உங்க போர்ட்போலியோவில் சேர்ப்பதற்கு நிபுணர்கள் பரிந்துரைக்கும் முத்தான 3 பங்குகள்

ரிசர்வ் வங்கி வெளியிட்ட நிதிக் கொள்கை அறிவிப்பிற்குப் பிறகு, இந்திய பங்குச்சந்தைகள் ஏற்றத்துடனே இருக்கின்றன. வட்டி விகிதத்தில் எந்த மாற்றமும் இல்லை என்ற அறிவிப்பும், ரிசர்வ் வங்கி ஆளுநர் சஞ்சய் மல்ஹோத்ராவின் சாதகமான கருத்துக்களும் சந்தைக்கு உத்வேகம் அளித்தன.

சென்செக்ஸ், நிஃப்டி ஆகிய இரண்டுமே இன்றும் ஏற்றத்துடனே வர்த்தகமாகி முதலீட்டாளர்களுக்கு மகிழ்ச்சியை ஏற்படுத்தின. இந்நிலையில் ஆனந்த் ரதி ஷேர் அண்ட் ஸ்டாக் புரோக்கர்ஸ் நிறுவனத்தின் ஈக்விட்டி டெக்னிக்கல் ரிசர்ச் பிரிவின் மூத்த மேலாளர் ஜிகர் எஸ். படேல், ரிசர்வ் வங்கியின் சமச்சீர் நிலைப்பாடு முதலீட்டாளர்களின் கவலைகளைக் குறைத்து, வங்கிப் பங்குகளின் வலுவான மீட்சியைத் தூண்டியது என்று குறிப்பிட்டார்.பங்குச்சந்தை மீட்சியை அடுத்து ஜிகர் படேல், இரண்டு முதல் மூன்று வாரங்களுக்கு வாங்க மூன்று பங்குகளை பரிந்துரைக்கிறார்.

NTPC : இலக்கு விலை: ரூ.375, ஸ்டாப் லாஸ்: ரூ320. NTPC ஒரு ட்ரெண்ட்லைன் பிரேக்அவுட்டை வெளிப்படுத்தி, அதைத் தொடர்ந்து ஒரு நல்ல புல்பேக் மற்றும் ரிவர்சலை கண்டுள்ளது. இது பியரிஷ் வேகத்தின் தொடக்கத்தைக் குறிக்கிறது என்று படேல் குறிப்பிட்டார். முதலீட்டாளர்கள் NTPC-ஐ ரூ. 345-335 வரம்பில் வாங்க அறிவுறுத்தப்படுகிறார்கள். ரூ.320-ஐ க்ளோசிங் அடிப்படையில் ஸ்டாப் லாஸாக வைத்திருக்க வேண்டும்.

ட்ரெண்ட்லைன் பிரேக்அவுட் மற்றும் மொமென்டம் ரிவர்சல் உறுதியாக இருப்பதால், வலுவான தொழில்நுட்ப அமைப்பு மற்றும் புதுப்பிக்கப்பட்ட வாங்குதல் உத்வேகத்துடன் பங்கு ரூ.375-ஐ நோக்கிச் செல்லத் தயாராக உள்ளது என படேல் தெரிவித்தார்.

HUL: இலக்கு விலை:ரூ.2,750, ஸ்டாப் லாஸ்: ரூ.2,450. HUL அதன் சமீபத்திய உச்சமான ரூ.2,750-ல் இருந்து சுமார் 300 புள்ளிகள் சரிந்ததாகவும், தற்போது ரூ. 2,550 மண்டலத்திற்கு அருகில் இருப்பதாகவும் படேல் குறிப்பிட்டார். முதலீட்டாளர் HUL-ஐ ரூ. 2,550-2,500 வரம்பில் வாங்க பரிசீலிக்கலாம். ₹ரூ. 2,450-க்கு கீழ் ஸ்டாப் லாஸ் வைக்க வேண்டும் என்று படேல் கூறினார்.

இந்த பங்கு அதன் வலுவான தொழில்நுட்ப அமைப்பு மற்றும் மொமென்டம் மீட்சி ஆகியவற்றால் ஆதரிக்கப்பட்டு, ரூ. 2,750-ஐ நோக்கி உயரத் தயாராக உள்ளத என்றும் அவர் தெரிவித்தார்.

ITI : இலக்கு விலை: ரூ.350 , ஸ்டாப் லாஸ்: ரூ.290. ITI ஒரு ட்ரெண்ட்லைன் பிரேக்அவுட்டைக் கண்டுள்ளது. வர்த்தகர்கள் ITI-ஐ ரூ. 316-310 வரம்பில் வாங்க அறிவுறுத்தப்படுகிறார்கள். ரூ.290-ஐ க்ளோசிங் அடிப்படையில் ஸ்டாப் லாஸாக வைத்திருக்க வேண்டும் என்று படேல் கூறினார்.

இந்த பங்கு அதன் வலுவான தொழில்நுட்ப அமைப்பு, மொமென்டம் மீட்சி மற்றும் இச்சிமோகு கிளவுட்டிற்கு மேல் பியரிஷ் உறுதிப்படுத்தல் ஆகியவற்றால் ஆதரிக்கப்பட்டு, ரூ.350-ஐ நோக்கிய இலக்கிற்கு தயாராக உள்ளது. இது குறுகிய காலத்தில் மேலும் உயர்வுக்கு வாய்ப்புள்ளது என்றும் அவர் தெரிவித்தார்.

Disclaimer: இந்த செய்தியில் இருக்கும் கருத்துகள் மற்றும் பரிந்துரைகள் தனிப்பட்ட ஆய்வாளர்கள் அல்லது நிறுவனங்களின் சொந்த கருத்துகளாகும், இவை Goodreturns.in அல்லது Greynium Information Technologies Private Limited (இவை இரண்டும் "நாங்கள்" என குறிப்பிடப்படுகிறது) ஆகியவற்றின் கருத்துகளைப் பிரதிபலிக்கவில்லை. உள்ளடக்கத்தின் துல்லியம், முழுமை அல்லது நம்பகத்தன்மைக்கு நாங்கள் எந்தவொரு உத்தரவாதம் அளிக்கவோ, அங்கீகரிக்கவோ அல்லது பொறுப்பேற்கவோ மாட்டோம். மேலும், முதலீட்டு ஆலோசனை அல்லது பங்குகளை வாங்கவோ விற்கவோ எந்த வித தூண்டுதலையும், ஊக்கத்தையும் நாங்கள் வழங்கவில்லை. அனைத்து தகவல்களும் புரிதல் நோக்கங்களுக்காக மட்டுமே வழங்கப்படுகின்றன. எந்தவொரு முதலீட்டு முடிவுகளை எடுப்பதற்கு முன்பும், அங்கீகரிக்கப்பட்ட நிதி ஆலோசகர்களிடமிருந்து தனிப்பட்ட முறையில் சரிபார்க்கப்பட வேண்டும்.