள்ளது. சந்தாதாரர் சேர்க்கையில் குறைவான வசூல் வளர்ச்சியால் காலாண்டில் நிறுவனம் முக்கிய எதிர்மறையான வளர்ச்சியை பதிவு செய்துள்ளதாகவும், சந்தாதாரர் சேர்க்கை அதிகரிக்கும் வரை அதன் வளர்ச்சி 10% முதல் 15% வரை இருக்கும் என்று கூறியுள்ளது.

அதேபோல், ரூ.3,150 விலை இலக்குடன் நோமுரா இந்த பங்குகளில் நடுநிலை மதிப்பீட்டை வழங்கி உள்ளது. நிறுவனத்தின் வளர்ச்சி மதிப்பீட்டைக் குறைத்து அதன் மடங்குகளின் மதிப்பீட்டை குறைத்துள்ளது. தரகு இந்தியாமார்ட்டின் வருவாய் மதிப்பீட்டை 4% முதல் 12% வரை குறைத்துள்ளது. பலவீனமான சேகரிப்புகள் மற்றும் குறைந்த சந்தாதாரர் சேர்க்கைகள் நிறுவனத்தின் நெருங்கிய காலக் கண்ணோட்டத்தை பாதிக்கும் என்று கூறியுள்ளது.

அதேபோல், இந்தியாமார்ட் பங்குகளில் கவரேஜ் ஐ வழங்கியுள்ள 21 ஆய்வாளர்களில், 8 பேர் மட்டுமே வாங்குதல் மதிப்பீட்டை கொடுத்துள்ளது. அவர்களில் 4 பேர் பங்குகளை வைத்திருக்கவும் 9 பேர் பங்குகளை விற்பனை செய்யவும் பரிந்துரைத்துள்ளனர்.

இதற்கிடையில், இன்றைய வர்த்தகம் முடிவு நேர்த்தில் இந்தியா மார்ட் பங்குகள் சுமார் 16.39% சரிந்து ரூ.2519.20 ஆக முடிந்தது.

Disclaimer: The recommendations made above are by market analysts and are not advised by either the author, nor Greynium Information Technologies or GoodReturns. The author, nor the brokerage firm nor GoodReturns would be liable for any losses caused as a result of decisions based on this write-up. https://tamil.goodreturns.in/ advises viewers to consult with certified experts before making any investment decision.