ராக்கெட் வேகத்தில் உயர்ந்த மல்டிபேக்கர் டிஃபென்ஸ் பங்கு.. ஓராண்டில் 117% லாபம்.. உங்ககிட்ட இருக்கா?

பங்குச் சந்தையில் லார்ஜ்கேப் வகையில் சேர்ந்த பாதுகாப்புத் துறைப் பங்கு ஆன பாரத் எலக்ட்ரானிக்ஸ் லிமிடெட் (BEL) ஒரு சிறப்பான வருவாயை அதன் முதலீட்டாளர்களுக்கு கொடுத்துள்ளது. ஓராண்டில் இதன் பங்குகள் சுமார் 117% வரை உயர்ந்து மல்டிபேக்கர் வருவாயை கொடுத்துள்ளது. இந்த பங்கிற்கு வாங்குதல் மதிப்பீட்டையும் இலக்கு விலையையும் முன்னணி தரகு நிறுவனமான பிரபுதாஸ் லீலாதாரின் தொழில்நுட்ப ஆய்வாளர் ஷிஜு கூத்துபாலக்கல் அறிவித்துள்ளார்.

அதன்படி, சமீபத்தில் நிறுவனம் ரூ. 1155 கோடி ஆர்டரைப் பெற்ற பிறகு, பங்குகள் ரூ. 305 இலக்கு விலையுடன் பரிந்துரைக்கப்பட்டுள்ளது.மேலும், இந்த நிறுவனத்தின் ஒரு பங்கிற்கு ரூ.282 நிறுத்த இழப்பும் வழங்கப்பட்டுள்ளது. இந்நிறுவனத்தின் பங்கை தற்போதைய விலையில் வாங்கினால் சுமார் 8 சதவீதம் லாபம் கிடைக்க வாய்ப்புள்ளதாகவும் கூறப்பட்டுள்ளது.

மறுபுறம், நிறுவனத்தின் பங்கு கடந்த ஆண்டில் அதன் பங்குதாரர்களுக்கு 117 சதவீத லாபத்தைத் திருப்பி அளித்துள்ளது. இது மல்டிபேக்கர் பங்காக மாறியுள்ளது. பாரத் எலக்ட்ரானிக்ஸ் என்பது நவரத்னா அந்தஸ்து கொண்ட ஒரு பொதுத்துறை நிறுவனமாகும் (PSU). மேலும் பாரத் எலெக்ட்ரானிக்ஸ் கடன் இல்லாத நிறுவனம் ஆகும்.

நிறுவனம், கொச்சின் ஷிப்யார்ட் லிமிடெட் நிறுவனத்திடமிருந்து X பேண்டில் உள்ள உள்நாட்டு மல்டிஃபங்க்ஸ்னல் ரேடார் வழங்குவதற்கு ரூ.305 கோடியுடன், கப்பல்களுக்கு நேவிகேஷன் காம்ப்ளக்ஸ் சிஸ்டம், தெர்மல் இமேஜர்கள், தகவல் தொடர்பு சாதனங்கள், தீ கட்டுப்பாட்டு அமைப்பு, துப்பாக்கி கட்டுப்பாட்டு அமைப்பு, உதிரி பாகங்கள் போன்ற உபகரணங்களை சப்ளை செய்வதற்கு ரூ.850 கோடி ஆர்டர் கிடைத்தது.

இன்றைய வர்த்தக அமர்வில், பாரத் எலக்ட்ரானிக்ஸ் சுமார் 1.11 சதவீதம் உயர்ந்து ரூ. 291 இல் வர்த்தகம் செய்யப்படுகிறது. 52 வாரங்களில் அதிகபட்சமாக ரூ. 340.50 ஆகவும், 52 வாரங்களில் குறைவாக ரூ.127 ஆகவும் உள்ளது. பங்கு விலை கடந்த ஒரு வாரத்தில் சுமார் 2 சதவீதமும், கடந்த மாதத்தில் 3 சதவீதமும், கடந்த ஆறு மாதங்களில் சுமார் 43 சதவீதமும், கடந்த ஆண்டில் சுமார் 117 சதவீதமும், கடந்த ஐந்தாண்டுகளில் சுமார் 705 சதவீதமும் உயர்ந்துள்ளது . தற்போது இந்த நிறுவனத்தின் சந்தை மதிப்பு ரூ. 2,13,000 கோடியாக உள்ளது.

பாரத் எலெக்ட்ரானிக்ஸ் லிமிடெட் என்பது பாதுகாப்பு மற்றும் விண்வெளித் துறையைச் சேர்ந்த ஒரு இந்திய பொதுத்துறை நிறுவனமாகும். இந்த நிறுவனம் மேம்பட்ட மின்னணு தயாரிப்புகளை குறிப்பாக இராணுவம், கடற்படை மற்றும் விமானப்படைக்கு தயாரித்து வழங்குகிறது. இந்த நிறுவனம் பாதுகாப்பு அமைச்சகத்தின் கீழ் செயல்படுகிறது. இந்த நிறுவனம் 1954 ஆம் ஆண்டு தொடங்கப்பட்டது. இந்த நிறுவனத்தில் ஜூன் 2024க்குள் மொத்தம் 11,444 ஊழியர்கள் பணிபுரிகின்றனர். தற்போது இந்த நிறுவனம் பெங்களூரில் இருந்து செயல்படுகிறது.

Disclaimer: The recommendations made above are by market analysts and are not advised by either the author, nor Greynium Information Technologies or GoodReturns. The author, nor the brokerage firm nor GoodReturns would be liable for any losses caused as a result of decisions based on this write-up. https://tamil.goodreturns.in/ advises viewers to consult with certified experts before making any investment decision.