அதானி கட்டுப்பாட்டில் இப்படியொரு நிறுவனமா..? 1,505.4% லாபம் கொடுத்த மல்டிபேக்கர் பங்கு..!!

இந்தியாவின் முன்னணி பொறியியல் மற்றும் கட்டுமான நிறுவனமான ITD சிமென்டேஷன் இந்தியா லிமிடெட், கடந்த ஐந்து ஆண்டுகளில் 1,505.4% வருமானத்தை அளித்து, மல்டிபேக்கர் பங்காக விளங்குகிறது. பலருக்கு இது அதானி குழுமத்தின் கட்டுப்பாட்டின் கீழ் இப்படியொரு நிறுவனம் இருப்பதே தெரியாது என்பது தான் நிதர்சனமாக உண்மை.

1931-ல் இங்கிலாந்தின் சிமென்டேஷன் கம்பெனி லிமிடெட் கிளையாக தொடங்கிய ITD சிமென்டேஷன், 2005-ல் இத்தாலிய-தாய் டெவலப்மென்ட் (ITD) நிறுவனத்தின் கட்டுப்பாட்டில் வந்தது.

இதை 2024-25ல், அதானி குழுமத்தின் ரின்யூ எக்ஸிம், 67.46% பங்குகளை கையகப்படுத்தி, இந்நிறுவனத்தின் ஆதிக்கம் செலுத்தும் பங்குகளை கைப்பற்றியுள்ளது. இந்நிறுவனம் சிவில், உள்கட்டமைப்பு, மற்றும் EPC திட்டங்களில் நிபுணத்துவம் பெற்றது, இந்தியாவின் முக்கிய கட்டுமான நிறுவனமாக உள்ளது.

2020 ஆகஸ்டில் ITD சிமென்டேஷன் வெறும் ரூ.43.90-ஆக இருந்த பங்கு, ஜூன் 27, 2025 அன்று வர்த்தக முடிவில் ரூ.892.60-ஆக உயர்ந்து, ரூ.1 லட்ச முதலீட்டை ரூ.20.19 லட்சமாக மாற்றியுள்ளது. 2024-25ல், அதானி குழுமத்தின் ரின்யூ எக்ஸிம் 67.46% பங்குகளை கையகப்படுத்தியது, இந்நிறுவனத்தை அதானி கூட்டமைப்பில் இணைத்தது மூலம் பெரும் லாபத்தை அடைந்துள்ளது.

ஜூன் 27 வர்த்தக முடிவில் ITD சிமென்டேஷன் பங்கு ரூ.892.60-ஆக வர்த்தகமான நிலையில் இது ஆகஸ்ட் 2020-ல் ரூ.43.90 விலை ஒப்பிடுகையில் 1,919% உயர்ந்துள்ளது. இந்த மல்டிபேக்கர் வருமானம், இந்நிறுவனத்தின் உறுதியான வளர்ச்சி மற்றும் உள்கட்டமைப்பு துறையில் தனது முக்கிய பங்கு வைத்திருப்பதை காட்டுகிறது.

2024-25 நிதியாண்டின் நான்காம் காலாண்டில், ITD சிமென்டேஷனின் வருவாய் 9.23% உயர்ந்து, ரூ.2,279.08 கோடியிலிருந்து ரூ.2,489.43 கோடியாக வளர்ந்தது. அதே காலத்தில், நிகர லாபம் ரூ.89.51 கோடியிலிருந்து ரூ.113.55 கோடியாக உயர்ந்தது. 0.52 என்ற குறைந்த கடன்-பங்கு விகிதம், நிறுவனத்தின் வலுவான நிதி நிலையை காட்டுகிறது.

இதோடு இந்நிறுவனம் தற்போது ரூ.90,000 கோடி மதிப்பிலான ஆர்டர்களை தனது பைப்லைனில் வைத்துள்ளது, 2026-ல் ரூ.15,000-16,000 கோடி ஆர்டர்களை பெற வேண்டும் என்பதை இலக்காகக் கொண்டு உள்ளது.

ITD சிமென்டேஷன் நிறுவனம் கட்டுமான நிறுவனமாக இல்லாமல் நாட்டின் வளர்ச்சிக்கு தேவையான கடல், மெட்ரோ, விமான நிலையங்கள், மற்றும் நீர்மின் திட்டங்கள் போன்ற முக்கியமான திட்டங்களிலும் கவனம் செலுத்துகிறது.