Click it and Unblock the Notifications
இந்திய ரிசர்வ் வங்கி நடத்திய 2 நாள் நாணய கொள்கை கூட்டத்தில் எடுக்கப்பட்ட முடிவுகளை இன்று காலை 10 மணிக்கு ஆர்பிஐ கவர்னர் சஞ்சய் மல்கோத்ரா அறிவிக்கப்பட உள்ள நிலையில் பங்குச்சந்தை எப்படி இருக்கும் என்ற கேள்வி எழுந்துள்ளது.
அமெரிக்காவின் பெடரல் ரிசர்வ், ஜப்பான் நாட்டின் பேங்க் ஆப் ஜப்பான், ஐரோப்பிய யூனியன் நாடுகளின் ஐரோப்பிய மத்திய வங்கி ஆகியவை அடுத்தடுத்து வட்டி விகிதத்தை உயர்த்தியிருக்கும் வேளையில் ஆர்பிஐ எத்தகைய முடிவை எடுக்கும்..?
சந்தை வல்லுனர், பொருளாதார வல்லுனர்களின் கணிப்புகளின் படி இன்று வெளியாகும் இருமாத நாணய கொள்கை கூட்டத்தின் முடிவுகளில் ரெப்போ விகிதம் 0.25 சதவீதம் அளவில் உயர்த்தப்படும் என எதிர்பார்க்கப்படுகிறது. அப்படிக் கணிக்கப்பட்ட படியே வட்டி விகிதம் உயர்ந்தால் பிப்ரவரி 2023க்கு பின்பு முதல் முறையாக ஆர்பிஐ தனது வட்டி விகிதத்தை உயர்த்துவதாக இருக்கும். இதன் மூலம் ரெப்போ விகிதம் 5.25 சதவீதத்தில் இருந்து 5.50 சதவீதமாக உயரும்.
ரெப்போ விகிதம் அனைத்து வங்கிகளுக்குமான அடிப்படை வட்டி விகிதம் என்பதால் இந்த உயர்வு சந்தையில் புதிய கடன் வாங்குவது மூலம் உருவாகும் பணப்புழக்கத்தைப் பாதிக்கும். இந்த நிலையில் ரெப்போ விகித உயர்வு பங்குச்சந்தையில் எத்தகைய தாக்கத்தை உருவாக்கும்.
தற்போதைய சூழ்நிலையில் வட்டி விகிதம் என்பது கிட்டத்தட்ட உறுதியாகியிருக்கும் வேவையில் பங்குச்சந்தையில் பெரிய அளவிலான தாக்கம் ஏதும் இருக்காது என ஜியோஜித் இன்வெஸ்ட்மென்ட்ஸ் நிறுவனத்தின் தலைமை முதலீட்டு ஆலோசகரான விகே விஜயகுமார் தெரிவித்துள்ளார்.
ஆர்பிஐ-யின் இன்றைய முடிவு என்னவாக இருக்கும் என்பது பங்குச்சந்தை முதலீட்டாளர்களுக்கு ஏற்கனவே தெரியும் என்பதால் ஏற்கனவே பங்குச்சந்தை இதற்காகத் தயாராகி ரெப்போ விகித உயர்வுக்கு ஏற்ப வர்த்தகமாகி வருகிறது. இதனால் இன்றைய அறிவிப்பு மூலம் அதிரடி மாற்றங்கள் கட்டாயம் இருக்காது எனத் தெரிவித்துள்ளார்.
கடந்த 2 நாளாக உயர்வுடன் வர்த்தகமாகும் மும்பை பங்குச்சந்தையின் சென்செக்ஸ் குறியீடு இன்று சரிவுடன் துவங்கியுள்ளது. 9 மணியளவில் 142 புள்ளிகள் சரிவுடன் 72,931 புள்ளிகளில் வர்த்தகமாகி வருகிறது. இதேபோல் நிஃப்டி 131 புள்ளிகள் சரிந்து 22,641 புள்ளிகளில் வர்த்தகமாகி வருகிறது.
இந்த வட்டி விகித உயர்வு வங்கித்துறை பங்குகளுக்குச் சாதகமாக அமையும், குறிப்பாக வட்டி உயரும் காரணத்தால் லாப அளவுகள் உயரக் கூடும்.
இதேபோல் இன்று நாணய கொள்கை முடிவுகளை வெளியிடும் போது CRR விகிதத்தில் எவ்விதமான மாற்றமும் தேவைப்படாது, வங்கித் துறையில் FCNRB வைப்பு நிதி மூலம் 127 பில்லியன் டாலர் தொகை இருக்கும் காரணத்தால் போதுமான நிதி ஆதாரம் உள்ளது.
கச்சா எண்ணெய் விலை 100 டாலர், மழை பொழிவு 30 சதவீதம் குறைவு ஆகியவை நாட்டில் பணவீக்கத்தை உயர்த்துவது உறுதியான நிலையில் இந்த வட்டி விகித உயர்வு வருகிறது. இன்றைய வட்டி விகித உயர்வு மூலம் பங்குச்சந்தையில் சரிவு ஏற்பட்டாலும், 1-2 நாட்களில் மீண்டு வரும் எனவும் சந்தை வல்லுனர்கள் தெரிவித்துள்ளனர்.
Sign in with Google
