10 வருடச் சரிவில் பிலிப்பைன்ஸ் நாணயம்.. அமெரிக்க டாலரின் ஆதிக்கம்..!

சர்வதேச நாணய சந்தையில் அமெரிக்க டாலரின் ஆதிக்கம் அதிகளவில் இருப்பது நாம் அனைவரும் அறிந்த ஒன்றே, ஆனால் டொனால்டு டிரம்ப் அதிபர் பதவியேற்றிய பின் டாலர் மதிப்பில் பல மாற்றங்கள் ஏற்பட்டுத் தற்போது வளர்ச்சி பாதையில் உள்ளது.

இந்நிலையில் நாணய பரிமாற்ற சந்தையில் அமெரிக்க டாலரின் ஆதிக்கம் தொடரும் காரணத்தால் பிலிப்பைன்ஸ் நாணயமான பிசோ 10 வருடச் சரிவை சந்தித்துள்ளது. செவ்வாய்க்கிழமை வர்த்தகச் சந்தையில் அமெரிக்க டாலருக்கு எதிரான பிசோ மதிப்பு 50.23 ரூபாயாகக் குறைந்துள்ளது. இது செப்.26 2006ஐ விடக் குறைவான மதிப்பாகும்.

ஆசிய சந்தையில் பங்குச்சந்தை முதலீடுகள் அதிகரித்துக் காணப்படுவதால் அமெரிக்க டாலருக்கு எதிரான இந்திய ரூபாயின் மதிப்பு இன்று மாலை 4 மணியளவில் 67.00 ரூபாயாக உள்ளது.

இந்திய ரூபாய் மதிப்பைத் தொடர்ந்து யூரோ நாணயத்திற்கு எதிரான அமெரிக்க டாலர் மதிப்பும் சரிவை சந்தித்துள்ளது.