நிலையாக வர்த்தகத்தை தொடங்கிய இந்திய பங்குச்சந்தைகள்: இன்று வர்த்தகம் எப்படி இருக்கும்?

இந்திய பங்குச் சந்தை வியாழக்கிழமை, நிலையாக வர்த்தகத்தை தொடங்கியது. நிஃப்டி 0.07% சிறிதளவு உயர்ந்து 25,230.80 ஆகவும், அதே நேரத்தில் பிஎஸ்இ சென்செக்ஸ் 119 புள்ளிகள் உயர்ந்து 82,753.5 ஆகவும் தொடங்கியது. கலவையான காலாண்டு வருவாய் அறிக்கைகளால் தகவல் தொழில்நுட்பத் துறை பங்குகள் தொடர்ந்து சரிவைக் கண்டன.

வங்கி மற்றும் நிதிச் சேவைப் பங்குகளும் அழுத்தத்தை எதிர்கொண்டன. நிஃப்டி வங்கி மற்றும் நிஃப்டி நிதிச் சேவைகள் முறையே 0.04% மற்றும் 0.08% சரிவைக் காட்டின. இருப்பினும், நிஃப்டி 100, நிஃப்டி 200 மற்றும் நிஃப்டி 500 போன்ற பரந்த சந்தை குறியீடுகள் 0.1%க்கு மேல் வர்த்தகமாகி நேர்மறையாக இருந்தன. மிட்கேப் மற்றும் ஸ்மால்கேப் குறியீடுகளும் ஏற்றத்துடன் வர்த்தகம் செய்யப்பட்டன.

புதன்கிழமை அன்று, இந்திய பங்குச் சந்தை முதலில் மீண்டது, ஆனால் இறுதியில் சிவப்பு நிறத்தில் முடிந்தது. நிஃப்டி50 25,212 இல் முடிந்தது. தகவல் தொழில்நுட்பத் துறை பங்குகள் அழுத்தத்தில் இருந்தன, அதே நேரத்தில் பொதுத்துறை வங்கிப் பங்குகள் சிறப்பாகச் செயல்பட்டன, நிஃப்டி பொதுத்துறை வங்கி குறியீடு 1.8% உயர்ந்தது. அமெரிக்க வர்த்தகக் கட்டணங்கள் உலோகத் துறையை பாதிக்கும் என்பதால் முதலீட்டாளர்கள் எச்சரிக்கையாக இருந்தனர்.

இண்டஸ் இண்ட் வங்கி, ஈச்சர் மோட்டார்ஸ், மகேந்திரா & மகேந்திரா , சன் பார்மா ஆகியவை ஏற்றத்திலும் ஹெச்டிஎஃப்சி லப், டெக் மகேந்திரா, ஐசிஐசிஐ, எஸ்பிஐ அதானி போர்ட்ஸ் ஆகியவை பின்தங்கி இருந்தன. மோதிலால் ஓஸ்வால் ஃபைனான்சியல் சர்வீசஸ் லிமிடெட் நிறுவனத்தைச் சேர்ந்த சித்தார்த் கேம்கா, இந்தியா-அமெரிக்க வர்த்தகப் பேச்சுவார்த்தையில் முன்னேற்றம் இருப்பதாலும், சந்தைகள் நேர்மறையான போக்கைக் கொண்டிருக்கும் என்று தெரிவிக்கிறார். "வருவாய் பருவம் வேகம் பெறும் போது பங்கு தொடர்பான நடவடிக்கைகள் தொடரும்," என்று அவர் குறிப்பிட்டார்.

அமெரிக்க வர்த்தகக் கட்டண பேச்சுவார்த்தைகள் மீண்டும் தொடங்கியதாலும், காலாண்டு 1 வருவாய் பருவம் மெதுவாகத் தொடங்கியதாலும் முதலீட்டாளர்கள் எச்சரிக்கையாக இருக்குமாறு அறிவுறுத்தப்படுகிறார்கள்.

பணவீக்கம் குறைந்து, கொள்கை ஆதரவு மற்றும் சாதகமான வானிலை ஆகியவற்றுடன், கிராமப்புற சந்தைகள் நிலையான மீட்சிக்காக தயாராக உள்ளன. செவ்வாயன்று வெளிநாட்டு நிறுவன முதலீட்டாளர்கள் (FIIகள்) மற்றும் உள்நாட்டு நிறுவன முதலீட்டாளர்கள் (DIIகள்) இருவரும் நிகர வாங்குபவர்களாக இருந்தனர், இது பரந்த சந்தை பலவீனங்களைக் குறைக்க உதவியது.

Disclaimer: This article is strictly for informational purposes only. It is not a solicitation to buy, sell in precious metal products, commodities, securities or other financial instruments. Greynium Information Technologies Pvt Ltd, its subsidiaries, associates and the author of this article do not accept culpability for losses and/or damages arising based on information in this article.