ஐடி துறையில் ஒரே வருடத்தில் 115% வருமானம் கொடுத்த பங்கு.. ரூ.80 கோடி முதலீடு செய்த ரமேஷ் தமானி..!!

பங்குச் சந்தையில் ஸ்மால்கேப் ஐடி நிறுவனமான புரோடீன் eGov டெக்னாலஜிஸ் (Protean eGov Technologies Limited) அதன் IPO அறிமுகப்படுத்தப்பட்ட ஒரு வருடத்திற்குள் மல்டிபேக்கர் வருமானத்தை கொடுத்துள்ளது. அக்டோபர் 18 ஆம் தேதி வரை, இந்த நிறுவனத்தின் பங்குகள் அதன் ஐபிஓ தொடங்கப்பட்ட பிறகு 115.94 சதவீத வருமானத்தை அளித்துள்ளன. முதலீட்டாளர் ரமேஷ் தமானி செப்டம்பர் 30, 2024 இல் முடிவடைந்த காலாண்டில் இந்த ஸ்மால்கேப் பங்குகளில் புதிய முதலீடுகளைச் செய்துள்ளார்.

அக்டோபர் 18 நிலவரப்படி Protean eGov Technologies Limited இன் சந்தை மூலதனம் ரூ.7,730 கோடியாக உள்ளது. நிறுவனம் டிஜிட்டல் பொது உள்கட்டமைப்பு (DPI) மற்றும் அரசாங்கத்திற்கான மின் ஆளுமை தீர்வுகளை மேம்படுத்துவதில் ஈடுபட்டுள்ளது. இந்த நிறுவனத்தின் ஐபிஓ கடந்த ஆண்டு நவம்பரில் ரூ.490.33 கோடி திரட்டுவதற்காக கொண்டுவரப்பட்டது.

மும்பை பங்குச் சந்தையில் இந்த நிறுவனத்தின் ரமேஷ் தமானி 1.04 சதவீத பங்குகள் அதாவது 422069 பங்குகளை வைத்துள்ளார். இந்தப் பங்கின் கடைசி வர்த்தக விலையின்படி தமானியின் மொத்த முதலீடு சுமார் ரூ.80 கோடி ஆகும். அக்டோபர் 18 நிலவரப்படி, கடந்த வாரத்தில் Protean eGov இன் பங்குகள் 6 சதவீதம் சரிந்திருந்தாலும், இந்த பங்குகள் 2024 ஆம் ஆண்டில் இதுவரை 51 சதவீதம் நல்ல வருமானத்தை அளித்துள்ளன.

புரோடீன் டெக்னாலஜிஸ் இன் IPO நவம்பர் 2023 இல் ரூ. 490.33 கோடியை திரட்ட கொண்டுவரப்பட்டது. இதில் பங்குகளின் விலை ஒரு பங்கின் விலை ரூ.752 முதல் ரூ.792 வரை நிர்ணயிக்கப்பட்டது. இந்த ஐபிஓவின் கீழ் மொத்தம் 61,91,000 பங்குகள் விற்கப்பட்டன.பங்குகள் 13 நவம்பர் 2023 அன்று பங்குச் சந்தையில் ஒரு சாதாரண அறிமுகத்தை செய்தன.

இந்நிறுவனத்தின் பங்குகள் இன்று ரூ.1,960.00-ல் துவங்கி அதிகபட்சமாக ரூ.2,000.00ஐ தொட்டது. புரோடீன் eGov டெக்னாலஜிஸ் என்பது டிஜிட்டல் பொது உள்கட்டமைப்பு மற்றும் மின் ஆளுமை தீர்வுகளை உருவாக்கும் முன்னணி ஐடி நிறுவனமாகும். இதன் சந்தை மதிப்பு ரூ.7,840 கோடியாக உள்ளது. இதன் P/E விகிதம் 91.37 ஆகும். நிறுவனத்தின் டிவிடெண்ட் 0.52% ஆகவும் உள்ளது. அதன் 52 வார அதிபட்ச பங்கு விலை விலை ரூ.2,225.00 ஆகவும், 52 வார குறைந்தபட்ச பங்கு விலை ரூ.775.00 ஆகவும் உள்ளது.

தற்போதைய 2.45 மணி நிலவரப்படி இதன் பங்குகள் சுமார் 2.01% உயர்வில் ரூ.1945.15 ஆக விற்பனையாகி வருகிறது.

Disclaimer: The recommendations made above are by market analysts and are not advised by either the author, nor Greynium Information Technologies or GoodReturns. The author, nor the brokerage firm nor GoodReturns would be liable for any losses caused as a result of decisions based on this write-up. https://tamil.goodreturns.in/ advises viewers to consult with certified experts before making any investment decision.