மகாபிரபு இங்கயும் வந்துட்டீங்களா? 10 நிமிடத்தில் உங்கள் வீட்டுக்கே வரும் மளிகைபொருள்கள்.. OLA அதிரடி

உலகில் தற்போது விஞ்ஞானம் அதிகம் வளர்ந்துவிட்ட நிலையில், அனைத்தும் எளிதாகி விட்டது. எது வேண்டும் என்றாலும் அனைத்தும் நம் கையில் உட்கார்ந்த இடத்திலிருந்தே பெற முடியும். இதற்காக நாம் கடைக்கோ, வெளியோ செல்ல வேண்டியது இல்லை. எனவேதான் நாம் ஸ்பீட் ஆக அனைத்திலும் இருக்க வேண்டும் என நினைக்கிறோம். இதை புரிந்துகொண்ட நிறுவனங்கள் ஆளாளுக்கு 10 நிமிட டெலிவரி, 15 நிமிட டெலிவரி என புதிய செயலிகளை வெளியிட்டு சேவைகளை வழங்கி வருமானம் ஈட்டி வருகின்றன.

எந்த பொருள் வேண்டுமானாலும் வாங்கலாம் வீட்டிலிருந்தபடியே, எனவேதான் மக்களை டார்கெட் செய்து முண்ணனி இகாமர்ஸ் நிறுவனங்கள் நாங்கள் உங்கள் வீட்டிற்கே 10 நிமிடத்தில் டெலிவரி செய்கிறோம் நீங்கள் எங்கள் ஆப் மட்டும் டவுன்லோடு செய்து ஆர்டர் செய்யுங்கள் என்று ஆஃபர்களை அள்ளிவிடுகின்றன. இவைகள் ஒருபுறம் இருக்க டாக்ஸி நிறுவனமான Ola-வும் இப்போது இந்த 10 நிமிட டெலிவரியில் இணைந்துள்ளது.

ஓலா நிறுவனம் 10 நிமிடத்தில் மளிகை பொருட்களை வீட்டிற்கே டெலிவரி செய்வதாக அறிவித்துள்ளது. இதன் டெலிவரி சேவையானது இப்போது இந்தியா முழுவதும் இயங்குகிறது. அன்றாட அத்தியாவசியப் பொருட்கள் மற்றும் மளிகைப் பொருட்களை உங்கள் வீட்டு வாசலில் வெறும் 10 நிமிடங்களில் டெலிவரி செய்வதாக உறுதியளித்துள்ளது.

ஓலா கேப்ஸ் சேவை இப்போது நாடு முழுவதும் பரவி உள்ளது என்றும், பயனர்கள் வெறும் 10 நிமிடங்களில் டெலிவரிகளைப் பெற முடியும் என்றும் நிறுவனம் தெரிவித்துள்ளது. அதேபோல், ஓலா மளிகைப் பொருட்களிலிருந்து ஆர்டர் செய்யும் நபர்கள் தங்கள் ஆர்டர்களில் 30% வரை தள்ளுபடியைப் பெறலாம் என்றும், மேலும் இலவச டெலிவரிகளும் கிடைக்கும் என்று தெரிவித்துள்ளது. அதேபோல், விரைவு டெலிவரி தவிர்த்து எதிர்கால ஆர்டர்களுக்கு டெலிவரிகளை திட்டமிடுவதற்கான விருப்பத்தை கொடுத்துள்ளதாக அறிவித்துள்ளது.

பான் இந்தியா வெளியீடு பற்றிய அதிகாரப்பூர்வ அறிவிப்பு இருந்தபோதிலும், இந்தச் சேவை தற்போது எல்லா இடங்களிலும் கிடைப்பதாக தெரியவில்லை. மும்பையில் சோதனை ஓட்டம் நடைபெற்று வருகிறது. அதேசமயம் பெங்களூரு பகுதிகளில் நேரலையில் உள்ளது.

விரைவு வர்த்தகம் இந்தியாவில் மிகவும் அதிகரித்த சந்தைகளில் ஒன்றாக மாறியுள்ளது. மோதிலால் ஓஸ்வால் அறிக்கையின்படி, தற்போது 46% சந்தைப் பங்குடன் பிளிங்கிட் ஆதிக்கம் செலுத்துகிறது. அதைத் தொடர்ந்து ஜெப்டோ 29% சந்தைப் பங்கையும், ஸ்விக்கி இன்ஸ்டாமார்ட் 25% சந்தைப் பங்கையும் கொண்டுள்ளது.

இந்தியாவின் விரைவான வர்த்தகம் மற்றும் தொழில் வளர்ச்சிக்கு சாதகமான சூழ்நிலைகள் போன்றவற்றின் மீது அதிக நம்பிக்கை வைத்திருப்பதால், இ-காமர்ஸ் நிறுவனங்களும் களத்தில் சேர வேண்டிய கட்டாயத்தில் உள்ளன. சமீபத்திய ஃபிளிப்கார்ட் மினிட்ஸ் உலகளாவிய இ-காமர்ஸ் நிறுவனமான அமேசான் இந்தியாவில் Tez எனப்படும் தனது சொந்த விரைவான வர்த்தக சேவையைத் தொடங்க திட்டமிட்டுள்ளது. இது டிசம்பர் 2024 இன் பிற்பகுதியில் அல்லது 2025 இன் தொடக்கத்தில் தொடங்கப்படும் என்று எதிர்பார்க்கப்படுகிறது