ரிலையன்ஸ் பங்குகள் 42% வீழ்ச்சி அடையும்..? முதலீட்டாளர்கள் அதிர்ச்சி..!

1,195 ரூபாய்

ரிலையன்ஸ் இண்டஸ்ட்ரீஸ் செப்டம்பர் காலாண்டில் தனது ஆஸ்தான கச்சா எண்ணெய் சுத்திகரிப்பு மற்றும் அதைச் சார்ந்த வர்த்தகத்தில் பெரிய அளவிலான சரிவை எதிர்கொண்ட நிலையில் ரிலையன்ஸ் இண்டஸ்ட்ரீஸ் லாபத்தில் 15 சதவீத சரிவையும், வருமானத்தில் 24 சதவீத சரிவையும் பதிவு செய்துள்ளது.

இதை மையமாக வைத்து Macquarie நிறுவனம் வெள்ளிக்கிழமை விலையான 2,054 ரூபாய் அளவீட்டில் 42 சதவீதம் வரையில் சரியும். இதனால் ஒரு பங்குகள் விலை சுமார் 1,195 ரூபாய் வீழ்ச்சி அடையும் என அறிவித்துள்ளது.

பன்னாட்டு முதலீட்டாளர்கள்

Macquarie நிறுவனத்தின் இந்த அறிவிப்பால் பன்னாட்டு முதலீட்டாளர்கள் ரிலையன்ஸ் இண்டஸ்ட்ரீஸ் நிறுவனத்தின் மீது செய்யப்படும் முதலீட்டைத் தற்காலிகமாக நிறுத்தி வைத்துள்ளனர்.

முக்கியக் காரணம்

ரிலையன்ஸ் இண்டஸ்ட்ரீஸ் புதிதாகப் பல துறையில் வர்த்தகத்தை விரிவாக்கம் செய்து வந்தாலும் இக்குழுமத்தின் 75 சதவீதம் அளவிலான வருவாய் மற்றும் வர்த்தகம் தனது கச்சா எண்ணெய் வர்த்தகத்தையே சார்ந்துள்ளது.

இந்நிலையில் கடந்த சில காலாண்டுகளாகக் கச்சா எண்ணெய் வர்த்தகத்தில் பெரிய அளவிலான வளர்ச்சி ஏற்படாத நிலையிலும், பெட்ரோல் டீசல் பயன்பாடு இந்தியாவில் இன்னும் இயல்பு நிலைக்குத் திரும்பாத காரணத்தாலும் இந்நிறுவனத்தின் வருமானத்தில் 24 சதவீத சரிவைப் பதிவு செய்துள்ளது.

தரம் அறிவிப்பு

ரிலையன்ஸ் இண்டஸ்ட்ரீஸ் பங்குகளை Macquarie நிறுவனம் 'underperform' என அறிவித்த நிலையில், எம்கே குளோபல், எடெல்விஸ் செக்யூரிட்டீஸ் ஆகிய நிறுவனங்கள் 'hold' எனவும், BOB கேப்பிடல் 'Reduce' என்ற தரத்தையும் கொடுத்துள்ளது.

ஆனால் மோதிலால் ஆஸ்வல், பிரபுதாஸ், கோல்டுமேன் சாச்சீஸ் ஆகிய நிறுவனங்கள் முதலீட்டாளர்கள் தொடர்ந்து முதலீடு செய்ய ஊக்குவிக்கும் வகையில் 'BUY' தரத்தை கொடுத்துள்ளது.

திங்கட்கிழமை

இன்றைய வர்த்தக முடிவில் ரிலையன்ஸ் இண்டஸ்ட்ரீஸ் பங்குகள் 8.69 சதவீதம் வரையில் சரிந்து ஒரு பங்கு விலை 1,876 ரூபாய் அளவீட்டில் உள்ளது. இதன் மூலம் இக்குழுமத்தின் சந்தை மதிப்பீடு 15 லட்சம் கோடி ரூபாயில் இருந்து 12.36 லட்சம் கோடி ரூபாயாகக் குறைந்துள்ளது.

முக்கிய வருவாய் தளம்

செப்டம்பர் காலாண்டில் ரிலையன்ஸ் இண்டஸ்ட்ரீஸ் குழுமத்தில் இருக்கும் பல்வேறு பிரிவுகளின் வருவாய் பங்கீடு அளவு

பெட்ரோகெமிக்கல் ₹29,147 கோடி ரூபாய்
சுத்திகரிப்பு ₹49,859 கோடி ரூபாய்
எண்ணெய் மற்றும் எரிவாயு ₹72 கோடி ரூபாய்
டிஜிட்டல் சேவைகள் ₹267 கோடி ரூபாய்
ரீடைல் ₹38 கோடி ரூபாய்
நிதியியல் சேவைகள் ₹326 கோடி ரூபாய்
பிற துறைகள் ₹304 கோடி ரூபாய்