மீண்டு வருகிறார்.. மீண்டும் வருகிறார்..ரூ. 3872 கோடி கடனை அடைத்த அனில் அம்பானி.. பங்குகள் டாப்..!!

மின் உற்பத்தி நிறுவனமான விதர்பா இண்டஸ்ட்ரீஸ் பவர் (VIPL) நிறுவனத்திற்க்கான உத்தரவாதமாக அனில் அம்பானிக்கு சொந்தமான ரிலையன்ஸ் பவர் நிறுவனம் தனது ரூ.3,872.04 கோடி கடன்களை அடைத்துள்ளது. நேற்று வெளியிடப்பட்ட இந்த அறிவிப்பில், நிறுவனத்தின் ஒட்டுமொத்த நிதி மறுசீரமைப்பு உத்தியில் குறிப்பிடத்தக்க வளர்ச்சியாக பார்க்கப்படுகிறது. தற்போது ரிலையன்ஸ் பவர் கடன் தொடர்பான அனைத்து பொறுப்புகளும் விடுவிக்கப்பட்டுள்ளன.

செட்டில்மெண்ட் ஒப்பந்தம்: ரிலையன்ஸ் பவர், ரோசா பவர் சப்ளை நிறுவனம், விஐபிஎல் மற்றும் சிஎஃப்எம் அசெட் ரீகன்ஸ்ட்ரக்ஷன் பிரைவேட் லிமிடெட் ஆகியவற்றுடன் இணைந்து, நிலுவையில் உள்ள கடனைத் தீர்ப்பதற்கான ஒப்பந்தம் செய்துள்ளது.

வெளியீட்டுப் பத்திரம்: ஆக்சிஸ் டிரஸ்டி சேவைகளுடன் ஒரு வெளியீட்டுப் பத்திரத்தை செயல்படுத்தியுள்ளது. அதில் விதர்பா இண்டஸ்ட்ரீஸ் பவர் VIPL மூலம் வெளி வணிகக் கடன்கள் (ECBகள்) தொடர்பான ரிலையன்ஸ் பவரின் பொறுப்புகள் விடுவிக்கப்பட்டது.

சட்ட நடவடிக்கைகளை திரும்பப் பெறுதல்: திவால் மற்றும் திவால் கோட் (IBC) இன் கீழ் உள்ளவை உட்பட, ரிலையன்ஸ் பவர் மற்றும் அதற்கு எதிராக தொடங்கப்பட்ட அனைத்து சட்ட நடவடிக்கைகளும் திரும்பப் பெறப்பட்டுள்ளன.

பங்கு உறுதிமொழி: விதர்பா இண்டஸ்ட்ரீஸ் பவர் இன் 92.60% பங்குகள் கடன் வழங்குவோருக்குப் பத்திரமாக ஏற்பாடு செய்யப்பட்டுள்ளன.

கடந்த ஆண்டு ப்ளூம்பெர்க் அறிக்கையைத் தொடர்ந்து. திவால் நீதிமன்றத்தால் நடத்தப்பட்ட ஏலத்தில் மத்திய இந்தியாவில் விதர்பா இண்டஸ்ட்ரீஸ் பவர் மூலம் இயக்கப்படும் 600 மெகாவாட் உற்பத்தி வசதிகள் உட்பட நிலக்கரி எரியும் மின் உற்பத்தி நிலையங்களுக்கான ஏலத்தை கெளதம் அதானி பரிசீலிப்பதாக கூறிய நிலையில் தற்போது இந்த நடவடிக்கை எடுக்கப்பட்டுள்ளது.இதற்கிடையில், இன்றைய வர்த்தக முடிவு நேரத்தில் ரிலையன்ஸ் பவர் பங்குகள் 5% உயர்வில் ரூ.32.97 ஆக முடிந்தது.

