தமிழகத்தில் வறட்சி: மிளகாய் வத்தல் விலை குவிண்டாலுக்கு ரூ.1,000 உயரும்

Subscribe to GoodReturns Tamil
For Quick Alerts
ALLOW NOTIFICATIONS  
For Daily Alerts

    தமிழகத்தில் வறட்சி: மிளகாய் வத்தல் விலை குவிண்டாலுக்கு ரூ.1,000 உயரும்
    சங்கரன்கோவில்: தமிழகத்தில் நிலவும் வறட்சி காரணமாக மிளகாய் வத்தல் விலை குவிண்டாலுக்கு ஆயிரம் ரூபாய் வரை உயரும் என்று கூறப்படுகிறது.

     

    தமிழகத்தில் கடந்த ஆண்டு பருவ மழை சரிவர பெய்யாததால் கடும் வறட்சி நிலவுகிறது. மாநிலம் முழுவதும் உள்ள பாசன குளங்களில் தண்ணீர் இல்லாத நிலை ஏற்பட்டுள்ளது. இதனால் விவசாயம் கடுமையாக பாதிக்கப்பட்டுள்ளது. வறட்சி காரணமாக விவசாயிகள் தற்கொலை செய்து கொள்ளும் நிலையும் ஏற்பட்டுள்ளது. இந்நிலையில் தமிழகத்தில் நிலவும் வறட்சி காரணமாக மிளகாய் வத்தல் விலை குவிண்டாலுக்கு ஆயிரம் ரூபாய் வரை விலை உயரும் என்று கூறப்படுகிறது.

    தமிழத்தில் உள்ள புகழ்பெற்ற வத்தல் மார்க்கெட்டுகளில் சங்கரன்கோவிலும் ஒன்று. வறட்சி காரணமாக சங்கரன்கோவில் மார்க்கெட்டிற்கு வத்தல் வரத்து இல்லாத நிலை ஏற்பட்டு இருக்கிறது. வரும் மாசி மாதம் முதல் மார்க்கெட்டிற்கு வத்தல் வரத்து இருக்கும் என்று எதிர்பார்க்கப்படுகிறது. ஆந்திரா மாநிலத்தில் இருந்து தொடர்ந்து வத்தல் வந்து கொண்டிருக்கிறது. கடந்த வாரம் சங்கரன்கோவில் மார்க்கெட்டில் ஒரு குவிண்டால் வத்தல் ரூ.5,200ல் இருந்து ரூ. 5, 600 வரை விற்பனை செய்யப்பட்டது.

    தற்போது தமிழக வத்தல் வரத்து இல்லாததால் மிளகாய் வத்தல் விலை உயர்ந்துள்ளது. இதனால் நடப்பு வாரம் ஒரு குவிண்டால் வத்தல் ரூ. 5,500ல் இருந்து ரூ. 6,300 வரை விற்பனை செய்யப்படுகிறது. மேலும் தமிழகத்தில் ஏற்பட்டுள்ள வறட்சி காரணமாக தமிழக வத்தல் உற்பத்தியில் 80 சதவீதம் பாதிக்கப்பட்டுள்ளதாக கூறப்படுகிறது. இதனால் 20 சதவீதம் உற்பத்தி மிளகாய் வத்தல் மட்டுமே மார்க்கெட்டிற்கு வரும் என்று கூறப்படுகிறது. அதே நேரத்தில் வத்தலுக்கு தட்டுப்பாடு இல்லாத அளவில் ஆந்திரா மாநில வத்தல் தமிழகத்திற்கு வந்து கொண்டிருக்கும் என்றும், ஆனால் மிளகாய் வத்தல் விலை குவிண்டாலுக்கு ஆயிரம் ரூபாய் வரை உயரக்கூடும் என்று வியாபாரிகள் கூறுகின்றனர்.

    தமிழ் குட்ரிட்டன்ஸ் செய்திகளை உடனுக்குடன் படிக்க

    English summary

    Monsoon failure: Red chilli's to cost more | தமிழகத்தில் வறட்சி: மிளகாய் வத்தல் விலை குவிண்டாலுக்கு ரூ.1,000 உயரும்

    Due to monsoon failure in TN, red chilli production has decreased to a large extent. So, red chilli prices are expected to increase by Rs. 1,000 per quintal.
    Story first published: Tuesday, January 29, 2013, 17:08 [IST]
    Company Search
    Enter the first few characters of the company's name or the NSE symbol or BSE code and click 'Go'
    Thousands of Goodreturn readers receive our evening newsletter.
    Have you subscribed?

    Find IFSC

    Get Latest News alerts from Tamil Goodreturns

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more