ஒரு வருட குறைந்த விலையில் வர்த்தகமான பங்குகள் விவரம்..!

40,000 புள்ளிகளுக்கு மேல் சென்செக்ஸ் 3 நாட்கள் தொடர்ந்து நிறைவடைந்து விட்டால் போதுமா..? அதன் சார்ட் பேட்டன்கள் என்ன சொல்கின்றன பாருங்கள். கடந்த 30 அக்டோபர் 2019 அன்றைக்கு ஒரு நெகட்டிவ் டோஜி கேண்டல் உருவாகி இருக்கிறது. அதே போல கடந்த நவம்பர் 01, 2019 அன்றும் ஒரு டோஜி கேண்டில் உருவாகி இருக்கிறது. எனவே டிரெண்டு மாறுபடுவதை சென்செக்ஸ் 30-ன் டே சார்ட் தெளிவாக காட்டுகிறது. எனவே சந்தை வரும் திங்கட் கிழமை சிரமப்பட்டு தான் ஏற்றம் காண வேண்டி இருக்கும். ஆகையால் பல பங்குகள் மேற்கொண்டு இறக்கம் காண்பதற்கும் அதிக வாய்ப்பு இருக்கிறது.

அதோடு கடந்த மூன்று வர்த்தக நாட்களாக வர்த்தகமாகத் தொடங்கிய புள்ளிகளை விட குறைந்த புள்ளிகளிலேயே சென்செக்ஸ் நிறைவடைந்து இருக்கிறது. உதாரணமாக நவம்பர் 01, 2019 அன்று, 40,196-க்கு வர்த்தகமாகத் தொடங்கி, 40,165-க்கு வர்த்தகம் நிறைவடைவது. இப்படித் தான் கடந்த மூன்று வர்த்தக நாட்களும் நிறைவடைந்து இருக்கின்றன. ஆக வர்த்தக நேரத்தில் சந்தை ஏற்றம் காண்பது பலமாக குறைந்து இருப்பதையும் அப்பட்டமாக பார்க்க முடிகிறது.

அதோடு நேற்று (நவம்பர் 01, 2019) பி எஸ் இ-ல் சென்செக்ஸில் வர்த்தகமான 30 பங்குகளில் 16 பங்குகள் ஏற்றத்திலும், 14 பங்குகள் இறக்கத்திலும் வர்த்தகமாயின. பி.எஸ்.இ-யில் 2,767 பங்குகள் வர்த்தகமாயின. அதில் 1,416 பங்குகள் ஏற்றத்திலும், 1,174 பங்குகள் இறக்கத்திலும், 177 பங்குகள் விலை மாற்றமின்றியும் வர்த்தகமாயின. மொத்தம் 2,767 பங்குகளில் 78 பங்குகளின் விலை 52 வார அதிகத்திலும், 131 பங்குகளின் விலை 52 வார இறக்கத்திலும் வர்த்தகமாயின.

கடந்த 52 வார கால இறக்கத்தில் வர்த்தகமான 131 பங்குகள் விவரத்தை இங்கே கொடுத்து இருக்கிறோம். நல்ல தரமான, விலை ஏறுவதற்கான பங்குகளைப் பார்த்து நீண்ட காலத்துக்கு முதலீடு செய்து கொள்ளுங்கள். மேலும் விலை குறைய வாய்ப்பு இருக்கும் பங்குகளில் ஷார்ட் எடுங்கள். ஜாக்கிரதையாக தேர்வு செய்து லாபம் பார்க்கவும். இதை ஒரு அறிவு சார்ந்த பகிர்வாக மட்டுமே கொடுக்கிறோம். இது ஒரு பங்கு பரிந்துரை அல்ல.