அதேபோல், அனில் அம்பானிக்கு சொந்தமான ரிலையன்ஸ் இன்ஃப்ரா பெரும் கடனை திருப்பிச் செலுத்தியுள்ளது. இதன் காரணமாக இந்நிறுவனத்தின் மொத்த கடன் ரூ.3,831 கோடியில் இருந்து ரூ.475 கோடியாக குறைந்துள்ளது. இது ரூ.3,356 கோடி குறைந்துள்ளது. இந்த வளர்ச்சியை தொடர்ந்து இந்நிறுவனத்தின் பங்கின் விலை 17.32 சதவீதம் உயர்ந்து ரூ.251க்கு வர்த்தகமாகி வருகிறது.

ரிலையன்ஸ் இன்ஃப்ரா நிறுவனம் பெரும் வெளிநாட்டுக் கடனை அடைத்துவிட்டதாக இன்று தெரிவித்தது. இதன் காரணமாக இந்நிறுவனத்தின் மொத்த கடன் ரூ.3831 கோடியில் இருந்து ரூ.475 கோடியாக குறைந்துள்ளது. இந்த வளர்ச்சியை தொடர்ந்து, அந்நிறுவனத்தின் பங்கு விலை கடும் உயர்வை கண்டுள்ளது. செப்டம்பர் 18 இன்றைய வர்த்தகம் முடிவில் 20% உயர்வில் ரூ.282 ஆக முடிந்தது.

ரிலையன்ஸ் இன்ஃப்ரா, அதன் கடன் வழங்குபவர்களில் ஒன்றான இன்வென்ட் அசெட்ஸ் செக்யூரிடைசேஷன் அண்ட் ரீகன்ஸ்ட்ரக்ஷன் பிரைவேட் லிமிடெட் (Invent ARC) நிலுவைத் தொகையை வசூலிக்க குறிப்பிட்ட சில பத்திரங்களை புதுப்பித்துள்ளது. இதன் விளைவாக, இன்வென்ட் அசெட்ஸ் செக்யூரிடைசேஷன் அண்ட் ரீகன்ஸ்ட்ரக்ஷன் பிரைவேட் லிமிடெட் நிதி அடிப்படையிலான இருப்பு பூஜ்ஜியமானது.

ரிலையன்ஸ் இன்ஃப்ரா, இந்திய ஆயுள் காப்பீட்டுக் கழகம் (எல்ஐசி) உள்ளிட்ட பல நிறுவனங்களுக்கு நிலுவைத் தொகையை செலுத்தியதையும் உறுதிப்படுத்தியுள்ளது. எடெல்வைஸ் அசெட் ரீகன்ஸ்ட்ரக்ஷன் கம்பெனி லிமிடெட், ஐசிஐசிஐ வங்கி, யூனியன் வங்கி மற்றும் பல கடன் வாங்கியவர்களுக்கு கடனைத் திருப்பிச் செலுத்தியுள்ளதாக நிறுவன தெரிவித்துள்ளது. கடன் குறைப்பில் முக்கியமான இலக்கை எட்டியுள்ளதாக நிறுவனம் தெரிவித்துள்ளது.

ரிலையன்ஸ் இன்ஃப்ரா, இந்திய ஆயுள் காப்பீட்டுக் கழகத்துடன் (எல்ஐசி) ஒரு முறை தீர்வு (OTS) செய்து, மாற்ற முடியாத கடனீட்டுப் பத்திரங்கள் (NCDs) தொடர்பான முழுப் பொறுப்பையும் தீர்த்து வைத்துள்ளதாகத் தெரிவித்துள்ளது. இதற்காக நிறுவனம் 600 கோடியை நிறுவனம் வழங்கியுள்ளது. இது தவிர, நிறுவனம் ரூ.235 கோடியை என்சிடிகள் தொடர்பாக எடெல்வைஸ் உடனான தனது முழுக் கடமைகளுக்கும் வழங்கியுள்ளது.

அனில் அம்பானியின் நிறுவனம் வெளிநாட்டுக் கடனைக் குறைத்துள்ளதால் ரிலையன்ஸ் இன்ஃப்ராவின் மொத்த சந்தை மூலதனம் தற்போது ரூ.9,041 கோடியாக மதிப்பிடப்பட்டுள்ளதாக கணக்கிடப்பட்டுள்ளது.