40% வரை வளர்ச்சி அடையப் போகும் பாதுகாப்பு துறை நிறுவன பங்கு: உங்க போர்ட்போலியோவுல இருக்கா?

இந்தியாவின் முன்னணி பாதுகாப்பு பொதுத்துறை நிறுவனமான மசகான் டாக் ஷிப் பில்டர்ஸ் (Mazagon Dock Shipbuilders), சமீபத்திய காலாண்டில் லாபம் மற்றும் செயல்பாட்டு வரம்புகளில் சிறப்பான முன்னேற்றம் கண்டுள்ளது. இந்நிறுவனம் நீர்மூழ்கிக் கப்பல்கள் தயாரிப்பதில் பெயர் பெற்றது. செப்டம்பர் காலாண்டில் நிறுவனத்தின் வருவாய் வளர்ச்சி நிலையாக இருந்ததோடு மட்டுமல்லாமல், செயல்பாட்டு வரம்புகளும் கணிசமாக அதிகரித்துள்ளன.

ப்ரோக்கரேஜ் நிறுவனமான ஆன்டிக் ஸ்டாக் ப்ரோக்கிங் (Antique Stock Broking), மசகான் டாக் நிறுவனப் பங்குகளுக்கு 'வாங்கலாம்’ என்ற மதிப்பீட்டை வழங்கியுள்ளது. மேலும், ரூ. 3,858 என்ற இலக்கு விலையை நிர்ணயித்துள்ளது. இது தற்போதைய விலையிலிருந்து கிட்டத்தட்ட 40 சதவீதம் உயர்வுக்கான வாய்ப்பைக் குறிக்கிறது.

மும்பை பங்குச் சந்தையில் மசகான் டாக் பங்குகள் கடைசியாக ரூ. 2,750 அளவில் வர்த்தகமாயின. இந்த பங்கின் உச்சபட்ச விலையிலிருந்து 28 சதவீதம் குறைவாக இருந்தாலும், தற்போதைய நிலையில் இருந்து 40 சதவீதம் வரை உயரக்கூடும் என ப்ரோக்கரேஜ் நிறுவனம் கணித்துள்ளது.

இரண்டாம் காலாண்டில், நிறுவனத்தின் ஒருங்கிணைந்த வருவாய் ஆண்டுக்கு 12 சதவீதம் அதிகரித்து, ரூ. 2,929 கோடியாக இருந்தது. இது முந்தைய ஆண்டில் ரூ. 2,757 கோடியாக இருந்தது. லாப வரம்பு இதில் முக்கிய அம்சமாக இருந்தது.

இபிஐடிடிஏ (EBITDA) 54 சதவீதம் உயர்ந்து ரூ. 965 கோடியாகவும், நிகர லாபம் 65 சதவீதம் அதிகரித்து ரூ. 934 கோடியாகவும் பதிவாகியுள்ளது. இதற்கு சிறந்த செலவு கட்டுப்பாடு மற்றும் திறமையான திட்ட அமலாக்கம் முக்கிய காரணங்கள்.

நிறுவனத்தின் operating margins 23 சதவீதமாக அதிகரித்தன. இது ஜூன் காலாண்டில் 9 சதவீதமாகவும், ஒரு வருடத்திற்கு முன்பு 18 சதவீதமாகவும் இருந்தது. செப்டம்பர் 30 நிலவரப்படி, நிறுவனத்தின் ஆர்டர் புத்தகம் ரூ. 27,145 கோடியாக உள்ளது. இது அடுத்த சில ஆண்டுகளுக்கு வருவாய் நிலையானதாக இருக்கும் என்பதைக் காட்டுகிறது.

நிதி ஆண்டு 2026-ன் முதல் பாதியில், வருவாய் 9 சதவீதம் அதிகரித்து ரூ. 5,555 கோடியாக இருந்தது. எனினும், இபிஐடிடிஏ மற்றும் நிகர லாபம் இரண்டும் தலா 6 சதவீதம் சரிந்து முறையே ரூ. 1,591 கோடி மற்றும் ரூ. 1,202 கோடியாக இருந்தன. மே 2025-ல் ரூ. 3,778 என்ற உச்ச விலையை எட்டிய மசகான் டாக் பங்குகள் தற்போது சற்று குறைந்துள்ளன. இருப்பினும், இது பாதுகாப்புத் துறையில் சிறப்பாகச் செயல்படும் பொதுத்துறை நிறுவனப் பங்குகளுள் ஒன்றாகும்.

2025-ல் இதுவரையில் 22 சதவீதம், கடந்த ஆண்டில் 37 சதவீதம், மற்றும் அக்டோபர் 2020-ல் ரூ. 145-க்கு பட்டியலிடப்பட்டதிலிருந்து 760 சதவீதம் என அபாரமான லாபத்தை அளித்துள்ளது. ஆன்டிக் ஸ்டாக் ப்ரோக்கிங் நிறுவனத்தின் கருத்துப்படி, நிதி ஆண்டு 2026-2027-ல் வருவாய் வளர்ச்சி சற்று மிதமாக இருந்தாலும், மசகான் டாக்கின் நீண்ட கால வளர்ச்சி வாய்ப்புகள் வலுவாக உள்ளன.

அடுத்த கட்ட நீர்மூழ்கிக் கப்பல் மற்றும் போர்க்கப்பல் ஒப்பந்தங்கள் தொடங்கும் போது, வளர்ச்சி மீண்டும் அதிகரிக்கும் என நிறுவனம் கணித்துள்ளது. "மேக் இன் இந்தியா" திட்டம் மற்றும் நீர்மூழ்கிக் கப்பல் தயாரிப்பில் உள்ள கடும் போட்டி ஆகியவை நிறுவனத்திற்கு சாதகமாக இருக்கும் என ஆய்வாளர்கள் நம்புகின்றனர்.

Disclaimer: இந்த செய்தியில் இருக்கும் கருத்துகள் மற்றும் பரிந்துரைகள் தனிப்பட்ட ஆய்வாளர்கள் அல்லது நிறுவனங்களின் சொந்த கருத்துகளாகும், இவை Goodreturns.in அல்லது Greynium Information Technologies Private Limited (இவை இரண்டும் "நாங்கள்" என குறிப்பிடப்படுகிறது) ஆகியவற்றின் கருத்துகளைப் பிரதிபலிக்கவில்லை. உள்ளடக்கத்தின் துல்லியம், முழுமை அல்லது நம்பகத்தன்மைக்கு நாங்கள் எந்தவொரு உத்தரவாதம் அளிக்கவோ, அங்கீகரிக்கவோ அல்லது பொறுப்பேற்கவோ மாட்டோம். மேலும், முதலீட்டு ஆலோசனை அல்லது பங்குகளை வாங்கவோ விற்கவோ எந்த வித தூண்டுதலையும், ஊக்கத்தையும் நாங்கள் வழங்கவில்லை. அனைத்து தகவல்களும் புரிதல் நோக்கங்களுக்காக மட்டுமே வழங்கப்படுகின்றன. எந்தவொரு முதலீட்டு முடிவுகளை எடுப்பதற்கு முன்பும், அங்கீகரிக்கப்பட்ட நிதி ஆலோசகர்களிடமிருந்து தனிப்பட்ட முறையில் சரிபார்க்கப்பட வேண்டும்.