டாலருக்கு ரூபாயின் மதிப்பு 20 மாத உயர்வை சந்தித்துள்ளது..!

டாலருக்கு எதிரான இந்திய ரூபாயின் மதிப்பு மத்திய வங்கி நிதி கொள்கை அறிவிப்பின் போது வட்டி விகிதம் ஏதும் குறைக்காததால் 20 மாத உயர்வைச் சந்தித்துள்ளது.

வியாழக்கிழமை ரிசர்வ் வங்கி ரெப்போ வட்டி விகிதத்தில் மாற்றம் ஏதும் இல்லாமல் 6.25 சதவீதமாகவே அறிவித்தது. ரிசர்வ் வங்கி ஆளுநரின் பத்திரிக்கையாளர்களின் சந்திப்புக்கு முன்பு ரெப்போ விகிதத்தைக் கணித்த வல்லுநர்கள் மாற்றம் ஏதும் இருக்காது என்றே கூறி வந்தனர். அதேப் போன்று மாற்றம் ஏதும் இல்லாமல் முடிந்தது.

இதனைத் தொடர்ந்து வெள்ளிக்கிழமை டாலருக்கு எதிரான இந்திய ரூபாயின் மதிப்பு 64.40 காசுகளாக உள்ளன. 2015-ம் ஆண்டு ஆகஸ்ட் மாதத்திற்குப் பிறகு இன்று 64.32 ரூபாயாக உயர்ந்ததே அதிகம் என்று கூறப்படுகின்றது.

வியாழக்கிழமை சந்தை நேர முடிவின் போது டாலருக்கு எதிராக 64.52 ரூபாயாக இருந்த மதிப்பு இன்று 64.42 ரூபாயாக உள்ளது.