செம சான்ஸ் கொடுக்கும் ஃபைனான்ஸ் நிறுவனத்தின் IPO.. நாளை முதல்.. முதலீடாளர்களே தயாராகுங்கள்..!!

ஐபிஓவில் முதலீடு செய்வதன் மூலம் நல்ல லிஸ்டிங் ஆதாயங்களைப் பெற விரும்பும் பங்குச் சந்தை முதலீட்டாளர்களுக்கு நாளை முதல் மற்றொரு புதிய மெயின் போர்டு ஐபிஓ கிடைக்கிறது. நிறுவனம், புதிய இரு சக்கர வாகனங்கள், மூன்று சக்கர வாகனங்கள், மின்சார இரு சக்கர வாகனங்கள், மின்சார மூன்று சக்கர வாகனங்கள் மற்றும் செகண்ட் ஹேண்ட் கார்கடன், தனிநபர் கடன் மற்றும் தொழில் கடன் வழங்கும் வங்கி சாரா நிதி நிறுவனமான Manba Finance Limited இன் IPO நாளை முதல் திறக்கப்படுகிறது. செப்டம்பர் 23, 2024 முதல் சந்தாவுக்குத் திறக்கப்படும். இது செப்டம்பர் 23 முதல் திறக்கப்பட்டு செப்டம்பர் 25 வரை கிடைக்கும்.

இந்த ஐபிஓ மூலம் நிறுவனம் ரூ. 150.84 கோடி திரட்டப்படும் என எதிர்பார்க்கப்படுகிறது. ஒரு ஈக்விட்டி பங்கின் ஐபிஓ விலை ஆனது ரூ.114 முதல் ரூ. 120 என அந்நிறுவனம் முடிவு செய்துள்ளது. இந்த ஐபிஓவில் பங்கேற்க விரும்பும் முதலீட்டாளர்கள் குறைந்தபட்சம் 125 பங்குகளை வாங்க வேண்டும். அதாவது ரூ.15,000 முதலீடு செய்ய வேண்டும். இந்த நிறுவனத்தின் ஈக்விட்டி பங்குகள் செப்டம்பர் 30 அன்று முன்னணி பங்குச் சந்தைகளான என்எஸ்இ மற்றும் பிஎஸ்இ ஆகியவற்றில் பட்டியலிடப்படும்.

இந்த ஐபிஓ மூலம் நிறுவனம் ரூ. 10 முக மதிப்புள்ள 1,25,70,000 ஈக்விட்டி பங்குகளை ரூ. 150.84 கோடி வரை ஈட்டும் என எதிர்பார்க்கப்படுகிறது. இந்த ஐபிஓ மூலம் கிடைக்கும் வருமானம் எதிர்கால மூலதனத் தேவைகளுக்காக நிறுவனத்தால் பயன்படுத்தப்படும். இந்த ஐபிஓவிற்கான பதிவாளராக லிங்க் இன் டைம் இந்தியா பிரைவேட் லிமிடெட் செயல்படும் அதே வேளையில், ஹெம் செக்யூரிட்டீஸ் லிமிடெட் இந்த ஐபிஓவின் புக் ரன்னிங் லீட் மேனேஜராக செயல்படும்.

இந்த ஐபிஓவில், நிறுவனம் QIB களுக்கு 50 சதவீத பங்கையும், சில்லறை முதலீட்டாளர்களுக்கு 35 சதவீத பங்கையும், NII களுக்கு 15 சதவீத பங்கையும் ஒதுக்கியுள்ளது. இந்த ஐபிஓ தொடர்பான தேதிகளைப் பார்த்தால், செப்டம்பர் 26-ம் தேதி பங்குகள் ஒதுக்கீடு நடைபெறும் நிலையில், செப்டம்பர் 27-ம் தேதி ஒதுக்கீடு பெற்றவர்களின் டீமேட் கணக்கில் பங்குகள் வரவு வைக்கப்பட்டு, பங்குகள் பட்டியலிடப்படும். செப்டம்பர் 30 அன்று பங்குச் சந்தைகளான மும்பை பங்குச் சந்தை மற்றும் தேசிய பங்குச் சந்தையில் பட்டியலிடப்பட்டும். மன்பா ஃபைனான்ஸ் லிமிடெட் ஐபிஓவிற்கான கிரே மார்க்கெட் பிரீமியம் (ஜிஎம்பி) ரூ.60 ஆக இருந்தது. அதாவது இந்த ஐபிஓ ஒதுக்கீட்டை நீங்கள் பெற்றால், 50 சதவீத லிஸ்டிங் ஆதாயங்களைப் பெறலாம் என்பது குறிப்பிடத்தக்கது.

Disclaimer: The recommendations made above are by market analysts and are not advised by either the author, nor Greynium Information Technologies or GoodReturns. The author, nor the brokerage firm nor GoodReturns would be liable for any losses caused as a result of decisions based on this write-up. https://tamil.goodreturns.in/ advises viewers to consult with certified experts before making any investment decision.