இந்தியாவிலிருந்து மென்மொருள்களை அதிகம் ஏற்றுமதி செய்வதில் முன்னனியில் இருக்கும் நிறுவனங்களில் இன்போசிஸ் நிறுவனமும் ஒன்று. இந்த நிறுவனத்தில் வேலை செய்வதற்கு பல இந்திய இளைஞர்கள் ஆசைப்படுவர். தற்போது தனது நிறுவனத்தில் வேலை செய்யும் ஊழியர்களுக்கு வரும் ஜூன் 1 முதல் புதிய சம்பள் விதிமுறையை இன்போசிஸ் அமல்படுத்த இருக்கிறது. இதன் மூலம் உழியர்களுக்கு வழங்கப்படும் சம்பளத்தில் இருக்கும் அதிகபட்ச வேறுபாடுகளையும், மேலும் அதில் இருக்கும் உறுதியற்ற நிலைகளையும் சரி செய்ய முடியும் என்று இன்போசிஸ் நம்புகிறது.

இது தொடர்பாக இன்போசிஸ் நிறுவனத்தின் பத்திரிக்கைத் தொடர்பாளர் ஊடகங்களுக்கு அளித்த அறிக்கையில், "எங்களது ஊழியர்கள், தங்களது சம்பளத்தில் உறுதியற்ற நிலை இருக்கிறது என்றும், சம்பளத்தில் வேறுபாடுகள் அதிகம் இருக்கிறது என்றும் நீண்ட காலமாக கூறி வருகின்றனர். அவர்களின் கூற்றைக் கவனத்தில் கொண்டு இந்த குறைபாடுகளை எளிமையான சம்பள விதிமுறையை அமல்படுத்த இருக்கிறோம்" என்று தெரிவித்திருக்கிறார்.

இந்த ஆண்டுக்கான சம்பள உயர்வை இன்னும் இன்போசிஸ் அறிவிக்கவில்லை. இந்த நிலையில் இன்போசிஸ் நிறுவனத்தின் தலைமை இயக்குனர் எஸ்டி சிபுலால் இந்த புதிய சம்பள விதிமுறையைப் பற்றி அறிவித்திருக்கிறார்.

மேலும் அவர் கூறும் போது "உழியர்களுக்கு சம்பளம் வழங்கும் போது நாங்கள் எப்போதுமே புதுமைகளைப் புகுத்துவோம். கடந்த வருடம் பொருளாதார நிலை மிகவும் மந்தமாக இருந்தாலும், எங்கள் ஊழியர்களுக்கு கணிசமான அளவில் சம்பள உயர்வு அளித்தோம். புதிய சம்பள விதிமுறை, சம்பளத்தில் உள்ள வேறுபாடு மற்றும் உறுதியற்ற தன்மை போன்றவற்றைக் களையும் சரி செய்யும்" என்று தெரிவித்திருக்கிறார்.