ஓரே வாரத்தில் 18 நிறுவனங்கள் ஐபிஓ.. 4000 கோடி முதலீட்டு வாய்ப்பு.. முதலீட்டாளர்களே உஷார்..!!

திங்கட்கிழமை துவங்கி இந்த வார முடிவிற்குள் சுமார் 18 நிறுவனங்கள் இந்திய பங்குச்சந்தையில் ஐபிஓ வெளியிட்டு சுமார் 4000 கோடி ரூபாய் வரையிலான தொகையை முதலீடாக திரட்ட உள்ளது. நீண்ட காலத்திற்கு பின்பு இந்திய பங்குச்சந்தையில் ஐபிஓ சீசன் துவங்கியுள்ளது, அன்னிய முதலீடுகள் தொடர்ந்து வெளியேறி வரும் வேளையில், இந்த 18 ஐபிஓ முக்கிய உந்து சக்தியாக இருக்கும்.

ஏற்கனவே 5 ஐபிஓக்கள் முதலீட்டுக்கு திறந்த நிலையில் இருக்கும் வேளையில் திங்கட்கிழமை முதல் சுமார் 18 நிறுவனங்கள் ஐபிஓ வெளியிட முடிவு செய்துள்ளது. இந்த 18 நிறுவன ஐபிஓ-வில் 4 முக்கிய ஐபிஓ-க்கள் உள்ளது. அனைத்து முதலீட்டாளர்களுக்கும் இந்த 4 நிறுவன்களும் தான் முக்கிய டார்கெட் ஆக உள்ளது.

இந்தியாவின் முன்னணி வர்த்தக சாம்ராஜ்ஜியங்களில் ஒன்றான JSW குரூப் 2010-க்கு பின்பு முதல் முறையாக துறைமுகம் சார்ந்த JSW Infrastructure நிறுவனத்தின் ஐபிஓ நேற்று துவங்கியது. சுமார் 113- 119 ரூபாய் விலையில் 2800 கோடி ரூபாயை முதலீடாக திரட்ட உள்ளது.

பெசிலிட்டி மேனேஜ்மென்ட் சேவை நிறுவனமான Updater Services நிறுவனம் 640 கோடி ரூபாய் முதலீட்டை, 280 - 300 கோடி ரூபாய் பங்கு விலையில் முதலீட்டை திரட்ட உள்ளது. செப்டம்பர் 27 ஆம் தேதி பார்மா நிறுவனமான Valiant Laboratories 133-140 ரூபாய் விலையில் சுமார் 152.60 கோடி ரூபாய் முதலீட்டை திரட்ட ஐபிஓ வெளியிட உள்ளது.

டெல்லியை சேர்ந்த plaza Wires செப்டம்பர் 29 ஆம் தேதி 51-54 ரூபாய் விலையில் 71.28 கோடி ரூபாய் முதலீட்டை திரட்டும் இலக்கில் ஐபிஓ வெளியிட உள்ளது. Vaibhav Jewellers -ன் தாய் நிறுவனமான மனோஜ் வைபவா ஜெம்ஸ் இன்று 270 கோடி ரூபாய் முதலீட்டை திரட்ட 204-215 ரூபாய் விலையில் ஐபிஓ வெளியிட உள்ளது.

SME பிரிவில் rabian Petroleum, Newjaisa Technologies, Inspire Films, Saakshi Medtech and Panels, Digikore Studios என 12 ஐபிஓ-க்கள் சுமார் 431 கோடி ரூபாய் முதலீட்டை திரட்ட உள்ளது. இந்த நிறுவனங்களின் ஐபிஓ திங்கட்கிழமை துவங்கிய நிலையில் புதன்கிழமை முடிய உள்ளது.

இதோடு சுனிதா டூல்ஸ் 22.04 கோடி ரூபாய்க்கும், சிட்டி கார்ப் அக்ரோ 15 கோடி ரூபாய்க்கும், Kontor Space நிறுவனம் 15.62 கோடி ரூபாய்க்கும் ஐபிஓ வெளியிட உள்ளது. மேலும் கோயல் சால்ட் E Factor Experiences, Vinyas Innovative Technologies, Canarys Automations, Vishnusurya Projects and Infra, Karnika Industries ஆகியவையும் சிறிய தொகைக்கு ஐபிஓ வெளியிட உள்ளது.