டாலருக்கு எதிரான இந்திய ரூபாய் மதிப்பு ஊசல், கச்சா எண்ணெய் விலை சரிவு.. ஆனால் பெட்ரோல் விலை?

சர்வதேச சந்தையில் கச்சா எண்ணெய் விலை சரிந்த நிலையில் இந்திய ரூபாய் மதிப்பு நேற்று இரண்டு வார உயர்வை சந்தித்துள்ள இருந்தது. ஆதே நேரம் ரீடெயில் சந்தையில் மட்டும் பெட்ரோல், டீசல் விலை தொடர்ந்து 16வது நாளாக உயர்ந்துள்ளது.

இன்று பிறபகல் 12:32 மணியளவில் அமெரிக்க டாலருக்கு எதிரான இந்திய ரூபாயின் மதிப்பு மீண்டும் சரிந்து 68.39 ரூபாயாக உள்ளது. இதே நிலை தொடர்ந்தால் உச்சபட்சமாக டாலருக்கு எதிரான இந்திய ரூபாய் மதிப்பு 70 ரூபாயாக உயர்ந்தாலும் ஆச்சரியப்படுவதற்கில்லை.

சர்வதேச கச்சா எண்ணெய் சந்தை

சர்வதேச அளவில் WTI கச்சா எண்ணெய் 2.83 டாலர்கள் என 4.17 சதவீதம் சரிந்து 67.88 டாலர் ஒரு பேரல் என விற்கப்படுகிறது. அதே நேரம் இந்தியா அதிகளவில் பிரெண்ட் கச்சா என்ணெயினைத் தான் இறக்குமதி செய்து வருகிறது. பிரெண்ட் கச்சா எண்ணெய் 2.35 டாலர் என 3.07 சதவீதம் சரிந்து 76.44 டாலர் ஒரு பேரல் என விற்கப்பட்டு வருகிறது.

எப்போது இந்தியாவில் பெட்ரோல் விலை குறையும்?

பிரெண்ட் கச்சா எண்ணெய் ஒரு பேரல் 75 டாலராகக் குறையும் வரை இந்திய எண்ணெய் நிறுவனங்கள் பெட்ரோல், டீசல் விலையினைக் குறைக்க வாய்ப்பில்லை என்று வல்லுனர்கள் கூறுகின்றனர்.

தினசரி விலை மாற்றம்

கச்சா எண்ணெய் விலை குறையும் போது எண்ணெய் நிறுவனங்கள் ஏன் இப்படி விலையினைக் குறைக்காமல் உள்ளன, இதனை ஏன் மத்திய அரசு கண்டுகொள்ளாமல் உள்ளன என்று மக்கள் எரிச்சல் அடைந்துள்ளனர்.

அத்தியாவசிய பொருட்கள் விலை

பெட்ரோல், டீசல் விலை உயர்வு காரணமாக மக்களுக்குத் தேவையான அத்தியாவசிய பொருட்கள், காய்கறிகள் விலை எல்லாம் தினமும் உயர்ந்துகொண்டே செல்கிறது. இதனால் பணவீக்கம் பெரிய அளவில் உயரும் என்றும் கூறப்படுகிறது.

ஜிடிபி

2018-2019 நிதி ஆண்டின் முதல் காலாண்டிற்கான ஜிடிபி தரவு இன்னும் ஒரு வாரத்தில் வெளியிடப்பட இருக்கிறது. சர்வதேச அளவில் அமெரிக்கா மற்றும் ஐரோப்பிய நாடுகளின் ஜிடிபி-க்களும் சரிந்து காணப்படுகின்றனர்.

இன்றை பெட்ரோல் விலை நிலவரம்

சென்னையில் திங்கட்கிழமை பெட்ரோல் விலை 81.26 ரூபாய் லிட்டர் என்று இருந்த நிலையில் செவ்வாய்க்கிழமை 81.43 ரூபாயாக உயர்ந்துள்ளது. இது டெல்லியில் 79.43 ரூபாய், கொல்கத்தாவில் 81.06 ரூபாய், மும்பையில் 86.24 ரூபாய் என ஒரு லிட்டர் பெட்ரோல் இன்று விற்பனை செய்யப்பட்டு வருகிறது.

இன்றைய டீசல் விலை நிலவரம்

சென்னையில் இன்று டீசல் ஒரு லிட்டர் 73.18 ரூபாய் என்றும், டெல்லியில் 69.31 ரூபாய், கொல்கத்தாவில் 71.86 ரூபாய், மும்பையில் 73.79 ரூபாய் என விற்பனை செய்யப்படுகிறது.