2024 இல் 80% வருமானத்தை அளித்த ஐடி நிறுவனம்.. முதலீட்டாளர்களுக்கு அடித்த யோகம்..!!

இன்றைய பங்குச் சந்தை ஆனது, சரிவுடன் வர்த்தகமாகி வருகின்றன. இன்றைய நிலவரப்படி மதியம் 1 மணியளவில் சென்செக்ஸ் 443 புள்ளிகள் சரிவில் 81681 புள்ளிகளாகவும், நிஃப்டி 121 புள்ளிகள் சரிவில் 24646 புள்ளிகளாகவும் சரிவுடன் வர்த்தகமாகின்றன.

இதற்கிடையில், பங்குச் சந்தையில் பல பங்குகள் இந்த ஆண்டு முதலீட்டாளர்களுக்கு அபரிமிதமான லாபத்தைக் கொடுத்துள்ளன. அந்த வகையில், ஐடி பங்குகள் முதலீட்டாளர்களின் செல்வத்தை தொடர்ச்சியான உயர்த்தி வருகிறது. இந்த ஆண்டில் ஐடி சேவைகள் வழங்கும் நிறுவனமாக பெர்சிஸ்டண்ட் சிஸ்டம்ஸ் முதலீட்டாளர்களுக்கு 80 சதவிகிதம் அதிகரித்த பிறகு, இன்றைய வர்த்தகத்திலும் நல்ல ஏற்றத்தில் உள்ளன. அதேபோல், நிஃப்டி ஐடி குறியீடு இந்த ஒரு வருட காலத்தில் 29 சதவீதம் சரிந்தாலும் நல்ல வருமானத்தை கொடுத்துள்ளன.

இதற்கிடையில், உலகளாவிய தரகு நிறுவனமான ஜேபி மோர்கன் நிறுவனத்திற்கு அதிக எடை கொண்ட பங்கு என மதிப்பீட்டை வழங்கியுள்ளது. இதற்கான இலக்கை ரூ.6100 ஆக நிர்ணயித்துள்ளது. பெர்சிஸ்டண்ட் சிஸ்டம்ஸ் வாடிக்கையாளர், விற்பனையாளர் ஒருங்கிணைப்பு மற்றும் GenAI பிவோட் ஆகியவற்றில் வெற்றி பெறுவதன் மூலம் நிறுவனத்தின் வளர்ச்சியை ஆதிக்கம் செலுத்த முடியும் என்று தரகு மதிப்பிட்டுள்ளது.

அதேபோல், பெர்சிஸ்டண்ட் சிஸ்டம்ஸ் BFSI மற்றும் ஹெல்த்கேர் பிரிவு 2024 அக்டோபர்-டிசம்பர் காலாண்டில் தொடர்ந்து வளரக்கூடும் என்று தரகு நிறுவனம் தெரிவித்துள்ளது. புனேவை தளமாகக் கொண்ட நிறுவனத்தின் வாடிக்கையாளர்கள் அமெரிக்க பெடரல் ரிசர்வ் வட்டி விகிதக் குறைப்பு மற்றும் புதிய தலைவர் குறித்து மிகவும் சாதகமாக உள்ளதாகவும் தெரிவித்துள்ளது.

பெர்சிஸ்டண்ட் சிஸ்டம்ஸ் என்பது டிஜிட்டல் பொறியியல் மற்றும் நிறுவன நவீனமயமாக்கலில் நிபுணத்துவம் பெற்ற ஒரு உலகளாவிய நிறுவனமாகும். இது பல்வேறு தொழில்களில் வணிகங்களுக்கு சேவை செய்கிறது. இந்த நிறுவனத்தில் 19 நாடுகளில் 23,500 க்கும் மேற்பட்ட ஊழியர்கள் வேலை செய்து வருகின்றனர்.

பெர்சிஸ்டண்ட் சிஸ்டம்ஸ் பங்கு விலை: இன்றைய வர்த்தகத்தில் டிசம்பர் 16 மதியம் 1 மணியளவில் தேசிய பங்குச் சந்தையில் பெர்சிஸ்டன்ட் சிஸ்டம்ஸ் பங்குகள் 0.05% அல்லது 7.35 ரூபாய் உயர்ந்து 6,484.90 ரூபாய்க்கு வர்த்தகம் செய்து வருகிறது.