IPOவில் புதிய வரலாறு படைத்த வாரீ எனர்ஜிஸ்.. பங்குச் சந்தையில் ஹிட் அடிக்கபோவது கன்ஃபார்ம் ..!!

சோலார் பேனல் தயாரிப்பாளரான வாரீ எனர்ஜிஸ் (Waree Energies) இன் ஐபிஓ பங்கு விற்பனையின் கடைசி நாளான இன்று 76.34 மடங்கு வாங்கப்பட்டது. இது நிறுவன வாங்குபவர்களால் அதிகம் வாங்கப்பட்டது. ஆரம்ப பங்கு விற்பனையானது இதுவரை இல்லாத அதிகபட்ச விண்ணப்பங்களில் ஒன்றான ரூ.97.34 லட்சத்தைப் பெற்றது.

வாரீ எனர்ஜிஸ் ஐபிஓவிற்கு 97.34 லட்சம் விண்ணப்பங்கள் கிடைத்துள்ளதால், இந்தியாவின் முதன்மைச் சந்தை வரலாற்றில் அதாவது ஐபிஓ சந்தையின் வரலாற்றில் இதுவரை எந்த ஐபிஓவிற்காகவும் பெறப்பட்ட விண்ணப்பங்களில் இதுவே மிகப்பெரிய எண்ணிக்கையாகும்.

கடந்த சில நாட்களாக ஐபிஓ சந்தை ஏற்றம் கண்டு வருகிறது. பல ஐபிஓக்கள் பம்பர் லிஸ்டிங் ஆதாயங்களைப் பெற்றுள்ளன. இப்போது வாரீஎனர்ஜிஸ் ஐபிஓ பெரிய ஹிட் கொடுத்துள்ளது. இது பெரும் வரவேற்பை பெற்று அதிகம் வாங்கப்பட்டுள்ளது. எனவே, பங்குச் சந்தையில் வாரி எனர்ஜிஸ் ஐபிஓவின் பம்பர் பட்டியல் இருக்கும் என்று கிரே மார்க்கெட் விலையிலிருந்து மதிப்பிடலாம்.

ஐபிஓவுக்கான அதிக எண்ணிக்கையிலான விண்ணப்பங்களைப் பெற்ற முந்தைய சாதனை பஜாஜ் ஹவுசிங் ஃபைனான்ஸ் நிறுவனத்திடம் இருந்தது. அதன் ஐபிஓவிற்கு சுமார் 90 லட்சம் விண்ணப்பங்களை பெற்றது. அதேபோல், டாடா டெக்னாலஜிஸ் 73 லட்சம் விண்ணப்பங்களைப் பெற்றன. இப்போது இதனை வாரீ எனர்ஜிஸ் முந்தியுள்ளது.

வாரி எனர்ஜிஸ் நிறுவனத்தின் ரூ.4,321 கோடி மதிப்பிலான ஐபிஓ முதலீட்டாளர்களிடமிருந்து அமோக வரவேற்பைப் பெற்றது. இது ரூ.2.41 லட்சம் கோடி மதிப்புள்ள பங்குகள் வாங்கப்பட்டன. நிறுவனப் பிரிவில் 208 மடங்கு வாங்கப்பட்டதால் மொத்தம் 76 மடங்காகவும், நிறுவனம் அல்லாத வகை முதலீட்டாளர்களால் 62 மடங்கும் வாங்கியுள்ளனர்.

கிரே மார்க்கெட்டில் நிறுவனத்தின் பங்குகளுக்கு வலுவான தேவை உள்ளது. இது தற்போதைய கிரே மார்க்கெட் பிரீமியத்தில் வெளியீட்டு விலையை விட சுமார் 97% அதிகமாக உள்ளது. ஐபிஓவின் அதிகபட்ச விலை 1,503 ரூபாய் ஆகும்.

வாரீ எனர்ஜிஸ் அதன் PV மாட்யூல் போர்ட்ஃபோலியோவை லட்சிய உலகளாவிய திட்டங்களுடன் உருவாக்குவதால் அதன் வளர்ச்சியை ஆய்வாளர்கள் எதிபார்த்துள்ளனர். மாட்யூல் தயாரிப்பில் சந்தையில் முன்னணி நிறுவனம். ஒடிசாவில் இங்காட்கள் செதில்கள், சோலார் செல்கள் மற்றும் PV மாட்யூல் 6 ஜிகாவாட் (GW) உற்பத்தி வசதியை அமைப்பது மற்றும் பொது நிறுவன நோக்கங்களை ஆதரிப்பது உள்ளிட்ட முக்கிய முயற்சிகளுக்கு ஐபிஓவிலிருந்து திரட்டப்பட்ட நிதியைப் பயன்படுத்தும் என நிறுவனம் தெரிவித்துள்ளது.

வாரீ எனர்ஜிஸ் இந்தியாவில் சோலார் PV மாட்யூல்களின் மிகப்பெரிய உற்பத்தியாளர் ஆகும். ஜூன் 2024 க்குள் 12 GW இன் மிகப்பெரிய மொத்த நிறுவல் திறன் கொண்டது. FY2024 இல், இந்தியாவில் உள்ள அனைத்து உள்நாட்டு சோலார் PV மாட்யூல் உற்பத்தியாளர்களிடையே இரண்டாவது சிறந்த இயக்க வருவாயை நிறுவனம் பெற்றுள்ளது. அமெரிக்காவில் 3 ஜிகாவாட் உற்பத்தி வசதியை அமைப்பதன் மூலம் அதன் தடத்தை விரிவுபடுத்துகிறது. இது அதன் செயல்பாட்டு திறன்களை மேலும் அதிகப்படுத்தும் என்று கூறியுள்ளது.

Disclaimer: The recommendations made above are by market analysts and are not advised by either the author, nor Greynium Information Technologies or GoodReturns. The author, nor the brokerage firm nor GoodReturns would be liable for any losses caused as a result of decisions based on this write-up. https://tamil.goodreturns.in/ advises viewers to consult with certified experts before making any investment decision.