ஸ்விக்கி வெளியிடும் மெகா ஐபிஓ.. முதலீட்டாளர்கள் கட்டாயம் தெரிந்துக்கொள்ள வேண்டிய விஷயம் இது..!

சென்னை: ஃபுட் டெக் யூனிகார்ன் ஸ்விக்கி அதன் பங்குதாரர்களிமிருந்து 1.2 பில்லியன் டாலருக்கான ஐபிஓ-வை வெளியிட ஒப்புதல் பெற்றுள்ளதாக அறிவித்துள்ளது. இந்த ஒப்புதல் பங்குதாரர்களின் அவசர கால பொது கூட்டத்தில் வழங்கப்பட்டதாக கூறியது.

இந்த 1.2 பில்லியன் டாலர் அதாவது 10,414 கோடி ரூபாய் ஐபிஓ திட்டத்தில், 3750 கோடி ரூபாய் பங்குகளை பிரஷ் இஷ்யூவாகவும், 6664 கோடி ரூபாயை ஆஃபர் பார் சேல் பிரிவில் திரட்டவும் ஸ்விக்கி முடிவு செய்துள்ளது என TheKredible வெளியிட்டப்பட்ட தரவுகள் கூறுகிறது,

செபியிடம் ரெட் ஹெர்ரிங் ப்ராஸ்பெக்டஸை ஸ்விக்கி இன்னும் சமர்ப்பிக்கவில்லை. இதனிடையே சில முதலீட்டாளர்களின் ஆவணங்களை வைத்து ரூ.750 கோடிக்கு ப்ரீ-ஐபிஓ மூலம் முதலீட்டை ஈர்க்க ஸ்விக்கி முடிவு செய்துள்ளது.

அண்மையில் என்டிராக்கர், ஸ்விக்கி தனது ஒரு பங்கை ரூ.350 மதிப்பில் ரூ.80,000 கோடிக்கு மதிப்பீட்டில் இந்த ஐபிஓ-வில் பங்குகளை விற்க முடிவு செய்துள்ளதாக தெரிவித்தது. இது ஸ்விக்கியின் சமீபத்திய முதலீட்டு சுற்று மதிப்பீட்டில் 20 சதவீத தள்ளுபடியாகும்.

ஸ்விக்கியின் கடந்த நிதி திரட்டல் 2022 ஜனவரியில் நடைபெற்றது, இது 700 மில்லியன் டாலர் மதிப்புடைய முதலீட்டு சுற்றாகும். இந்ச முதலீட்டு சுற்றில் 10.7 பில்லியன் டாலர் மதிப்பீட்டில் இன்வெஸ்கோ தலைமையில் நடந்தது.

கடந்த மாதம் ஸ்விக்கியின் முதலீட்டாளர் பேரன் கேபிடல் அதன் ஸ்விக்கி பங்கை 74.7 மில்லியன் டாலரில் இருந்து 87.2 மில்லியன் டாலராக உயர்த்தியது. இதனால் ஸ்விக்கியின் மதிப்பீடு 12.1 பில்லியன் டாலர்களானது. இது அதன் கடந்த நிதி திரட்டலைவிட 13 சதவீதம் அதிகமாகும்.

இதனிடையே மற்றொரு முதலீட்டாளரான இன்வெஸ்கோ ஸ்விக்கியின் மதிப்பீட்டை 19 சதவீதம் அதிகரித்து 12.7 பில்லியன் டாலராக்கியது. இது அந்த அமெரிக்க நிறுவனத்தின் மூன்றாவது தொடர்ச்சியான மதிப்பு உயர்த்தலாகும்.

இன்வெஸ்கோ, பேரன் கேபிடல் ஆகிய இரு நிறுவனங்களும் ஸ்விக்கியின் 2022 நிதி திரட்டலின் பங்கு வகித்தன.

ஸ்விக்கியின் லேட்டஸ்ட் மதிப்பீடு 12.7 பில்லியன் டாலராக இருக்கும். இது அதன் போட்டி நிறுவனமான சோமாட்டாவின் மதிப்பான 20 பில்லியன்களைவிட குறைவாகும்.

ஸ்விக்கி முதலீட்டாளர்கள் மத்தியிலான கூட்டத்தில் பங்குதாரர்கள் ஸ்ரீஹர்ஷ மேஜெட்டியை ஒரு எக்ஸிகியூட்டிவ் டைரக்டராக, நிறுவனத்தின் சிஇஓ மற்றும் நிர்வாக இயக்குநர் பதவியில் அமர்த்தினர்.

ஸ்விக்கியின் இணை நிறுவனர் நந்தன் ரெட்டியை முழு நேர டைரக்டராகவும் இன்னோவேஷன் ஹெட்டாகவும் நியமனம் செய்தனர்.

பிப்ரவரியில், ஸ்விக்கி-யின் தாய் நிறுவனமான பண்டில் டெக்னாலஜிஸ் என்பதிலிருந்து ஸ்விக்கி என பதிவுசெய்யப்பட்ட பெயரை மாற்றியது. சமீபத்திய RoC தாக்கல்களின்படி, நிறுவனம் தன்னை ஒரு பொது வரையறுக்கப்பட்ட நிறுவனமாக மாற்றியுள்ளது.

2023 நிதியாண்டில், ஸ்விக்கியின் வருவாய் சுமார் 45% அதிகரித்து ரூ. 8,264.6 கோடியாக இருந்தது, அதே நேரத்தில் இழப்புகள் 15% அதிகரித்து ரூ.4,179 கோடியாக இருந்தது.

Story written by: I.Jayachandran