மீண்டும் 39,000 புள்ளிகளைத் தொட்ட சென்செக்ஸ்! ஏற்றத்தில் பங்குச் சந்தைகள்!

சென்செக்ஸ் 30-ல் பங்கு விலை நிலவரம்

என் டி பி சி, ஏஷியன் பெயிண்ட்ஸ், பார்தி ஏர்டெல், மஹிந்திரா & மஹிந்திரா, மாருதி சுசூகி, பஜாஜ் ஃபைனான்ஸ் போன்ற பங்குகள் ஏற்றத்தில் வர்த்தகமாகிக் கொண்டு இருக்கின்றன. ஓ என் ஜி சி, ஆக்ஸிஸ் பேங்க், அல்ட்ரா டெக் சிமெண்ட், நெஸ்ட்லே, சன் பார்மா, ஐசிஐசிஐ பேங்க் போன்ற பங்குகள் விலை இறக்கத்தில் வர்த்தகமாகி வருகின்றன.

பி எஸ் இ பங்குகள்

சென்செக்ஸின் 30 பங்குகளில் 23 பங்குகள் ஏற்றத்திலும், 07 பங்குகள் இறக்கத்திலும் வர்த்தகமாகின்றன. பிஎஸ்இ-யில் 2,261 பங்குகள் வர்த்தகமாகின்றன. அதில் 773 பங்குகள் ஏற்றத்திலும், 1,372 பங்குகள் விலை இறக்கத்திலும், 116 பங்குகள் விலை மாற்றமின்றியும் வர்த்தகமாகிக் கொண்டு இருக்கின்றன. ஒட்டு மொத்தமாக, மும்பை பங்குச் சந்தையில், 53 பங்குகள் தங்களின் 52 வார விலை உச்சத்தைத் தொட்டு இருக்கின்றன.

ஆசிய பங்குச் சந்தைகள்

இன்று (1 செப்டம்பர் 2020), ஆசியாவில், சிங்கப்பூரின் ஸ்ட்ரெய்ட் டைம்ஸ், சீனாவின் ஷாங்காய் காம்போசைட், இந்தோனேசியாவின் ஜகர்தா காம்போசைட் தவிர மற்ற பங்குச் சந்தைகள் எல்லாம், ஏற்றத்தில் வர்த்தகமாகிக் கொண்டு இருக்கின்றன. அதிகபட்சமாக, தென் கொரியாவின் கோஸ்பி 1.13 % ஏற்றத்தில் வர்த்தகமாகிக் கொண்டு இருக்கிறது.

இண்டெக்ஸ்

இன்று, மீடியா, பொதுத் துறை வங்கிகள், ரியாலிட்டி தவிர மற்ற எல்லா துறை சார்ந்த இண்டெக்ஸ்களும் ஏற்றத்தில் தான் வர்த்தகமாகிக் கொண்டு இருக்கின்றன. மற்ற எல்லா துறைகளும் ஏற்றத்தில் தான் வர்த்தகமாகிக் கொண்டு இருக்கின்றன. மெட்டல், ஆட்டோமொபைல், ஐடி போன்ற துறை சார் இண்டெக்ஸ்கள் ஓரளவுக்கு நல்ல ஏற்றத்தில் வர்த்தகமாகிக் கொண்டு இருக்கின்றன.