6 நாள் 212 நிறுவனங்கள்.. இந்த வாரம் பங்குச்சந்தை முதலீட்டாளர்களுக்கு வேட்டை தான்..!!

செப்டம்பர் காலாண்டுக்கான நிதியியல் முடிவுகள் வெளியிடும் சீசனை அக்டோபர் 9 அன்று TCS நிறுவனத்தின் இரண்டாம் காலாண்டு முடிவுகளை வெளியிட்டு தொடங்கியது. இதை தொட்ந்து நாட்டின் முக்கியமான நிறுவனங்கள் அடுத்தடுத்து தனது காலாண்டு முடிவுகளை வெளியிட உள்ளது.

டிசிஎஸ் நிறுவனத்தின் காலாண்டு முடிவுகள் எதிர்பார்த்தபடி சாதாரணமாகவே இருந்தது, இதேபோல் பல கணிப்புகளை எட்ட முடியாமலும் சரிவை சந்தித்தது. இதேவேளையில் இந்த செப்டம்பர் காலாண்டு முடிவுகள் சீசனில் நிஃப்டி நிறுவனங்கள் சராசரியாக சுமார் 6% வருடாந்தி வருவாய் வளர்ச்சியைப் பதிவு செய்யும் என்று மதிப்பிடப்பட்டுள்ளது.

இந்த நிலையில் இந்த வாரம், திங்கள் முதல் அக்டோபர் 18 சனிக்கிழமை வரையிலான 6 நாட்களில் மொத்தம் 212 நிறுவனங்கள் தங்கள் இரண்டாம் காலாண்டு நிதியியல் முடிவுகளை வெளியிட உள்ளன. இந்த நிலையில் இந்திய பங்குச்சந்தை முதலீட்டாளர்களின் கவனத்தை ஈர்க்கும் காலாண்டு முடிவுகளை வெளியிடும் முக்கியப் நிறுவனகங்களின் லிஸ்ட் இதுதான்:

அக்டோபர் 13: HCL டெக்னாலஜிஸ், இந்தியன் பேங்க், ஆனந்த் ரதி, மற்றும் ஜஸ்ட் டயல் போன்ற பெரிய நிறுவனங்களின் வருவாய் அறிக்கைகளை முதலீட்டாளர்கள் கண்காணிப்பார்கள்.

அக்டோபர் 14: ICICI புருடென்ஷியல் லைஃப் இன்சூரன்ஸ், ICICI லோம்பார்ட் ஜெனரல் இன்சூரன்ஸ், டெக் மஹிந்திரா, IREDA, மற்றும் பெர்சிஸ்டன்ட் சிஸ்டம்ஸ் போன்ற நிறுவனங்களின் காலாண்டு முடிவுகள் வெளியாகும். IT மற்றும் இன்சூரன்ஸ் பங்குகள் கலந்து இருப்பதால், இந்தத் துறைகளில் வளர்ச்சிப் போக்குகள் மற்றும் லாபத்தன்மையை சந்தை பங்கேற்பாளர்கள் உற்று நோக்குவார்கள்.

அக்டோபர் 15: ஆக்சிஸ் வங்கி, HDFC அசெட் மேனேஜ்மென்ட், HDFC லைஃப், விப்ரோ, டெல்டா கார்ப், ஏஞ்சல் ஒன், HDB ஃபைனான்சியல் சர்வீசஸ், IRFC, மற்றும் டாடா கம்யூனிகேஷன்ஸ் ஆகிய நிறுவனங்களின் முடிவுகள் வெளியாகும் ஒரு பரபரப்பான நாள்.

அக்டோபர் 16: இன்ஃபோசிஸ், ஜியோ ஃபைனான்சியல் சர்வீசஸ், JSW இன்ஃப்ராஸ்ட்ரக்சர், மற்றும் நெஸ்லே இந்தியா போன்ற முன்னணி நிறுவனங்கள் அறிக்கைகளை வெளியிடும். IT, FMCG, மற்றும் வங்கித் துறைகள் இதில் அடங்குவதால், உள்நாட்டு நுகர்வுப் போக்குகள் மற்றும் தொழில்நுட்பத் துறையின் வளர்ச்சி வேகத்தை மதிப்பிட இந்த முடிவுகள் உன்னிப்பாகக் கவனிக்கப்படும்.

அக்டோபர் 17: ரிலையன்ஸ் இண்டஸ்ட்ரீஸ், ஹேவல்ஸ், டாடா டெக்னாலஜிஸ், CEAT, டால்மியா பாரத், டிக்சன் டெக்னாலஜிஸ், பாலிகேப் இந்தியா, மற்றும் L&T டெக்னாலஜி சர்வீசஸ் ஆகிய நிறுவனங்களின் குறிப்பிடத்தக்க வருவாய் அறிவிப்புகள் வெளிவரும். பலதரப்பட்ட துறைகளின் வளர்ச்சி குறித்த நுண்ணறிவுகளை இந்த முடிவுகள் வழங்கும் என எதிர்பார்க்கப்படுகிறது.

அக்டோபர் 18: இந்த வாரம் HDFC வங்கி, ICICI வங்கி, IDBI வங்கி, IDFC ஃபர்ஸ்ட் வங்கி, இண்டஸ்இண்ட் வங்கி, RBL வங்கி, மற்றும் யெஸ் வங்கி போன்ற முக்கிய வங்கிகளின் அறிவிப்புகளுடன் முடிவடைகிறது. இந்த வங்கிகள் தங்கள் Q2 FY26 எண்களை வெளியிடும்போது, கடன் வளர்ச்சி, சொத்துத் தரம் மற்றும் மூலதன போதுமான அளவு ஆகியவற்றில் முதலீட்டாளர்கள் கவனம் செலுத்துவார்கள்.

Disclaimer: இந்த செய்தியில் இருக்கும் கருத்துகள் மற்றும் பரிந்துரைகள் தனிப்பட்ட ஆய்வாளர்கள் அல்லது நிறுவனங்களின் சொந்த கருத்துகளாகும், இவை Goodreturns.in அல்லது Greynium Information Technologies Private Limited (இவை இரண்டும் "நாங்கள்" என குறிப்பிடப்படுகிறது) ஆகியவற்றின் கருத்துகளைப் பிரதிபலிக்கவில்லை. உள்ளடக்கத்தின் துல்லியம், முழுமை அல்லது நம்பகத்தன்மைக்கு நாங்கள் எந்தவொரு உத்தரவாதம் அளிக்கவோ, அங்கீகரிக்கவோ அல்லது பொறுப்பேற்கவோ மாட்டோம். மேலும், முதலீட்டு ஆலோசனை அல்லது பங்குகளை வாங்கவோ விற்கவோ எந்த வித தூண்டுதலையும், ஊக்கத்தையும் நாங்கள் வழங்கவில்லை. அனைத்து தகவல்களும் புரிதல் நோக்கங்களுக்காக மட்டுமே வழங்கப்படுகின்றன. எந்தவொரு முதலீட்டு முடிவுகளை எடுப்பதற்கு முன்பும், அங்கீகரிக்கப்பட்ட நிதி ஆலோசகர்களிடமிருந்து தனிப்பட்ட முறையில் சரிபார்க்கப்பட வேண்டும்.