'இந்த' பங்கு உங்கிட்ட இருக்கா..? 6 மாசத்துல 103% லாபம்.. இப்போ 5:2 பங்கு பிரிப்பு வேற.. வாவ்!

பங்குச் சந்தையில் எத்தனையோ பங்குகள் அதன் முதலீட்டாளர்களுக்கு பணத்தை சம்பாதிப்பதற்கான சிறப்பான வாய்ப்பை வழங்கி வருகின்றன. அந்த வகையில், சில நிறுவனங்கள் அந்நிறுவனத்தின் பங்குகளை பிரிப்பதன் மூலம் முதலீட்டாளர்களுக்கு நன்மை அளிக்கின்றன. அதேபோல்தான் தற்போது பார்மா துறையை சேர்ந்த ஸ்மால்கேப் வகையில் உள்ள ஜக்சன்பால் பார்மாசூட்டிகல்ஸ் நிறுவனம் அதன் பங்குதாரர்களுக்கு ஒரு நற்செய்தியை அறிவித்துள்ளது. சமீபத்தில், நிறுவனத்தின் இயக்குநர்கள் குழு அதன் பங்குகளை பிரிப்புக்கு ஒப்புதலை அளித்தது. இந்த பங்கு பிரிப்புக்கான பதிவு தேதியும் நிர்ணயிக்கப்பட்டுள்ளது.

அதேபோல், இந்த ஜக்சன்பால் பார்மாசூட்டிகல்ஸ் நிறுவனத்தின் பங்குகள் கடந்த ஆறு மாதங்களில் அதன் பங்குதாரர்களுக்கு ஒட்டுமொத்தமாக 103 சதவீத வருவாயுடன் மல்டிபேக்கர் பங்காக மாறியுள்ளது. இந்த நேரத்தில் முதலீட்டாளர்கள் இந்த பங்குகளை வைத்திருந்தால் நல்ல லாபம் ஈட்டியிருப்பார்கள்.

பங்கு பிரிப்பு:நிறுவனத்தின் பரிவர்த்தனை தாக்கல் படி, நிறுவனத்தின் இயக்குநர்கள் குழு சமீபத்தில் நிறுவனங்கள் சட்டம், 2013 இன் பிரிவு 61 இன் படி 5:2 என்ற விகிதத்தில் பங்குகளை பிரிப்பதற்கு ஒப்புதல் அளித்துள்ளது. அதாவது ரூ.5, மதிப்புள்ள பங்குகள் ரூ. 2 முக மதிப்புள்ள 5 பங்குப் பங்குகளாகப் பிரிக்க இயக்குநர்கள் குழு ஒப்புதல் அளித்துள்ளதாகவும், இயக்குநர்கள் குழு இந்தப் பங்குப் பிரிப்புக்கான பதிவுத் தேதியை ஜனவரி 08ஆம் தேதியாக நிர்ணயித்துள்ளதாகவும் நிறுவனம் தாக்கல் செய்த அறிக்கையில் தெரிவித்துள்ளது.

நிதி முடிவுகள்:ஜக்சன்பால் பார்மாசூட்டிகல்ஸ் லிமிடெட் செப்டம்பர் 2025 உடன் முடிவடைந்த நிதியாண்டின் இரண்டாவது காலாண்டிற்கான நிதி முடிவுகளை அறிவித்துள்ளது. இதன் ஒரு பகுதியாக, செப்டம்பர் மாதத்துடன் முடிவடைந்த இரண்டாவது காலாண்டில் நிறுவனத்தின் நிகர லாபம் 53.41 சதவீதம் அதிகரித்து ரூ. 11.46 கோடியாகவும், செப்டம்பரில் முடிவடைந்த இரண்டாவது காலாண்டில், நிறுவனத்தின் விற்பனை 29.15 சதவீதம் அதிகரித்து ரூ. 74.69 கோடி பதிவு செய்யப்பட்டது.

ஸ்டாக் அவுட் லுக்:கடந்த வர்த்தக அமர்வில், ஜக்சன்பால் பார்மாசூட்டிகல்ஸ் லிமிடெட் பங்கு விலை சுமார் 3.57 சதவீதம் குறைந்து ரூ. 688ல் முடிந்தது. 52 வாரங்களில் அதிகபட்சமாக ரூ. 820.10 ஆகவும், 52 வாரங்களில் குறைந்தபட்சமாக ரூ. 273.60 ஆகவும் உள்ளது. இந்த பங்கு கடந்த வாரத்தில் சுமார் 2 சதவீதம் உயர்ந்துள்ளது, கடந்த மாதத்தில் இந்த பங்கு சுமார் 19 சதவீதம் உயர்ந்துள்ளது. அதேபோல் இந்த பங்கு கடந்த ஆறு மாதங்களில் சுமார் 103 சதவீதம், கடந்த ஓராண்டில் 74 சதவீதம் மற்றும் 2593 சதவீதம் உயர்ந்துள்ளது. கடந்த ஐந்து வருடங்கள் பங்குதாரர்களுக்கு வழங்கப்பட்டது. தற்போது இந்த நிறுவனத்தின் சந்தை மதிப்பு சுமார் ரூ. 1830 கோடியாகும்.

இன்றைய நிலவரப்படி காலை 10 மணியளவில் ஜக்சன்பால் பார்மா பங்குகள் 0.60% சரிவுடன் பங்குகள் ஒவ்வொன்றும் ரூ.683.95 ஆக வர்த்தகமாகி வருகிறது.