2 நிறுவனங்கள் பங்கு பிரித்தல் திட்டம்.. பங்கு விலை இனி என்னவாகும்?

ஸ்ரீ செக்யூரிட்டீஸ் லிமிடெட் நிறுவனத்தின் பங்கு விலையானது கடந்த வெள்ளிக்கிழமையன்று 26.15 ரூபாயாக முடிவடைந்துள்ளது. இது முந்தைய அமர்வில் இருந்து 4.81% ஏற்றத்தில் இருந்தது. இது முந்தைய அமர்வில் 24.95 ரூபாயாக முடிவடைந்திருந்தது.

இந்த மல்டிபேக்கர் பங்கு விலையானது கடந்த 5 ஆண்டுகளில் 109% மேலாக ஏற்றத்தில் காணப்படுகின்றது.

இதே கடந்த 1 வருடத்தில் 17.42% ஏற்றத்தில் காணப்படுகின்றது. இதே நடப்பு ஆண்டில் இதுவரையில் 11.85% ஏற்றத்தில் காணப்படுகிறது.

தற்போதைய நிலவரம்

இந்த பங்கின் 52 வார உச்சம் 34.05 ரூபாயாகும். இது கடந்த டிசம்பர் 6ம் தேதியன்று தொட்டது. இதன் 52 வார குறைந்தபட்ச விலை 16.90 ரூபாயினை எட்டியது. இது கடந்த நவம்பர் 1 அன்று எட்டியது. இப்பங்கின் விலையானது அதன் 1 வருட உச்சத்தில் இருந்து 23.20% சரிவில் காணப்படுகின்றது. இதே 1 வருட குறைந்தபட்ச விலையில் இருந்து பார்க்கும்போது 54.73% ஏற்றத்தில் காணப்படுகின்றது.

மூவிங் ஆவரேஜ்

இந்த பங்கு விலையானது 5 நாள்,10 நாள் மூவிங் ஆவரேஜ்-க்கு கீழாக வர்த்தகமாகி வருகின்றது. எனினும் 20 நாள், 50 நாள் மூவிங் ஆவரேஜ்-க்கும் மேலாக வர்த்தகமாகி வருகின்றது. இதே இரண்டாவது காலாண்டில் புரோமோட்டர் வசம் 30.63% பங்கும், பொதுமக்கள் வசம் 69.37% பங்கும் இருந்தது. இந்த பங்கின் புத்தக மதிப்பு 3.15 ஆகவும் உள்ளது.

கேபிஎஸ் இந்தியா

இதே மற்றொரு மல்டிபேக்கர் பங்கான கேபிஎஸ் இந்தியா ஒரு ஸ்மால் கேப் நிறுவனமாகும். நிதிச் சேவை நிறுவனமான இது, 1:10 என்ற விகிதத்தின் பங்கு பிரித்தல் செய்யப்படும் என அறிவிக்கப்பட்டுள்ளது.

இந்த பங்கின் விலையானது கடந்த வெள்ளிக்கிழமையன்று 116 ரூபாயாக முடிவடைந்தது. இது முந்தைய அமர்வின் முடிவு விலையில் இருந்து 4.46% அதிகரித்துள்ளது. இது முந்தைய அமர்வில் 111.05 ரூபாயாக முடிவடைந்துள்ளது.

மல்டிபேக்கர் பங்கு

இந்த மல்டிபேக்கர் பங்கு விலையானது கடந்த 5 வருடங்களில் 3383.48% ஏற்றம் கண்டுள்ளது. இது கடந்த 20, 2021 அன்று 10.59 ரூபாயாக உச்சம் தொட்டது. இதன் தற்போதைய சந்தை மதிப்பு கடந்த 1 வருடத்தில் 995.37% ஏற்றம் கண்டுள்ளது.

இப்பங்கின் விலையானது கனவரி 3 அன்று தற்போதைய சந்தை மதிப்பில் இருந்து இது வரையில் 1118.49% ஏற்றம் கண்டுள்ளது. இதே கடந்த 6 மாதங்களில் இப்பங்கின் விலையானது 868.28% ஏற்றம் கண்டுள்ளது. இதே கடந்த 1 மாதத்தில் 20.27% ஏற்றமும் கண்டுள்ளது. இதன் 52 வார உச்சம் 142.50 ரூபாயாக டிசம்பர் 7 அன்று தொட்டது. இதன் 52 வார குறைந்தபட்ச விலை 8.65 ரூபாயாக கடந்த ஆண்டு டிசம்பர் 28 அன்று தொட்டது.