மாதம் $10,000 சம்பாதிக்கும் 19 வயது இளைஞர்.. அப்படி என்ன வேலை பார்க்கிறார்?

இன்றைய இளைஞர்கள் பள்ளி மற்றும் கல்லூரிகளில் படிக்கும் போதே வேலை செய்கிறார்கள் என்பதை பார்த்து வருகிறோம்.

அந்தவகையில் 19 வயது இளைஞர் ஒருவர் படித்து கொண்டிருக்கும்போதே மாதம் $10,000 சம்பாதிக்கின்றார் என்ற தகவல் பெரும் ஆச்சரியத்தை ஏற்படுத்தி உள்ளது.

அந்த இளைஞர் யார்? என்ன வேலை செய்கிறார்? என்பது குறித்து தற்போது பார்ப்போம்.

19 வயது இளைஞர்

இளைஞர்களுக்கு தற்போது சம்பாதிக்கும் ஆர்வம் அதிகரித்துள்ளது என்பதும், பள்ளி கல்லூரிகளில் படிக்கும் போதே சம்பாதிக்க தொடங்கி விடுகிறார்கள் என்பதும் குறிப்பிடத்தக்கது. அந்த வகையில் 19 வயது இளைஞர் ஒருவர் பொறுப்புடன் படித்துக் கொண்டே வேலை செய்து வருகிறார் என்றும் அவரது மாத வருமானம் $10,000 என்பது பெரும் ஆச்சரியத்தை ஏற்படுத்தியுள்ளது.

மாதம் $10,000

நியூயார்க்கை சேர்ந்த அராஷ் லஹிஜானி என்பவர் தற்போது படித்து கொண்டிருக்கும் ஒரு மாணவராக உள்ளார். ஓய்வு நேரங்களில் வீடியோ கேம் கேரக்டருக்கு பின்னணி கதை எழுதும் வேலை பார்ப்பதன் மூலம் மாதம் $10,000 சம்பாதிக்கிறார் என்பது பெரும் ஆச்சரியத்தை ஏற்படுத்தி உள்ளது.

வீடியோ கேம் கேரக்டர்கள்

ஃப்ரீலான்ஸ் மூலம் வேலை செய்யும் அவர் இந்த வேலையை தற்செயலாக தனது நண்பரிடம் இருந்து தெரிந்து கொண்டதாகவும், அதன் பின்னர் இந்த பணியை கடந்த சில மாதங்களாக செய்து வருவதாகவும் அவர் தெரிவித்துள்ளார். கடந்த 2021 ஆம் ஆண்டு ஏப்ரல் மாதம் முதல் தான் இந்த பணியை செய்து வருவதாகவும் இதுவரை 400க்கும் மேற்பட்ட வீடியோ கேம் கேரக்டர்களுக்கு பின்னணி கதையை எழுதி உள்ளதாகவும் இதுவரை $62,400 தான் சம்பாதித்து உள்ளதாகவும் அவர் தெரிவித்துள்ளார்.

கதை எழுதுதல்

வீடியோ கேம் கேரக்டர்களுக்கு கதை எழுதுதல் மூலம் இவ்வளவு பெரிய தொகையை சம்பாதிக்க முடியும் என்று தனக்கு தெரியாது என்றும், நான் பள்ளியில் படிக்கும் போது தற்செயலாக இந்த பணியை தான் தெரிந்து கொண்ட பின்னர் அதை தொடர்ந்து செய்து வருவதாகவும் அவர் தெரிவித்துள்ளார்.

ரசிகர்கள்

15 வயது குழந்தைகள் முதல் 50 வயது முதியவர்கள் வரை தனது கதையை ரசிக்கும் ரசிகர்கள் உள்ளனர் என்றும் தனது கதை அனைவராலும் ரசிக்கப்படுவது தனக்கு மிகவும் மகிழ்ச்சியாக இருக்கிறது என்றும் அவர் தெரிவித்துள்ளார். ஒரு வீடியோ கேரக்டர் பின்னணி கதையை எழுதுவதற்கு ஒரு வாரம் வரை எடுக்கும் என்றும் பள்ளி முடித்து விட்டு வீட்டிற்கு வந்தவுடன் எழுதுவேன் என்றும் வார இறுதி நாட்களிலும் எழுதுவேன் என்றும் அவர் தெரிவித்துள்ளார்.