5 பங்குக்கு 3 பங்கு ப்ரீ.. பென்னி ஸ்டாக் கொடுக்கும் பம்பர் ஆஃபர்.. 5 நாள்தான் டைம்..!!

பங்குச் சந்தையில் முதலீடு செய்பவர்களுக்கு அண்மைக்காலமாக சில சிறப்பு செய்திகள் வந்து கொண்டிருக்கின்றன. அந்த வகையில், பல்வேறு நிறுவனங்கள் தங்கள் முதலீட்டாளர்களுக்கு அதிர்ஷ்டத்தை அள்ளிக்கொடுக்கின்றன. நிறுவனங்கள் அவற்றின் பணப்புழக்கத்தை அதிகரிக்கவும், முதலீட்டாளர்களை ஈர்க்கவும் போனஸ், பங்கு பிரிப்பு ஆகியவற்றை வெளியிடுகின்றன. அந்த வகையில், பென்னி பங்கு ஆன சத்வ சுகுன் லைஃப் கேர் நிறுவனமும் அதன் முதலீட்டாளர்களுக்கு நற்செய்தியை அளித்துள்ளது.

சத்வ சுகுன் லைஃப் கேர் நிறுவனம் என்பது ஒரு ஸ்மால்கேப் வகை நுகர்வோர் டூரபிள்ஸ் துறை பங்கு ஆகும். சமீபத்தில், நிறுவனத்தின் இயக்குநர்கள் குழு சமீபத்தில் கூடி அதன் முதலீட்டாளர்களுக்கு 3:5 என்ற விகிதத்தில் போனஸ் பங்குகளை வழங்க ஒப்புதல் அளித்தது. அதாவது நிறுவனத்தின் 5 பங்குகளை தங்கள் டிமேட் கணக்கில் வைத்திருப்பவர்கள் கூடுதலாக 3 பங்குகளை போனஸாகப் பெறுவார்கள் என தெரிவித்துள்ளது.

மேலும், இந்த போனஸ் பங்குகளை வெளியிடுவதற்கான பதிவு தேதி ஜனவரி 17 என நிர்ணயம் செய்யப்பட்டுள்ளதாக அந்நிறுவனம் தாக்கல் செய்த அறிவிப்பில் தெரிவித்துள்ளது. மறுபுறம், இந்த நிறுவனத்தின் பங்கு கடந்த ஆறு மாதங்களில் அதன் பங்குதாரர்களுக்கு 79 சதவீத லாபத்தை வழங்கியதால் மல்டிபேக்கர் பங்காக மாறியுள்ளது. சத்வ சுகுன் லைஃப் கேர் நிறுவனம் ரூ.10க்கும் கீழ் உள்ள ஒரு பென்னி பங்கு ஆகும்.

போனஸ் பங்குகள்: நிறுவனத்தின் பரிவர்த்தனை தாக்கல் படி, நிறுவனத்தின் வாரியம் 3:5 என்ற விகிதத்தில் போனஸ் பங்குகளை வழங்க பரிந்துரைத்துள்ளது. அதாவது பதிவு தேதியின்படி, அவர்களின் டீமேட் கணக்கில் 5 ஈக்விட்டி பங்குகளின் ரூ.1 முகமதிப்பு கொண்ட நபர்களுக்கு கூடுதலாக 1 முகமதிப்பு கொண்ட 3 போனஸ் ஈக்விட்டி பங்குகளை இலவசமாக வழங்குவதற்கு நிறுவனத்தின் வாரியம் ஒப்புதல் அளித்துள்ளதாகவும், இந்த போனஸ் பங்குகளை வழங்குவதற்கு தகுதியான முதலீட்டாளர்களை தீர்மானிக்க தேவையான பதிவு தேதியை நிறுவனம் அங்கீகரித்துள்ளதாகவும் நிறுவனம் தனது பரிமாற்றத் தாக்கல் செய்ததில் தெரிவித்துள்ளது. அதன்படி, ஜனவரி 17 அதற்கான பதிவுதேதி ஆகும்.

இலக்கு விலை: மறுபுறம், முன்னணி ஆராய்ச்சி ஆய்வாளர் ஏ.ஆர்.ராமச்சந்திரன், பங்குச் சந்தை முதலீட்டாளர்களுக்கு, சத்வ சுகுன் லைஃப் கேர் நிறுவனத்தின் இலக்கு விலையுடன் வாங்கவும் மதிப்பிட்டுள்ளார். அதன்படி, இந்நிறுவனத்தின் பங்கு ரூ. 2.53 இலக்கு விலையுடன் ரூ.2.19 ஸ்டாப் லாஸ் வழங்க அறிவுறுத்தியுள்ளார்.

ஸ்டாக் அவுட் லுக்: கடந்த வர்த்தக அமர்வில், சத்வ சுகுன் லைஃப்கேர்-இன் பங்கின் விலை மாற்றமின்றி ரூ. 2.25க்கு முடிந்தது. 52 வாரங்களில் அதிகபட்சமாக ரூ. 3.77 ஆகவும், 52 வாரங்களில் குறைந்தபட்சமாக ரூ.1.99 ஆகும். கடந்த வாரத்தில் பங்கு விலை சுமார் 1 சதவீதம் உயர்ந்துள்ளது. கடந்த மாதத்தில் இந்த பங்கு சுமார் 3 சதவீதம் உயர்ந்துள்ளது, அதேபோல், கடந்த ஆறு மாதங்களில் சுமார் 79 சதவீதம் வரை உயர்ந்துள்ள பங்கு கடந்த ஆண்டில் சுமார் 34 சதவீதம் இழந்துள்ளது. அதேபோல், கடந்த ஐந்து ஆண்டுகளில் 110 சதவீதம் லாபத்தை கொடுத்துள்ளது. தற்போது இந்த நிறுவனத்தின் சந்தை மதிப்பு ரூ. 27 கோடியாகும்.