அமெரிக்க பங்குச் சந்தையில் முதலீடு செய்வதற்கு செலுத்த வேண்டிய கட்டணங்கள் யாவை?

இந்தியாவில் இருந்து அமெரிக்காவில் பங்குகளை வாங்குவது எப்படி என்று முயற்சிக்கும் நீங்கள் அதற்காகத் தெரிந்து கொள்ள வேண்டிய பல்வேறு கட்டணங்கள்.

ரிசர்வ் வங்கியின் தாராளமயமாக்கப்பட்ட பணம் அனுப்பும் திட்டத்தின் (எல்ஆர்எஸ்) கீழ் ரூ. 7 லட்சத்திற்கு மேல் பணம் அனுப்பும் அனைத்துப் பணத்துக்கும் 5% டிசிஎஸ் (வருமான ஆதாரத்தில் வரி வசூலிக்கப்படுகிறது.) இது ரூ.7 லட்சத்துக்கும் மேலான தொகைக்கு பொருந்தும், மொத்தத் தொகைக்கு அல்ல.
வரி செலுத்துவோர் வருமான வரி அறிக்கையை தாக்கல் செய்யும் போது TCS திரும்பப் பெறப்படும்.

கேபிடல் கெயின் மற்றும் டிவிடெண்ட் வரி

அமெரிக்காவில், இந்திய குடிமக்களுக்கு டிவிடெண்ட்க்கு 25% வரி விதிக்கப்படுகிறது. இரட்டை வரி தவிர்ப்பு ஒப்பந்தத்தின் (DTAA) காரணமாக, முதலீட்டாளர் வெளிநாட்டில் செலுத்தப்பட்ட வரிகளுக்கு கிரெடிட்டைக் கோரலாம், இதனால் ஒரே வருமானத்துக்கு இரண்டு முறை வரி செலுத்த வேண்டிய அவசியமில்லை.

அமெரிக்காவில் உங்கள் முதலீடுகளுக்கு கேபிடல் கெய்ன்களுக்கு வரி கிடையாது. ஆனால் இந்தியாவில் கிடைக்கும் கேபிடல் கெய்ன்களுக்கு நீங்கள் வரி செலுத்த வேண்டும்.

வங்கி கட்டணங்கள்-
பெரும்பாலான வங்கிகள் அந்நியச் செலாவணி மாற்றக் கட்டணம் மற்றும் பரிமாற்றக் கட்டணங்களை வசூலிக்கின்றன. ஒரு முறை அக்கவுன்ட் செட்டப் கட்டணமும் விதிக்கப்படலாம்.

புரோக்கரேஜ் கட்டணம்-
பங்குகளை வாங்குவதற்கும் விற்பதற்கும் தரகு நிறுவனங்கள் கட்டணம் வசூலிக்கின்றன.

அந்நிய செலாவணி விகிதம்-
அந்நிய செலாவணி விகிதமானது வாங்கும் போது அல்லது திரும்பப் பெறும்போது செலவுகள் மற்றும் ஒதுக்கப்பட்ட யூனிட்களின் எண்ணிக்கையை பாதிக்கலாம்.

இந்தியாவில் இருந்து அமெரிக்க பங்குகளில் ஏன் முதலீடு செய்ய வேண்டும்?
இந்தியாவில் இருந்து அமெரிக்க பங்குச் சந்தையில் முதலீடு செய்வது எப்படி என்பதை ஏற்கனவே தெரிந்து கொண்டிருப்பீர்கள்.
இப்போது நீங்கள் இந்தியாவில் இருந்து அமெரிக்காவில் முதலீடு

செய்வது பற்றி ஆராய வேண்டிய சில காரணங்கள்:
வரலாற்று ரீதியாக, அமெரிக்க பங்குச் சந்தை குறியீடுகள் இந்திய பங்குச் சந்தை குறியீடுகளை விட ஸ்திரத்தன்மையுடனேயே இருக்கின்றன. பெரும்பாலான மெகா குளோபல் கார்ப்பரேட்கள் அமெரிக்காவில் தலைமையிடமாகக் கொண்டுள்ளன. இது உங்களுக்கு மிகவும் பன்முகப்படுத்தப்பட்ட முதலீட்டு வழியை வழங்குகிறது.

கடந்த பத்தாண்டுகளில் இந்தியப் பங்குச் சந்தையை அமெரிக்கப் பங்குச் சந்தை முந்திச் சென்றுள்ளது. உலகளாவிய கண்டுபிடிப்புகளின் மையமாக அமெரிக்கா இருப்பதால், அதன் ஆரம்ப கட்டங்களில் நீங்கள் நம்பிக்கைக்குரிய ஒரு நிறுவனத்தில் முதலீடு செய்யலாம்.

இந்த முக்கியமான விஷயங்களை கவனிக்கவும்:
முதலில் அமெரிக்க சந்தை மற்றும் பொருளாதாரத்தை ஆய்வு செய்து தகவலறிந்த முடிவுகளை எடுக்க உங்களுக்கு நேரமும் நிபுணத்துவமும் இருந்தால் வெளிநாட்டு வர்த்தகக் கணக்கைத் திறக்கவும். உள்நாட்டு முதலீடுகளுடன் ஒப்பிடும்போது சர்வதேச முதலீடு அதிக கட்டணத்தை ஈர்க்கிறது. கணக்குக் கட்டணங்கள், தரகு, நாணய மாற்றுக் கட்டணங்கள் போன்றவற்றை கணக்கிடுங்கள். அனைத்துக் கட்டணங்களையும் நீங்கள் நன்கு புரிந்துகொண்டுள்ளீர்களா என்பதை உறுதிப்படுத்திக் கொள்ளுங்கள்.

அமெரிக்க சந்தையில் வர்த்தகம் செய்வதை விட முதலீடு செலவு குறைந்ததாகும். ஏனென்றால், அதிகக் கட்டணங்கள் வணிகர்கள் வழக்கமாகச் செய்யும் மார்ஜினல் லாபத்தை கபளிகரம் செய்து விடும். நீண்ட கால முதலீடுகள், கட்டணங்களுக்குப் பிறகும் நியாயமான வருமானத்தைப் பெற்றுத்தரும்.

அமெரிக்க மற்றும் இந்திய வரிவிதிப்புச் சட்டங்களுக்கு ஏற்றபடி பொருந்தக்கூடிய வரிகளைக் கவனியுங்கள். சிறிய அளவில் தொடங்கி, அமெரிக்கச் சந்தைகளைப் பற்றிய புரிதலைப் பெறும்போது உங்கள் முதலீட்டை அதிகரிக்கவும்.

நம் விரல் நுனியில் உள்ள தகவல்களுடன், பங்குகளை ஆய்வு செய்வது மற்றும் பகுப்பாய்வு செய்வது முன்பை விட எளிமையானது. இருப்பினும், சர்வதேச பங்கு முதலீட்டில் சில நன்மைகள் மற்றும் தீமைகள் உள்ளன என்பதை நினைவில் கொள்ளுங்கள். நீங்கள் அனைத்து அம்சங்களையும் கருத்தில் கொண்டு உங்கள் நிதி இலக்குகள் மற்றும் இடர்பாடுகளை சமாளிக்கும் திறனுக்கு ஏற்ப முதலீடு செய்வதை எப்போதும் உறுதிப்படுத்திக் கொள்ளுங்கள்.