இந்தியாவின் மிகப்பெரிய பங்கு சந்தை முதலீட்டாளரான ராகேஷ் ஜுன்ஜுன்வாலா, ஹவுஸிங் பைனான்ஸ் நிறுவனமான இந்தியாபுல்ஸ் ஹவுஸிங் பைனான்ஸ் நிறுவனத்தில் 10 லட்சம் பங்குகளை வாங்கியுள்ளார்.
மார்ச் காலாண்டு நிலவரப்படி, ஜுன் ஜுன்வாலா தனது போர்ட்போலியோவில் 10 லட்சம் பங்குகள் அல்லது 0.2% பங்குகளை இந்தியாபுல்ஸ் ஹவுஸிங் பைனான்ஸ் நிறுவனத்தில் அதிகரித்துள்ளார்.
இது கடந்த டிசம்பர் 2021 நிலவரப்படி 50 லட்சம் பங்குகள் அல்லது 1.08% பங்குகள் இருந்தது. ஆனால் தற்போது 60 லட்சம் பங்குகள் அல்லது 1.28% பங்குகள் உள்ளன.
முதலீடு அதிகரிப்பு
இதில் கவனிக்கதக்க விஷயம் என்னவெனில், ஜூன் 2021 காலாண்டில் இப்பங்கினில் 2.2% பங்கானது கைவசம் இருந்தது. இது செப்டம்பர் காலாண்டில் 1.08% ஆக குறைக்கப்பட்டது. இந்த நிலையில் தான் மார்ச் காலாண்டில் மீண்டும் இப்பங்கினில் முதலீடு அதிகரிக்கப்பட்டுள்ளது.
பங்கு விகிதம் குறைப்பு
இதே புரோமோட்டர்கள் வசம் இருந்த பங்கின் விகிதம் 9.72%ல் இருந்து, 9.66% ஆக மார்ச் காலாண்டில் குறைக்கப்பட்டுள்ளது. இதே அன்னிய முதலீட்டாளர்களின் விகிதமும் 28.40%ல் இருந்து, 26.36% ஆக குறைக்கப்பட்டுள்ளது. அன்னிய முதலீட்டாளர்கள் எண்ணிக்கையானது 228 என்ற விகிதத்தில் இருந்து 220 ஆகவும் குறைந்துள்ளது. மியூச்சுவல் ஃபண்ட் நிறுவனங்கள் முதல் கொண்டு இப்பங்கினில் முதலீடுகளை 4.29%ல் இருந்து 4.23% ஆக குறைத்துள்ளனர். எனினும் அதே நேரம் மியூச்சுவல் ஃபண்ட் முதலீட்டாளர்களின் எண்ணிக்கை 12ல் இருந்து 17 ஆக அதிகரித்துள்ளது.
மூவிங் ஆவரேஜ்ஜீக்கும் கீழ் வர்த்தகம்
இப்பங்கின் விலையானது 5 நாள், 20 நாள், 50 நாள், 100 நாள் மற்றும் 200 நாள் மூவிங் ஆவரேஜ்ஜீக்கும் கீழாகவே காணப்படுகிறது. இதற்கிடையில் இப்பங்கின் விலையானது கடந்த ஓராண்டில் 12.87% சரிவினைக் கண்டுள்ளது. இதே நடப்பு ஆண்டில் இதுவரையில் 29.22% சரிவினையும் கண்டுள்ளது.
இதற்கிடையில் இந்த நிறுவனத்தின் பங்கானது பி.எஸ்.இ-யில் 1.64 லட்சம் பங்குகள் பரிமாறியுள்ளது. இதன் மதிப்பு 2.53 கோடி ரூபாயாகும். இதன் சந்தை மூலதன மதிப்பானது 7230 கோடி ரூபாயாகவும் உள்ளது.
இன்றைய பங்கு விலை நிலவரம் என்ன?
இப்பங்கின் விலையானது இன்று என்.எஸ்.இ-யில் 3.99% குறைந்து, 152.85 ரூபாயாக முடிவடைந்துள்ளது. இதன் இன்றைய உச்ச விலை 157.25 ரூபாயாகும். இதன் குறைந்தபட்ச விலை 151.60 ரூபாயாகும். இதன் 52 வார உச்ச விலை 313.70 ரூபாயாகும். இதன் 52 வார குறைந்தபட்ச விலை 130.20 ரூபாயாகும்.
இதே பி.எஸ்.இ-யில் இப்பங்கின் விலையானது 3.90% குறைந்து, 152.85 ரூபாயாக முடிவடைந்துள்ளது. இதன் இன்றைய உச்ச விலை 157.55 ரூபாயாகும். இதன் குறைந்தபட்ச விலை 151.75 ரூபாயாகும். இதன் 52 வார உச்ச விலை 313.50 ரூபாயாகும். இதன் 52 வார குறைந்தபட்ச விலை 130.20 ரூபாயாகும்.