முகேஷ் அம்பானியின் ரிலையன்ஸ் தான் டாப்.. சரிவு பாதையில் டாடா கன்சல்டன்ஸி.. முழு நிலவரம் என்ன!

இந்திய பங்கு சந்தைகள் கடந்த சில வாரங்களாகவே முதலீட்டாளர்களை குதூகலப்படுத்தும் விதமாக, தொடர்ந்து உச்சம் தொட்டு வருகின்றன. சென்செக்ஸ் நிஃப்டி குறியீடுகள் தொடர்ந்து அதிகரித்து வருகின்றன.

இதற்கிடையில் பல முன்னணி நிறுவனங்களின் சந்தை மதிப்பும் தொடர்ந்து அதிகரித்து வருகின்றது.

நிமிடங்களில் பான் கார்டு.. எப்படி பெறுவது.. இதோ முழு விவரம்..! நிமிடங்களில் பான் கார்டு.. எப்படி பெறுவது.. இதோ முழு விவரம்..!

10ல் ஐந்து நிறுவனங்களின் சந்தை மூலதன மதிப்பானது 62,508.32 கோடி ரூபாய் அதிகரித்துள்ளது. கடந்த வாரத்தில் வரலாற்றில் இல்லாத அளவுகு சந்தை மதிப்பு அதிகரித்திருந்த நிலையில், இந்த வாரத்தில் சற்று குறைந்துள்ளது.

டாப் லெவலில் ரிலையன்ஸ் இண்டஸ்ட்ரீஸ்

எனினும் வழக்கம் போல இந்த சந்தை மதிப்பில் முதலிடத்தில் இருப்பது முகேஷ் அம்பானியின் ரிலையன்ஸ் இண்டஸ்ட்ரீஸ் நிறுவனம் தான். இந்த நிறுவனத்தின் சந்தை மதிப்பு மட்டும் 23,582.73 கோடி ரூபாய் அதிகரித்து 15,37,600.23 கோடி ரூபாயாக அதிகரித்துள்ளது.

கடந்த வெள்ளிக்கிழமை அமர்வில் மட்டும், இதன் பங்கு விலையானது 0.24% குறைந்து, 2,425.60 ரூபாயாக முடிவடைந்துள்ளது குறிப்பிடத்தக்கது.

என்ன காரணம்

முகேஷ் அம்பானியின் ரிலையன்ஸ் நிறுவனம் வரலாற்றில் முதல் முறையாக, 15 லட்சம் கோடி சந்தை மூலதனத்தினை கடந்த வாரத்தில் தொட்ட நிலையில், அதனைத் தொடர்ந்து இந்த வாரத்திலும் ஏற்றம் கண்டுள்ளது. இந்த நிறுவனம் தொடந்து வணிகத்தினை விரிவாக்கம் செய்யும் நிலையில், அதன் பங்கு விலையும் தொடர்ந்து அதிகரித்து வருவது குறிப்பிடத்தக்கது.

வரலாற்று உச்சத்தில் சென்செக்ஸ்

கடந்த திங்கட்கிழமை முதல் வெள்ளிக்கிழமை வரையிலான சந்தை அமர்வில், பிஎஸ்இ 30 குறியீடானது இந்த ஒரு வாரத்தில் 0.30% அதிகரித்து அல்லது 175.12 புள்ளிகள் அதிகரித்துள்ளது. இது தொடர்ந்து 58,000 புள்ளிகளுக்கு மேலாகவே வர்த்தகமாகி வருகின்றது.

பார்தி ஏர்டெல் சந்தை மதிப்பு

இதே முன்னணி தொலைத் தொடர்பு நிறுவனமான பார்தி ஏர்டெல் நிறுவனத்தின் பங்கு விலையானது சற்று அதிகரித்த நிலையில், அதன் சந்தை மூலதனம், 15,337.67 கோடி ரூபாய் அதிகரித்து, 3,76,917 கோடி ரூபாயாக அதிகரித்துள்ளது.

கடந்த வெள்ளிக்கிழமையன்று முடிவில் ஏர்டெல்லின் பங்கு விலையானது, 2.74% அதிகரித்து, 686.15 ரூபாயாக ஏற்றம் கண்டு முடிவடைந்துள்ளது குறிப்பிடத்தக்கது.

ஹிந்துஸ்தான் யூனிலீவர் லிமிடெட்

இதே ஹிந்துஸ்தான் யூனிலீவர் லிமிடெட் நிறுவனத்தின் சந்தை மூலதனம் 9,997.52 கோடி ரூபாய் அதிகரித்து, 6,59,941.45 கோடி ரூபாயாக அதிகரித்துள்ளது.

இந்த நிறுவனத்தின் பங்கு விலையும் கடந்த வெள்ளிக்கிழமையன்று முடிவில் 0.35% அதிகரித்து, 2,810.65 ரூபாயாக அதிகரித்து முடிவடைந்துள்ளது.

டாடா கன்சல்டன்ஸி சர்வீசஸ்

ஐடி துறையில் முன்னணி நிறுவனமான டாடா கன்சல்டன்ஸி சர்வீசஸ் நிறுவனத்தின் சந்தை மூலதனம் வழக்கத்திற்கு மாறாக, 18,347.3 கோடி ரூபாய் குறைந்து, 14,02,587.80 கோடி ரூபாயாக குறைந்துள்ளது.

இதற்கிடையில் டாடா கன்சல்டன்ஸி சர்வீசஸ் நிறுவனத்தின் பங்கு விலையானது, கடந்த வெள்ளிக்கிழமையன்று, 17.25 ரூபாய் அதிகரித்து, 3,791.40 ரூபாயாக முடிவடைந்துள்ளது.

பஜாஜ் பைனான்ஸ் மதிப்பு

தனியார் வங்கி அல்லாத நிதி நிறுவனமான பஜாஜ் பைனான்ஸ் நிறுவனத்தின் சந்தை மூலதனமானது, 5,824.68 கோடி ரூபாய் குறைந்து, 4,48,383.08 கோடி ரூபாயாக குறைந்துள்ளது.

இதற்கிடையில் இந்த பஜாஜ் பைனான்ஸ் நிறுவனத்தின் பங்கு விலையானது, கடந்த அமர்வில் 32.55 ரூபாய் குறைந்து, 7,430.65 ரூபாயாக உள்ளது.

ஹெச்.டி.எஃப்.சி வங்கி மதிப்பு

இதே நாட்டின் மிகப்பெரிய தனியார் துறை சேர்ந்த பெரும் வங்கியான ஹெச்.டி.எஃப்.சி வங்கியின் சந்தை மதிப்பானது, 4,429.22 கோடி ரூபாய் குறைந்து, 8,67,933.20 கோடி ரூபாயாக அதிகரித்துள்ளது.

ஹெச்.டி.எஃப்.சி வங்கியின் பங்கு விலையும் வெள்ளிக்கிழமையன்று முடிவில், 0.49% குறைந்து, 1,568.60 ரூபாயாக சரிவினைக் கண்டு முடிவடைந்துள்ளது.