மந்தமாக தொடங்கிய இந்திய பங்குச்சந்தை: முதலீட்டாளர்கள் என்ன செய்யலாம்?

செவ்வாய்க்கிழமை அன்று இந்திய பங்குச் சந்தை சற்று மந்தமான நிலையில் தொடங்கியது. நிஃப்டி மற்றும் சென்செக்ஸ் ஆகிய இரண்டும் குறைந்த அளவிலான நகர்வைக் காட்டின. முதலீட்டாளர்கள் ஒரு மாதத்தில் இல்லாத அளவிற்கு குறியீடுகள் குறைந்த நிலையில் இருந்ததால், எச்சரிக்கையான அணுகுமுறையைக் கடைப்பிடிப்பது தெரிய வருகிறது.

நிஃப்டி 50 காலை வர்த்தகத்தில் 43 புள்ளிகள் குறைந்து 24,637 புள்ளிகளில் தொடங்கியது, அதே நேரத்தில் பிஎஸ்இ சென்செக்ஸ் 140 புள்ளிகள் குறைந்து 80,750 புள்ளிகளில் தொடங்கியது. கோடக் மஹிந்திரா வங்கி போன்ற வங்கிப் பங்குகளில் ஏற்பட்ட குறைவான செயல்பாட்டின் காரணமாக, நிஃப்டி வங்கி 118 புள்ளிகள் குறைந்து 55,966 புள்ளிகளில் வர்த்தகத்தை தொடங்கியது.

வர்த்தகத்தின் ஆரம்ப நிமிடங்களில், பிஎஸ்இ சென்செக்ஸ் 66 புள்ளிகள் குறைந்து 80,860 புள்ளிகளில் இருந்தது. பலவீனமான தொடக்கம் இருந்தபோதிலும், சாதகமான முன்னேற்ற-சரிவு விகிதத்தால் சந்தை உணர்வு ஓரளவு நேர்மறையாக இருந்தது. காலை 9:25 மணிக்கு, பிஎஸ்இ-யில் 1,001 பங்குகள் சரிந்த நிலையில், 1,491 பங்குகள் உயர்ந்த நிலையில் இருந்தன. நிஃப்டி வங்கி மற்றும் நிதி சேவைகள் ஆரம்பத்தில் தடுமாறின, அதே நேரத்தில் பரந்த சந்தைக் குறியீடுகள் கலவையான முடிவுகளைக் காட்டின. நிஃப்டி மிட்கேப் குறியீடுகள் பச்சை நிறத்தில் இருந்தன, நிஃப்டி 100, 200, மற்றும் 500 ஆகியவை சரிவில் காணப்பட்டன.

எடர்னல், இன்போசிஸ், பாரத் எலக்ட்ரானிக்ஸ் லிமிடெட் (பிஇஎல்), ஏசியன் பெயிண்ட்ஸ் மற்றும் விப்ரோ ஆகியவை சரிவில் இருந்தன. ஜேஎஸ்டபிள்யூ ஸ்டீல், இண்டஸ்இண்ட் வங்கி, ஜியோ ஃபைனான்ஸ், ரிலையன்ஸ், ஓஎன்ஜிசி மற்றும் ஸ்ரீராம் ஃபைனான்ஸ் ஆகியவை என்எஸ்இ-யில் பாசிடிவான நகர்வை காட்டின. சந்தையின் பலவீனமான தொடக்கமானது, நிஃப்டி மற்றும் சென்செக்ஸுக்கு மென்மையான தொடக்கத்தை அளிக்கும் என்று கிஃப்ட் நிஃப்டி காட்டியது.

முதல் காலாண்டு வருவாய் குறைவு, இந்தியா-அமெரிக்க வர்த்தக ஒப்பந்தம் மீதான நிச்சயமற்ற தன்மை மற்றும் ஆகஸ்ட் 1-ஆம் தேதி காலக்கெடு குறித்த கவலைகள் போன்ற பல காரணங்களால் பங்குச்சந்தை மந்தமாக இருக்கிறது.

திங்களன்று, சென்செக்ஸ் கணிசமாகக் குறைந்து 80,891.02 புள்ளிகளாகவும், நிஃப்டி 50 சுமார் 156 புள்ளிகள் குறைந்து 24,681 ஆகவும் சரிந்தன. ஜூலை 28 அன்று ஏற்பட்ட மோசமான செயல்பாடு, கோடக் மஹிந்திரா வங்கி மற்றும் மேக்ரோடெக் டெவலப்பர்ஸ் (லோதா) ஆகியவற்றின் ஏமாற்றமளிக்கும் வருவாயைத் தொடர்ந்து தனியார் வங்கி மற்றும் ரியால்டிப் பங்குகளில் ஏற்பட்ட பலவீனத்தால் ஏற்பட்டது.

மோதிலால் ஓஸ்வாலின் சித்தார்த்தா கேம்கா கருத்து தெரிவிக்கையில், "கலவையான காலாண்டு வருவாய், எஃப்ஐஐ தொடர்ந்து விற்பனை செய்வது (கடந்த வாரம் ரூ.13,553 கோடி வெளியேற்றம்) மற்றும் இந்தியா-அமெரிக்க வர்த்தக ஒப்பந்தத்தில் முன்னேற்றம் இல்லாததால், சந்தை அழுத்தத்தில் இருக்கும் என்று நாங்கள் எதிர்பார்க்கிறோம்" என கூறுகிறார்.

தரகு நிறுவனமான நிர்மல் பேங், "நிஃப்டி ஒரு சமமான நிலையில் வர்த்தகத்தை தொடங்கும் என்றும், நாள் முழுவதும் ஒரு வரம்பு சார்ந்த நகர்வைச் சந்திக்கும் என்றும் எதிர்பார்க்கப்படுகிறது." அவர்கள் நிஃப்டிக்கான உடனடி ஆதரவை 24,570 ஆக அடையாளம் கண்டுள்ளனர், மேலும் இந்த நிலைக்குக் கீழே வர்த்தகம் முடிந்தால் மேலும் சரிவு ஏற்படும் என்று எச்சரித்தனர்.

நிஃப்டி ஆட்டோ, மெட்டல், எஃப்எம்சிஜி, ரியால்டி, வங்கி மற்றும் ஹெல்த்கேர் போன்ற குறியீடுகள் ஏற்றப்போக்கை காட்டின. இருப்பினும், நிதி, தகவல் தொழில்நுட்பம் மற்றும் நுகர்வோர் நீடித்த பொருட்கள் துறைகளில் விற்பனை அழுத்தம் இருந்தது.

Disclaimer: This article is strictly for informational purposes only. It is not a solicitation to buy, sell in precious metal products, commodities, securities or other financial instruments. Greynium Information Technologies Pvt Ltd, its subsidiaries, associates and the author of this article do not accept culpability for losses and/or damages arising based on information in this article.