ராகேஷ் ஜுன்ஜுன்வாலாவின் ஹிட் பங்கு.. நல்ல ஏற்றம் காணலாம்.. நீங்க வாங்கியிருக்கீங்களா?

தொடக்கமே வேற லெவல்

இன்று நாம் பார்க்கவிருக்கும் பங்கு டாடா குழுமத்தினை சேர்ந்த டாடா கம்யூனிகேஷன்ஸ். இப்பங்கின் விலையானது இன்று காலை தொடக்கத்திலேயே நல்ல ஏற்றத்தில் தான் தொடங்கியது. குறிப்பாக கடந்த அமர்வின் முடிவு விலையான 1326.25 ரூபாயினை காட்டிலும், இன்று காலை தொடக்கத்தில் 5.64% ஏற்றம் கண்டு, 1401 ரூபாய் என்ற லெவலில் காணப்பட்டது.

தற்போதைய பங்கு நிலவரம்

NSE-யில் இப்பங்கின் விலையானது தற்போது, 3.14% அதிகரித்து, 1369.70 ரூபாயாக வர்த்தகமாகி வருகின்றது. இதன் இன்றைய உச்ச விலை 1400.80 ரூபாகும். இதன் இன்றைய குறைந்தபட்ச விலையானது,1332.08 ரூபாயாக உள்ளது. இதன் 52 வார உச்ச விலை 1591.95 ரூபாயாகும். இதன் 52 வார குறைந்தபட்ச விலை 1037.05 ரூபாயாகும்.

BSE-யில் இப்பங்கின் விலையானது தற்போது, 3.26% அதிகரித்து, 1369.55 ரூபாயாக வர்த்தகமாகி வருகின்றது. இதன் இன்றைய உச்ச விலை 1401 ரூபாகும். இதன் இன்றைய குறைந்தபட்ச விலையானது,1332.90 ரூபாயாக உள்ளது. இதன் 52 வார உச்ச விலை 1590 ரூபாயாகும். இதன் 52 வார குறைந்தபட்ச விலை 1036.30 ரூபாயாகும்.

ராகேஷ் ஜுன்ஜுன்வாலாவின் வசம்

ராகேஷ் ஜுன்ஜுன்வாலா, அவரது மனைவி ரேகா ஜுன்ஜுன்வாலா மூலம் இப்பங்கினில் முதலீடு செய்துள்ளார். டிசம்பர் 2022 நிலவரப்படி, 1.08% அல்லது 30,75,687 பங்குகள் இருந்தது குறிப்பிடத்தக்கது.

இப்பங்கின் விலையானது கடந்த ஒரு மாதத்தில் மட்டும் 18.82% அதிகரித்துள்ளது. இதே போல ஆறு மாதத்திற்கு பிறகு ஒரு வாரத்தில் 9.34% ஏற்றம் கண்டுள்ளதும் குறிப்பிடத்தக்கது. எனினும் கடந்த ஒராண்டில் இப்பங்கின் விலையானது 23.15% மட்டுமே ஏற்றம் கண்டுள்ளது.

டெக்னிக்கல் பேட்டர்ன்

டாடா குழுமத்தினை சேர்ந்த இப்பங்கானது 100 நாள், 200 நாள், மூவிங் ஆவரேஜ்ஜீக்கும் மேலாக வர்த்தகமாகி (முடிவு விலை அடிப்படையில்) வருகின்றது. இது தவிர RSI, Stocostic என பல குறிகாட்டிகளும் விலை அதிகரிக்கலாம் எனும் விதமாகவே காட்டுகின்றன.

நிபுணர்களின் பரிந்துரை என்ன?

எனினும் தற்போது ஒவர்பாட் லெவலில் உள்ள நிலையில், முதலீட்டாளர்கள் புராபிட் புக்கிங் செய்யலாம். ஆக இப்பங்கின் விலையானது 1160 ரூபாய் என்ற லெவலில் கிடைத்தால் வாங்கலாம் என டிப்ஸ்2டிரேடர்ஸ் நிறுவனத்தின் இணை நிறுவனர் பவித்ரா ஷெட்டி கூறுகிறார்.

என்ன லெவலில் வாங்கலாம்

இதே ஐசிஐ செக்யூரிட்டீஸ் நிறுவனமும் இப்பங்கினை வாங்கலாம் என பரிந்துரை செய்துள்ளது. இதன் இலக்கு விலையும் 1680 ரூபாய் வரையில் செல்லலாம் என பரிந்துரை செய்துள்ளது. இதனை 1274.1 ரூபாய் என்ற லெவலில் வாங்கலாமென்றும் பரிந்துரை செய்துள்ளது.

தொடர்ந்து விரிவாக்கம் செய்யும் நிறுவனம்

டாடா கம்யூனிகேஷன் நிறுவனம் தொடர்ந்து தனது நெட்வொர்க்கினை விரிவுபடுத்தும் விதமாக முதலீடினை செய்து வருகின்றது. அதோடு அடுத்த தலைமுறை தொழில் நுட்பத்தினையும் பயன்படுத்தி வருகின்றது. மொத்தத்தில் அதன் டிஜிட்டல் சேவையினை மேம்படுத்தி வருகின்றது. இதற்கிடையில் இதன் எபிடா விகிதம் அதிகரிக்கலாம் என நிபுணர்கள் எதிர்பார்க்கின்றனர்.