முதலீட்டாளர்களுக்கு இன்ப அதிர்ச்சி: 1500 புள்ளிகளுக்கு மேல் உயர்ந்த சென்செக்ஸ்!!

இன்றைய வர்த்தகத்தில் , சென்செக்ஸ் மற்றும் நிஃப்டி குறியீடுகள் 2 சதவீதத்திற்கும் மேல் ஏற்றம் கண்டு முதலீட்டாளர்களை நிம்மதி பெருமூச்சு விடவைத்தன. ஈரானின் மொஜ்தபா கமேனி அமெரிக்காவுடன் பேச்சுவார்த்தைக்கு ஒப்புக்கொண்டதாக அல் அராபியா ஊடகம் வெளியிட்ட செய்தியால் பங்குச்சந்தைகள் வலுவடைந்தன.

அமெரிக்க அதிபர் டொனால்ட் டிரம்ப், ஈரானிய எரிசக்தி உள்கட்டமைப்பு தாக்குதல்களை தற்காலிகமாக நிறுத்துவதாக அறிவித்ததாலும், உலகளாவிய சந்தைகளில் ஏற்பட்ட லாபத்தாலும் இன்று காலையிலேயே இந்திய சந்தைகள் உயர்ந்தன. மதியம் 1:29 மணிக்கு, சென்செக்ஸ் 1,655.97 புள்ளிகள் (2.28%) உயர்ந்து 74,352.36 ஆகவும், நிஃப்டி 510.35 புள்ளிகள் (2.27%) உயர்ந்து 23,023.00 ஆகவும் இருந்தது. வணிகத்தில் 2932 பங்குகள் ஏற்றம் பெற்றன, 945 பங்குகள் சரிந்தன; 131 பங்குகளில் மாற்றம் இல்லை. அனைத்து 16 துறைசார் குறியீடுகளும் லாபத்துடன் வர்த்தகமாயின. பரந்த சந்தைகளில், நிஃப்டி ஸ்மால்கேப்100 மற்றும் நிஃப்டி மிட்கேப்100 குறியீடுகள் முறையே 0.77% மற்றும் 1.10% உயர்ந்தன.

தனிப்பட்ட பங்குகளின் வரிசையில், HDFC வங்கிப் பங்கு 1.1% உயர்ந்தது. அதன் முன்னாள் பகுதிநேரத் தலைவர் அணு சக்ரவர்த்தியின் ராஜினாமா கடிதத்தை ஆய்வு செய்ய வெளி சட்ட நிறுவனங்களை வங்கி நியமித்ததால் இது நிகழ்ந்தது. அவரது திடீர் ராஜினாமாவுக்கு பிறகு, கடந்த மூன்று அமர்வுகளில் இப்பங்கு 11.7% சரிந்து, சுமார் ரூ.1,35,000 கோடி சந்தை மதிப்பினை இழந்திருந்தது.

ஒட்டு மொத்தமாக சந்தை ஏற்றத்திற்கான முக்கியக் காரணிகளுள் ஒன்று, ஈரானின் புதிய உச்ச தலைவர் மொஜ்தபா காமெனி அமெரிக்காவுடன் ஒரு ஒப்பந்தத்தை எட்ட பேச்சுவார்த்தைக்கு ஒப்புக்கொண்டதாக அல் அராபியா ஊடகம் கூறியதாகும். அமெரிக்க அதிபர் டொனால்ட் டிரம்ப், பேச்சுவார்த்தைகளில் "முக்கிய ஒப்பந்தப் புள்ளிகள்" எட்டப்பட்டதாகக் குறிப்பிட்டார். எனினும், அமெரிக்காவுடனான எந்தப் பேச்சுவார்த்தையையும் ஈரான் மறுத்தது. இந்நிலையில் அல் அராபியா இப்படி ஒரு செய்தியை வெளியிட்டது.

Also Read

டிரம்ப்-இன் ஈரான் போர் நிறுத்த அறிவிப்பு பின்னணியில் விளையாடிய பல்லாயிரம் கோடி பணம்!!

அது தவிர கச்சா எண்ணெய் விலைகள் தணிந்ததும் சந்தை ஏற்றத்திற்கு ஒரு முக்கியக் காரணி. உலகளாவிய எண்ணெய் பெஞ்ச்மார்க் ஆன ப்ரெண்ட் கச்சா எண்ணெய் 4.16% உயர்ந்து ஒரு பீப்பாய் $104.1 ஆக வர்த்தகமானது. இது முன்னதாக $110 என்ற அளவில் காணப்பட்டதில் இருந்து குறைவு. "திட்டமிடப்பட்ட தாக்குதல்கள் ஒத்திவைக்கப்பட்ட பின்னர் புவிசார் அரசியல் பதட்டங்கள் தற்காலிகமாகத் தணிந்ததால் எண்ணெய் விலை குறைந்துள்ளது," என்று நிபுணர்கள் கூறுகின்றனர்.

Recommended For You

செல்வமகள் சேமிப்பு திட்டத்தில் வட்டி உயர்த்தப்படுகிறதா? மக்களவையில் முக்கிய தகவலை வெளியிட்ட அரசு…!!

சமீபத்திய நிச்சயமற்ற தன்மைகளைக் குறைக்கும் விதமாக, இந்தியா VIX ஏற்ற இறக்கக் குறியீடு 4% சரிந்து 25.60 ஆக குறைந்தது. இது முதலீட்டாளர்களிடையே உடனடி கவலைகள் குறைந்ததைக் குறித்தது, இதுவும் சந்தை ஏற்றத்திற்கு ஒரு காரணியாக அமைந்தது. ஜியோஜித் இன்வெஸ்ட்மென்ட்ஸ் நிறுவனத்தின் தலைமைச் சந்தை வியூக நிபுணர் ஆனந்த் ஜேம்ஸ், நிஃப்டி 22,680 புள்ளிகளுக்கு மேல் வர்த்தகமானால் வலிமை பெறும் என்றார்.

Disclaimer: இந்த செய்தியில் இருக்கும் கருத்துகள் மற்றும் பரிந்துரைகள் தனிப்பட்ட ஆய்வாளர்கள் அல்லது நிறுவனங்களின் சொந்த கருத்துகளாகும், இவை Goodreturns.in அல்லது Greynium Information Technologies Private Limited (இவை இரண்டும் "நாங்கள்" என குறிப்பிடப்படுகிறது) ஆகியவற்றின் கருத்துகளைப் பிரதிபலிக்கவில்லை. உள்ளடக்கத்தின் துல்லியம், முழுமை அல்லது நம்பகத்தன்மைக்கு நாங்கள் எந்தவொரு உத்தரவாதம் அளிக்கவோ, அங்கீகரிக்கவோ அல்லது பொறுப்பேற்கவோ மாட்டோம். மேலும், முதலீட்டு ஆலோசனை அல்லது பங்குகளை வாங்கவோ விற்கவோ எந்த வித தூண்டுதலையும், ஊக்கத்தையும் நாங்கள் வழங்கவில்லை. அனைத்து தகவல்களும் புரிதல் நோக்கங்களுக்காக மட்டுமே வழங்கப்படுகின்றன. எந்தவொரு முதலீட்டு முடிவுகளை எடுப்பதற்கு முன்பும், அங்கீகரிக்கப்பட்ட நிதி ஆலோசகர்களிடமிருந்து தனிப்பட்ட முறையில் சரிபார்க்கப்பட வேண்டும்.