3 நாட்களாக உயர்ந்த இந்திய பங்குச்சந்தைகள் இன்று சரிந்தது ஏன்? அடுத்த வாரம் எப்படி இருக்கும்?

இந்திய பங்குச் சந்தையின் முக்கிய குறியீடுகளான சென்செக்ஸ் மற்றும் நிஃப்டி 50, மூன்று நாட்கள் தொடர்ச்சியான உயர்வுக்குப் பிறகு சரிந்தன. உலகளாவிய சந்தைகளில் நிலவிய பலவீனமான சூழல் மற்றும் முதலீட்டாளர்கள் லாபத்தை எடுத்தது ஆகியவையே இந்த சரிவுக்கு முக்கியக் காரணங்களாக அமைந்தன.

மும்பை பங்குச் சந்தையின் சென்செக்ஸ் குறியீடு 388 புள்ளிகள் குறைந்து 82,626.23 என்ற அளவில் முடிவடைந்தது. இது 0.47% சரிவாகும். தேசிய பங்குச் சந்தையின் நிஃப்டி 50 குறியீடு 97 புள்ளிகள் சரிந்து 25,327.05 என்ற அளவில் முடிவடைந்தது. இது 0.38% சரிவாகும்.

பிஎஸ்இ மிட்கேப் குறியீடு 0.09% சரிந்தாலும், பிஎஸ்இ ஸ்மால்கேப் குறியீடு இதற்கு மாறாக 0.16% உயர்ந்து முதலீட்டாளர்களுக்கு ஆறுதல் அளித்தது. சந்தையின் முக்கிய பங்குகளான ஹெச்டிஎஃப்சி வங்கி, ஐசிஐசிஐ வங்கி மற்றும் ரிலையன்ஸ் இண்டஸ்ட்ரீஸ் ஆகியவை சரிவைச் சந்தித்தன. பெரும்பாலான பங்குகளில் முதலீட்டாளர்கள் லாபம் எடுத்ததே சென்செக்ஸ் மற்றும் நிஃப்டி சரிவுக்கு வழிவகுத்தது.

சந்தையின் அடிப்படை நிலைமைகள் வலுவாகவே உள்ளன. வலுவான பொருளாதாரக் கண்ணோட்டமும், நிறுவனங்களின் வருவாய் மீதான எதிர்பார்ப்புகளும் சந்தைக்கு உத்வேகம் அளிக்கின்றன. ஆனால், இந்தியா-அமெரிக்கா வர்த்தகப் பேச்சுவார்த்தைகள் குறித்த தெளிவான தகவல்களை முதலீட்டாளர்கள் எதிர்பார்த்தனர்.

என்ரிச் மணியின் தலைமைச் செயல் அதிகாரி பொன்முடி "புதிய நேர்மறைத் தூண்டுதல்கள் இல்லாததால், குறுகிய கால வர்த்தகர்கள் லாபத்தைப் பதிவு செய்தனர். இதனால் சந்தைகள் சற்று சரிவுடன் முடிவடைந்தன. இது முதலீட்டாளர்களிடையே நிலவும் எச்சரிக்கை உணர்வைப் பிரதிபலிக்கிறது, என்று கூறினார்.

அமெரிக்க பெடரல் வங்கியின் வட்டி விகிதக் குறைப்பு சற்று நிம்மதி அளித்தாலும், உள்நாட்டுச் சவால்கள் தொடர்ந்து லாபப் பதிவுகளைத் தூண்டி, முதலீட்டாளர்களின் உணர்வுகளை எச்சரிக்கையுடன் வைத்திருக்கின்றன என்று பொன்முடி மேலும் குறிப்பிட்டார்.

Disclaimer: இந்த செய்தியில் இருக்கும் கருத்துகள் மற்றும் பரிந்துரைகள் தனிப்பட்ட ஆய்வாளர்கள் அல்லது நிறுவனங்களின் சொந்த கருத்துகளாகும், இவை Goodreturns.in அல்லது Greynium Information Technologies Private Limited (இவை இரண்டும் "நாங்கள்" என குறிப்பிடப்படுகிறது) ஆகியவற்றின் கருத்துகளைப் பிரதிபலிக்கவில்லை. உள்ளடக்கத்தின் துல்லியம், முழுமை அல்லது நம்பகத்தன்மைக்கு நாங்கள் எந்தவொரு உத்தரவாதம் அளிக்கவோ, அங்கீகரிக்கவோ அல்லது பொறுப்பேற்கவோ மாட்டோம். மேலும், முதலீட்டு ஆலோசனை அல்லது பங்குகளை வாங்கவோ விற்கவோ எந்த வித தூண்டுதலையும், ஊக்கத்தையும் நாங்கள் வழங்கவில்லை. அனைத்து தகவல்களும் புரிதல் நோக்கங்களுக்காக மட்டுமே வழங்கப்படுகின்றன. எந்தவொரு முதலீட்டு முடிவுகளை எடுப்பதற்கு முன்பும், அங்கீகரிக்கப்பட்ட நிதி ஆலோசகர்களிடமிருந்து தனிப்பட்ட முறையில் சரிபார்க்கப்பட வேண்டும்.