பாதுகாப்பு துறையில் முதலீடு செய்ய உகந்த தரமான பங்குகள்: நுவாமா நிறுவனத்தின் பட்டாசு லிஸ்ட்

நுவாமா தரகு நிறுவனம் பாதுகாப்புத் துறை பங்குகளான BEL (பாரத் எலெக்ட்ரானிக்ஸ் லிமிடெட்), SOIL (சோலார் இண்டஸ்ட்ரீஸ் இந்தியா லிமிடெட்), BDL (பாரத் டைனமிக்ஸ் லிமிடெட்), HAL (ஹிந்துஸ்தான் ஏரோநாட்டிக்ஸ் லிமிடெட்) மற்றும் Data Patterns ஆகியவற்றுக்கு Buy மதிப்பீட்டை வழங்கியுள்ளது.இதில் BEL பங்கிற்கு ரூ.520, SOIL பங்கிற்கு ரூ.18,000, BDL பங்கிற்கு ரூ.2,020, HAL பங்கிற்கு ரூ5,800 மற்றும் Data Patterns பங்கிற்கு ரூ.3,570 என இலக்கு விலைகளையும் நிர்ணயித்துள்ளது.

பாதுகாப்புத் துறை ஒரு மாறுதல் கட்டத்திற்குள் நுழைவதாக நுவாமா கூறுகிறது. “அனைத்து திட்டங்களிலும் செயல்படுத்துதல் மற்றும் விநியோகத்தில் கவனம் அவசியம். புது ஆர்டர்கள் தொடர்ந்து வந்தாலும், விநியோகச் சங்கிலி அபாயங்களுக்கு மத்தியில் செயல்படுத்துதலின் வேகம் கண்காணிக்கப்பட வேண்டும். இச்சூழ்நிலையில், சமீபத்திய மதிப்பீட்டு சரிவு தேர்ந்தெடுத்த முதலீட்டு வாய்ப்புகளை வழங்குகிறது,” என்று அந்த நிறுவனம் குறிப்பிட்டது.

நீடித்த மூலதனச் செலவு (Capex), உள்நாட்டுமயமாக்கல் வேகம் மற்றும் ஏற்றுமதி வளர்ச்சி ஆகியவற்றால் துணை அமைப்புகள் அல்லது பாதுகாப்பு மின்னணுவியல் நிறுவனங்களுக்கு நுவாமா முன்னுரிமை அளிக்கிறது. இந்த நிறுவனங்கள் சிறந்த செயல்பாட்டுத் தெளிவு மற்றும் பண மாற்றும் திறனைக் கொண்டுள்ளன. Zen Technologies Ltd நிறுவனத்திற்கு ரூ1,400 இலக்கு விலையுடன் 'வைத்திரு' (Hold) மதிப்பீட்டை Nuvama அளித்துள்ளது.

கடந்த 36 மாதங்களில் ரூ 9 லட்சம் கோடி மதிப்புள்ள AoN-கள் (Acceptance of Necessity) அங்கீகரிக்கப்பட்டு, பாதுகாப்புத் துறையின் நிலுவை ஆர்டர்கள் (backlogs) விற்பனையின் 3-5 மடங்கு அதிகமாக உள்ளன. FY26 இல் ரூ 1.8 லட்சம் கோடி பட்ஜெட் செய்யப்பட்ட மூலதனச் செலவும் ஆர்டர் தெளிவை மேலும் வலுப்படுத்துகிறது.

“இறக்குமதி செய்யப்பட்ட அமைப்புகள்/துணை அமைப்புகள், சிக்கலான ஒருங்கிணைப்புகள் மற்றும் நீண்ட சான்றிதழ்/சோதனை காலங்கள் போன்ற தொடர்ச்சியான சவால்களால், ஆர்டரிங் அபாயத்தை செயல்படுத்துதல் அபாயம் இப்போது முந்தியுள்ளது. இச்சூழலில், துறைக்குள் பங்கு அளவிலான வேறுபாடு தெளிவாகியுள்ளது,” என்று நுவாமா விளக்கியுள்ளது.

நுவாமாவின் பகுப்பாய்வுப்படி, சிறந்த செயல்படுத்துதல், அதிக உள்நாட்டுமயமாக்கல், மற்றும் நிலையான செயல் மூலதனம் கொண்ட BEL, SOIL போன்ற நிறுவனங்கள் கூடுதல் மதிப்பைப் பெறுகின்றன. அதேநேரம், HAL, BDL போன்ற ஒருங்கிணைப்பு நிறுவனங்கள் நீண்ட திட்ட சுழற்சிகள் மற்றும் பிந்தைய வருவாய் அங்கீகாரத்தைச் சந்திப்பதால், அவற்றின் வருவாய் மதிப்பீடுகள்கூட குறைக்கப்படலாம். ஆனால், BEL, Data Patterns போன்ற மின்னணுவியல்/துணை அமைப்பு நிறுவனங்கள் குறுகிய செயல்படுத்தல், குறைவான இறக்குமதி சார்பு மற்றும் வேகமான பண மாற்றத்தால் சிறந்த வருவாய் தெளிவையும் லாபத்தையும் வழங்குகின்றன.

Disclaimer: இந்த செய்தியில் இருக்கும் கருத்துகள் மற்றும் பரிந்துரைகள் தனிப்பட்ட ஆய்வாளர்கள் அல்லது நிறுவனங்களின் சொந்த கருத்துகளாகும், இவை Goodreturns.in அல்லது Greynium Information Technologies Private Limited (இவை இரண்டும் "நாங்கள்" என குறிப்பிடப்படுகிறது) ஆகியவற்றின் கருத்துகளைப் பிரதிபலிக்கவில்லை. உள்ளடக்கத்தின் துல்லியம், முழுமை அல்லது நம்பகத்தன்மைக்கு நாங்கள் எந்தவொரு உத்தரவாதம் அளிக்கவோ, அங்கீகரிக்கவோ அல்லது பொறுப்பேற்கவோ மாட்டோம். மேலும், முதலீட்டு ஆலோசனை அல்லது பங்குகளை வாங்கவோ விற்கவோ எந்த வித தூண்டுதலையும், ஊக்கத்தையும் நாங்கள் வழங்கவில்லை. அனைத்து தகவல்களும் புரிதல் நோக்கங்களுக்காக மட்டுமே வழங்கப்படுகின்றன. எந்தவொரு முதலீட்டு முடிவுகளை எடுப்பதற்கு முன்பும், அங்கீகரிக்கப்பட்ட நிதி ஆலோசகர்களிடமிருந்து தனிப்பட்ட முறையில் சரிபார்க்கப்பட வேண்டும்.