Rekha Junjhunwala - திடீரென ஒரு வங்கியின் பங்குகளை வாங்கி குவிப்பு..!! என்னவா இருக்கும்??

இந்தியாவின் புகழ்பெற்ற முதலீட்டாளர் ரேகா ஜுன்ஜுன்வாலா இந்தியாவின் முன்னணி வங்கியில் தனது பங்குகளை அதிகரித்துள்ளார். இது முதலீட்டாளர்கள் மத்தியில் பேசு பொருளாக மாறியுள்ளது.

2025 செப்டம்பர் காலாண்டில் கனரா வங்கியில் ரேகா ஜுன் ஜுன்வாலா தனது பங்கினை 1.57% ஆக உயர்த்தியுள்ளார். இது ஜூன் 2025 காலாண்டில் 1.46% ஆக இருந்தது. ஜூன் 2025 காலாண்டில் 13.24 கோடி பங்குகளை வைத்திருந்த ஜுன்ஜுன்வாலா, செப்டம்பர் 2025 காலாண்டில் 14.24 கோடி பங்குகளை வைத்துள்ளார்.

அக்டோபர் 6ஆம் தேதியான இன்று கனரா வங்கியின் ஒரு பங்கு மதிப்பு 126.66 ரூபாய் என உள்ளது. முந்தைய தினத்தை விட 0.60% அதிகமாகும். வங்கியின் சந்தை மூலதனம் பிஎஸ்இ-யில் ரூ. 1.14 லட்சம் கோடியாக உள்ளது. கனரா வங்கியின் பங்குகளின் ஓராண்டு பீட்டா 1.3 ஆக உள்ளது, இது அதிக ஏற்ற இறக்கத்தை காட்டுகிறது.

தொழில்நுட்ப ரீதியாக, கனரா வங்கியின் ரிலேட்டிவ் ஸ்ட்ரென்த் இண்டெக்ஸ் (RSI) 71.6 ஆக உள்ளது. இது பங்குகள் அதிகப்படியான விலையில் வர்த்தகமாவதைக் குறிக்கிறது. நடப்பு நிதியாண்டின் முதல் காலாண்டில், கனரா வங்கி ரூ. 4,752 கோடி நிகர லாபத்தைப் பதிவு செய்தது. இது கடந்த ஆண்டின் இதே காலாண்டில் ரூ. 3,905 கோடியாக இருந்தது. இதன் மூலம் லாபத்தில் 21.69% ஆண்டுக்கு ஆண்டு வளர்ச்சி ஏற்பட்டது.

மியூச்சுவல் ஃபண்ட்: சிறிய முதலீட்டில் பெரிய கனவுகளை நனவாக்கும் ரகசியம் - விவரங்கள் இங்கே!

வங்கியின் அறிக்கையின்படி, வட்டி அல்லாத வருவாயில் ஏற்பட்ட குறிப்பிடத்தக்க அதிகரிப்பு இந்த வளர்ச்சிக்கு முக்கிய காரணமாகும். வங்கியின் நிகர வட்டி வருவாய் 1.7% குறைந்து ரூ.9,009 கோடியாக இருந்தது. இது கடந்த ஆண்டு ரூ. 9,166 கோடியாக இருந்தது.

இருப்பினும், மற்ற வருவாய் 32.7% உயர்ந்து ரூ.7,060.48 கோடியாக இருந்தது, இது கடந்த ஆண்டு ரூ. 5,318.88 கோடியாக இருந்தது. வங்கியின் செயல்பாட்டு லாபம் 12.32% அதிகரித்து ரூ. 8,554 கோடியாக இருந்தது. வங்கியின் உலகளாவிய வணிகம் ரூ. 25,63,984 கோடியாக இருந்தது, இது ஆண்டுக்கு ஆண்டு 11% வளர்ச்சியாகும்.

உலகளாவிய வைப்புத்தொகை 9.92% அதிகரித்து ரூ. 14,67,655 கோடியாகவும், மொத்த முன்பணங்கள் 12.42% அதிகரித்து ரூ. 10,96,329 கோடியாகவும் இருந்தன. உள்நாட்டு வைப்புத்தொகை 8.74% வளர்ச்சி பெற்று ரூ. 13,38,742 கோடியாக இருந்தது.

Disclaimer: இந்த செய்தியில் இருக்கும் கருத்துகள் மற்றும் பரிந்துரைகள் தனிப்பட்ட ஆய்வாளர்கள் அல்லது நிறுவனங்களின் சொந்த கருத்துகளாகும், இவை Goodreturns.in அல்லது Greynium Information Technologies Private Limited (இவை இரண்டும் "நாங்கள்" என குறிப்பிடப்படுகிறது) ஆகியவற்றின் கருத்துகளைப் பிரதிபலிக்கவில்லை. உள்ளடக்கத்தின் துல்லியம், முழுமை அல்லது நம்பகத்தன்மைக்கு நாங்கள் எந்தவொரு உத்தரவாதம் அளிக்கவோ, அங்கீகரிக்கவோ அல்லது பொறுப்பேற்கவோ மாட்டோம். மேலும், முதலீட்டு ஆலோசனை அல்லது பங்குகளை வாங்கவோ விற்கவோ எந்த வித தூண்டுதலையும், ஊக்கத்தையும் நாங்கள் வழங்கவில்லை. அனைத்து தகவல்களும் புரிதல் நோக்கங்களுக்காக மட்டுமே வழங்கப்படுகின்றன. எந்தவொரு முதலீட்டு முடிவுகளை எடுப்பதற்கு முன்பும், அங்கீகரிக்கப்பட்ட நிதி ஆலோசகர்களிடமிருந்து தனிப்பட்ட முறையில் சரிபார்க்கப்பட வேண்டும்.