வாயை கொடுத்து வாங்கிக்கட்டிக்கொண்ட OLA பாவிஷ் அகர்வால்.. ஓலா பங்கு விலை 10% சரிவு..!!

ஐபிஓ மூலம் பங்குச் சந்தையில் பிளாக்பஸ்டர் என்ட்ரி கொடுத்த ஓலா எலக்ட்ரிக் பங்குகள், முதலீட்டாளர்களுக்கு ஆரம்பத்தில் பெரும் லாபத்தைக் கொடுத்தது. ஐபிஓ வெளியீட்டு விலை ரூ. 70 ஆகவும் ஆகஸ்டில் ரூ. 157 என்ற நிலையை எட்டியது. ஆனால் அதன் பிறகு பங்கு விலை கடுமையாகச் சரிந்து வருகிறது. இன்றும் 10 சதவீதம் குறைந்து, தற்போது ரூ. 90க்கு வர்த்தகம் செய்யப்படுகிறது. இதன் மூலம் ஆகஸ்ட் மாதத்தில் பதிவான சாதனை அளவை விட 43 சதவீதம் குறைந்தது.

இன்றைய 10 சதவீத சரிவுக்கு முக்கியமான காரணம் பாவிஷ் அகர்வால் டிவிட்டரில் ஸ்டாண்ட்-அப் காமெடியன் குனால் கம்ரா-வை தேவையில்லாமல் விமர்சனம் செய்தது மட்டும் அல்லாமல், தனது தயாரிப்புகள் குறித்த தவறுகளை ஒப்புக்கொள்ளாமல் பேசிய முதலீட்டாளர்களுக்கு பெரும் எரிச்சலை ஏற்படுத்தியது. அப்படி என்ன நடந்தது..?

புகார்கள்:மறுபுறம் ஓலா எலக்ட்ரிக் ஸ்கூட்டிகள் மீது புகார்கள் குவிந்து வருகின்றன. பல வாடிக்கையாளர்கள் தாங்கள் பல்வேறு பிரச்சனைகளை எதிர்கொள்வதாக சமூக வலைதளங்களில் புகார் கூறி வருகின்றனர். சேவை முறையாக வழங்கப்படுவதில்லை என அந்நிறுவனம் மீது அதிருப்தி தெரிவித்து வருகின்றனர். பெங்களூரு உள்ளிட்ட முக்கிய நகரங்களில் உள்ள ஓலா சர்வீஸ் மையங்களில் ஆயிரக்கணக்கான பைக்குகள் பழுதுக்காக காத்திருப்பதாக வாடிக்கையாளர்கள் சமூக வலைதளங்களில் பதிவிட்டு வருகின்றனர்.

பாவிஷ் அகர்வால் சர்ச்சை: நகைச்சுவை நடிகர் குணால் வர்மாவும் ஓலாவின் சேவையில் தனது அதிருப்தியை X தளத்தில் பதிவிட்டுள்ளார். இது குறித்து ஓலா நிறுவனத்தின் தலைமை செயல் அதிகாரி பாவிஷ் அகர்வால் பதில் அளிக்குமாறு கேட்டுக் கொண்டார். இதற்கு பதிலளித்த பாவிஷ், குணால் மீது கோபமடைந்தார். அவர் ஒரு தோல்வி நகைச்சுவை நடிகர் என்று விமர்சிக்கப்பட்டார். இது பணம் செலுத்திய ட்வீட் என்றும், ஓலா சேவை மையங்களை விரிவுபடுத்தி வருவதாகவும், விரைவில் அனைத்து பிரச்னைகளும் தீர்க்கப்படும் என்றும் அவர் கூறினார். ஆனால் சில நெட்டிசன்கள் பாவிஷ் அகர்வாலின் நடத்தை குறித்து தவறாகப் பேசினர். இது சமூக வலைதளங்களில் பரபரப்பான விவாதமாக மாறியுள்ளது.

பாஸ் விற்பனை: மறுபுறம், ஓலா எலெக்ட்ரிக் பாஸ் (BOSS) விற்பனை என்ற பெயரில் பண்டிகை காலங்களில் பெரும் தள்ளுபடியை அறிவித்துள்ளது. எஸ்1எக்ஸ் ஸ்கூட்டர் ரூ. 40,000 தள்ளுபடி வழங்கப்படும். இந்த பைக்கின் விலை ரூ. 49,999 முதல். இந்த தள்ளுபடி விற்பனையும் ஓலாவின் பங்குகள் சரிவுக்கு காரணமாக இருக்கலாம் என்கின்றனர் ஆய்வாளர்கள்.

கர்நாடகாவில் உள்ள ஓலா ஷோரூமிற்கு வாடிக்கையாளர்கள், ஒரு மாதமாக தங்கள் வாகனத்தை சர்வீஸ் செய்யாததற்காக தீ வைத்துள்ளனர். இந்த நிலையில், அவர்களின் CEO பவிஷ் அகர்வால், உண்மைகளை பொதுவில் கொண்டு வந்ததற்காக குணால் கம்ராவை ட்ரோல் செய்வதில் மும்முரமாக இருக்கிறார் என்றும் இது உச்சகட்ட திமிர் என்று ஒரு பயனர் சாடியுள்ளார்.

நிறுவனம் செப்டம்பரில் 23,965 வாகனங்களை விற்றுள்ளது - அதன் சில EV ஸ்கூட்டர்களில் செயலிழந்த பாகங்கள் மற்றும் தவறான மென்பொருள் பற்றிய புகார்களுக்கு மத்தியில் விற்பனையில் ஒரு மாத சரிவை பதிவு செய்தது.

ஓலா எலக்ட்ரிக் இரண்டு மாதங்களுக்கு முன்பு பங்குச் சந்தையில் அறிமுகமானது. சேவை நெட்வொர்க் சவால்கள் அதன் சந்தை ஆதிக்கத்தை அச்சுறுத்துவதால், இந்த ஆண்டு செப்டம்பரில் நிறுவனம் அதன் மிகக் குறைந்த மாதாந்திர விற்பனையை பதிவு செய்துள்ளதாக அரசாங்க தகவல்கள் தெரிவிக்கின்றன.