சோமேட்டோ-விற்கு ஆட்டம் காட்ட வருகிறதா Swiggy IPO.. முதலீட்டாளர்கள் என்ன செய்ய வேண்டும்..?

ஸ்விக்கி நிறுவனத்தின் ரூ.11300 கோடி ஐபிஓ ஆனது வரும் நவம்பர் 6 தேதி வெளியாக உள்ளது. இந்திய ஐபிஓ சந்தைகள் சமீப காலமாக முதலீட்டாளர்களிடையே நல்ல வரவேற்பை பெற்றுள்ள நிலையில், தற்போது வரவுள்ள ஆன்லைன் உணவு டெலிவரி நிறுவனமான ஸ்விக்கி ஐபிஓ பெறும் எதிர்பார்ப்பை கிளப்பியுள்ளது. இது ஏற்கனவே சந்தையில் நுழைந்த சோமேட்டோவை விட அதிக முதலீடுகளை ஈர்க்குமா? முதலீட்டாளர்களிடையே வரவேற்பை பெற்று சந்தைக்குள் நுழையுமா? என்ற கேள்வி எழுந்துள்ளது

ஸ்விக்கி ஐபிஓ விற்பனையானது வரும் நவம்பர் 6ஆம் தேதி திறக்கப்பட்டு, நவம்பர் 8ஆம் தேதி முடிவடைகிறது. இதில் ஆங்கர் முதலீட்டாளர்களுக்கான பகுதி வரும் நவம்பர் 5 ஆம் தேதி திறக்கப்படவுள்ளது. இதில் 38 ஈக்விட்டி பங்குகளை ஏலம் எடுக்கலாம்.

ஸ்விக்கி ஐபிஓ விலை ஆனது ரூ.371 ஆக விலை நிர்ணயம் செய்யப்பட்டுள்ளது. ஒவ்வொரு ரூ.1 முக மதிப்பு கொண்ட பங்குகளின் விலை ரூ.390 ஆக உள்ளது. ஐபிஓ புதிய வெளியீடுகள் மூலம் ரூ.4499 கோடி பங்குகள் விற்பனையானது சுமார் 175,087,863 ஈக்விட்டி பங்குகள் விற்பனையை உள்ளடக்கியுள்ளது. அதேபோல், ஐபிஓவில், தலா ரூ.1 முகமதிப்புள்ள 750,000 ஈக்விட்டி பங்குகள் வரை முன்பதிவு செய்யப்பட்டுள்ளது. தகுதியான ஊழியர்களின் சந்தாவுக்கு அதன் பிந்தைய சலுகை செலுத்தப்பட்ட ஈக்விட்டி பங்கு மூலதனத்தில் 5%க்கு மிகாமல் இருக்கும்.

ஸ்விக்கி ஐபிஓ ஜிஎம்பி: ஐபிஓக்கு முந்தைய கிரே மார்க்கெட் பிரீமியம் ஆனது நவம்பர் 4 நேற்றைய நிலவரப்படி, ரூ.22 ஆக இருந்தது. முதலீட்டாளர்கள் கிரே மார்க்கெட் ரூ.390 விலையுடன் மதிப்பிடப்பட்ட பட்டியல் விலை ரூ.412 ஆக உள்ளது. இது பங்குக்கான எதிர்பார்க்கப்படும் லாப நஷ்டம் விகிதம் 5.64% ஆகும்.

தற்போதைய சூழ்நிலையில், சோமேட்டோவின் பட்டியலிடப்பட்ட 51.3% பிரீமியத்தை பிஎஸ்இ உடன் ஒப்பிடுகையில், அதன் ஐபிஓ விலையான ரூ.76-ஐ விட ஒற்றை இலக்கப் பட்டியல் கணிப்பு குறைவாக உள்ளது. இதன் ஸ்விக்கியின் கிரே மார்க்கெட் பட்டியலிடப்பட்ட விலையின் தெளிவான அறிகுறியாகும். மேலும் ஐபிஓக்களின் தேவை, சந்தா நிலை, சந்தைப் போக்குகள் மற்றும் துறை சார்ந்த உணர்வுகள் போன்ற பல காரணிகள் விலை பட்டியலிடுவதில் முக்கிய பங்கு வகிக்கும் என்பதைக் கவனத்தில் கொள்ள வேண்டும்.

ஸ்விக்கி ஐபிஓ ஒதுக்கீடு, பட்டியல் தேதி: ஸ்விக்கி ஐபிஓ ஆனது வரும் நவம்பர் 11ஆம் தேதி பங்குகளை ஒதுக்கீடு நடைபெறும். அதேபோல், வரும் 12 ஆம் தேதி பங்குகளை ஒதுக்குவது மற்றும் பணத்தை திரும்ப பெறுதல் நடவடிக்கைகள் இருக்கும் எனவும், அதை தொடர்ந்து நவம்பர் 13 ஆம் தேதி பங்குச் சந்தையில் பட்டியலிடப்படும் என எதிர்பார்க்கப்படுகிறது.

முன்னதாக, தரகு நிறுவனமான மோதிலால் ஓஸ்வாலின் ஆராய்ச்சி அறிக்கையின்படி, ஸ்விக்கி தாக்கல் செய்த டிஆர்ஹெச்பி-இன் முக்கிய அளவீடுகளை ஆய்வு செய்து அவற்றை சோமேட்டோவுடன் ஒப்பிடுவதன் அடிப்படையில், சோமேட்டோ இப்போது உணவு விநியோகம் மற்றும் விரைவான வர்த்தகத்தில் சந்தையில் முன்னணியில் உள்ளது என்பதைக் காட்டுவதாக மோதிலால் ஓஸ்வால் கூறியுள்ளது.

மேலும், ஸ்விக்கியின் மேம்படுத்தப்பட்ட ஒருங்கிணைந்த ஆப் மற்றும் சோமேட்டோவின் மல்டி-ஆப் அணுகுமுறை ஆனது வேகமாகப் புதுமைகளை கொண்டு வருவதாகவும், ஸ்விக்கி மீண்டும் அதன் 10 நிமிட உணவு விநியோக தளமான போல்ட் மூலம் உணவு விநியோக கண்டுபிடிப்புகளில் முன்னணியில் இருக்க முடியும் எனவும் மோதிலால் ஓஸ்வால் குறிப்பிட்டுள்ளது

Disclaimer: The recommendations made above are by market analysts and are not advised by either the author, nor Greynium Information Technologies or GoodReturns. The author, nor the brokerage firm nor GoodReturns would be liable for any losses caused as a result of decisions based on this write-up. https://tamil.goodreturns.in/ advises viewers to consult with certified experts before making any investment decision.