5 ஆண்டுகளில் அசுர வளர்ச்சி..18,000% லாபம் தந்த மல்டிபேக்கர் பங்கு.. உங்ககிட்ட இருக்கா?

பங்குச்சந்தையில் குறிப்பிட்ட சில பங்குகள் எந்த ஒரு சந்தை ஏற்ற இறக்கம் இருந்தாலும் அதை தாண்டி முதலீட்டாளர்களுக்கு பெருமளவில் லாபம் தரும். அப்படி பாதுகாப்புத்துறை சம்பந்தப்பட்ட ஒரு ஸ்மால் கேப் நிறுவனம் முதலீட்டாளர்களுக்கு பெருமளவில் லாபம் பெற்று தந்திருக்கிறது.

NIBE என்பது பாதுகாப்புத் துறை சம்பந்தப்பட்ட ஒரு ஸ்மால் கேப் நிறுவனம் ஆகும். இந்த நிறுவனத்தின் பங்கு மதிப்பு செவ்வாய்க்கிழமை அன்று சுமார் 9 சதவீதம் வரை உயர்ந்து ஒரு பங்கின் மதிப்பு 1,832 ரூபாய் என்ற அளவில் வர்த்தகமானது. தொடர்ந்து 2ஆவது நாளாக இந்த நிறுவனத்தின் பங்கு மதிப்பு உயர்ந்து வருகிறது. இதற்கு முக்கிய காரணம் இந்த ஸ்மால் கேப் நிறுவனம் இந்திய பாதுகாப்பு ஆராய்ச்சி மற்றும் மேம்பாட்டு அமைப்பான டிஆர்டிஓ-விடம் முக்கியமான ஒரு ஒப்பந்தத்தை பெற்றிருக்கிறது.

Modular Bridging System என்ற எங்கு வேண்டுமானாலும் கொண்டு சென்று அமைக்கக்கூடிய வகையிலான பாலங்களை உருவாக்கி பாதுகாப்பு துறைக்கு வழங்க கூடிய ஒப்பந்தத்தை இந்த நிறுவனம் பெற்றுள்ளது. திங்கள்கிழமை அன்று இந்நிறுவனம் பங்குச்சந்தையில் இந்த தகவலை வெளியிட்டது. இதனை அடுத்து இரண்டு நாட்களாக இந்நிறுவனத்தின் பங்கு வளர்ச்சி பாதையில் இருக்கிறது.

எங்கு வேண்டுமானாலும் எளிதில் கொண்டு சென்று ஒருங்கிணைத்து பயன்படுத்தும் தன்மை கொண்ட 46 மீட்டர் நீளம் கொண்ட பாலங்களை உருவாக்குவதில் இந்நிறுவனம் நிபுணத்துவம் பெற்றுள்ளது. ராணுவம் தன்னுடைய ஆயுதங்களையும் டாங்குகளையும் இந்த பாலத்தின் உதவியோடு பல இடங்களுக்கு கொண்டு செல்ல முடியும். அடுத்த 10 ஆண்டுகளுக்கு இந்த பாலத்தை உற்பத்தி செய்து ராணுவத்திற்கு வழங்கும் ஒப்பந்தம் தான் தற்போது கையெழுத்தாகியுள்ளது.

கடந்த ஒரு மாத காலத்தில் இந்த நிறுவனத்தின் பங்கு மதிப்பு சுமார் 35 சதவீதம் வரை உயர்ந்திருக்கிறது. கடந்த இரண்டு ஆண்டுகளில் இந்த நிறுவனத்தின் பங்கு மதிப்பு 400 சதவீதமும் மூன்றாண்டுகளில் 3 , 274 சதவீதமும் 5 ஆண்டுகளில் சுமார் 18000 சதவீதமும் இந்த நிறுவனத்தின் பங்கு மதிப்பு உயர்ந்திருக்கிறது.

அதாவது 2020ஆம் ஆண்டு 13 ரூபாய் என இருந்த இந்நிறுவனத்தின் பங்கு 1,832 ரூபாய் என வளர்ந்துள்ளது. பாதுகாப்புத்துறை சம்பந்தப்பட்ட பங்குகளில் மல்டி பேக்கர் பங்காக இது பார்க்கப்படுகிறது. இந்திய பாதுகாப்பு துறைக்கு தேவையான பல்வேறு பொருட்களை உற்பத்தி செய்து தருவதில் இந்த நிறுவனம் திறன் பெற்றதாக இருக்கிறது. இந்தியாவின் ஆத்ம நிர்பார் பாரத் திட்டத்தின் கீழ் தொடர்ந்த இந்த நிறுவனம் பல்வேறு பாதுகாப்பு துறை சம்பந்தப்பட்ட ஒப்பந்தங்களை பெற்று வருகிறது.

Disclaimer: This article is strictly for informational purposes only. It is not a solicitation to buy, sell in precious metal products, commodities, securities or other financial instruments. Greynium Information Technologies Pvt Ltd, its subsidiaries, associates and the author of this article do not accept culpability for losses and/or damages arising based on information in this article.