இந்திய வங்கிகளின் லாக்கர் கட்டணங்கள்

By Super
Subscribe to GoodReturns Tamil
For Quick Alerts
ALLOW NOTIFICATIONS  
For Daily Alerts

    இந்திய வங்கிகளின் லாக்கர் கட்டணங்கள்
    இந்தியாவில், வங்கி லாக்கருக்கான கட்டணங்கள், ஒரு வங்கியிலிருந்து மற்றொன்றுக்கும் மாறுபடும், எந்தப் பகுதியில் அமைந்துள்ள வங்கியிலிருக்கும் லாக்கரை இயக்க ஒருவர் தலைப்படுகிறார் என்பதைப் பொறுத்தும் வேறுபடுகின்றன. உதாரணமாக, நகர்ப்புறங்களில் அமைந்துள்ள வங்கி லாக்கர்களுக்கான கட்டணங்கள், புறநகர் பகுதிகளுக்கான கட்டணங்களுடன் ஒப்பிடுகையில் அதிகமாகக் காணப்படுகின்றன.

     

    வங்கி லாக்கரின் அளவைப் பொறுத்தும் கட்டணங்கள் வேறுபடுகின்றன. இன்றைய தேதியில், பல்வேறு காரணிகளையும் சார்ந்திருக்கும் பாங்க் லாக்கர் கட்டணங்களை இவ்வளவு தான் என்று உறுதியிட்டுச் சொல்வதென்பது மிகக் கடினமான ஒன்றாகும். உதாரணமாக, அதிக அளவிலான டெபாசிட்களை வைத்திருப்பதனால் சிறப்புரிமை பெற்றுள்ள ஒரு வாடிக்கையாளர், மற்றவர்களைக் காட்டிலும், கட்டணங்களில் தனிச்சலுகை பெறுவதற்கான வாய்ப்பளிக்கப்படுகிறது.

    பொதுவாக தனியார் மற்றும் அயல்நாட்டு வங்கிகளுடன் ஒப்பிடுகையில் அரசுடமை வங்கிகளில் லாக்கர் கட்டணங்கள் குறைவாகவே காணப்படுகின்றன. ஆயினும், இங்கும் லாக்கர்களின் இருப்பு போன்றவற்றைப் பொறுத்தே பல விஷயங்களும் நிர்ணயிக்கப்படுகின்றன என்பதை நினைவில் கொள்ள வேண்டும்.

    மேலும், ஒவ்வொரு வங்கியிலும் வெவ்வேறான விதிமுறைகள் கடைபிடிக்கப்படுகின்றன. உதாரணமாக, பாங்க் ஆஃப் பரோடாவில் லாக்கரை வாடகைக்கு எடுக்கும்போது வங்கியின் பாத்தியதைக்குட்பட்டவாறு 3 வருட வாடகைத்தொகையை உள்ளடக்கிய ஒரு தொகை ஃபிக்ஸட் டெபாசிட்டாகவும், ஏதேனும் அசம்பாவிதங்கள் நேர்ந்து, லாக்கரை உடைக்க நேர்ந்தால் அதற்கென ஒரு தொகையும் வசூலிக்கப்படுகிறது.

    இதர அரசுடமை வங்கிகளான கார்ப்பரேஷன் வங்கி ஆகியவற்றில் இது போன்ற டெபாசிட்கள் தேவைப்படுவதில்லை. ஆனால், கார்ப்பரேஷன் வங்கியில் கட்டணங்கள் மிக உயர்வாக இருக்கும் என்பதையும் மறக்கக் கூடாது.

    வங்கி லாக்கரை எவ்வாறு தேர்ந்தெடுப்பது?
    கட்டணங்கள் தவிர்த்து, மிக முக்கியமாக கவனத்தில் கொள்ள வேண்டியது வங்கி விதிமுறைகளையே. சில வங்கிகள், தங்கள் வாடிக்கையாளர்கள் வலுவான காரணம் ஏதுமின்றி தொடர்ந்து மூன்று வருடங்களுக்கு லாக்கர்களை இயக்காமல் இருக்கும் பட்சத்தில், லாக்கர்களை திருப்பி ஒப்படைக்குமாறு அவர்களை கேட்டுக் கொள்கின்றன.

    விதிமுறைகளுக்குப் பின் எளிதாக அணுகக்கூடிய தன்மையைப் பார்த்தல் அவசியம். உங்களுக்கு அடிக்கடி லாக்கரை திறக்கும் அவசியம் இருப்பின், உங்கள் இருப்பிடத்திற்கு அருகில் உள்ள வங்கியில் லாக்கரை வைத்திருப்பதே சிறந்ததாகும். தற்போது ஐடிபிஐ வங்கி மற்றும் ஸ்டாண்டர்டு சார்ட்டட் வங்கி போன்ற பல வங்கிகளில், 24x7 நேரமும் லாக்கரை இயக்கக்கூடிய வசதி உள்ளது.

    மொத்தத்தில், தேவைகளையும், விதிக்கப்படும் கட்டணங்களையும் கருத்தில் கொண்டு லாக்கரைத் தேர்வு செய்தல் நலம்.

    தமிழ் குட்ரிட்டன்ஸ் செய்திகளை உடனுக்குடன் படிக்க

    English summary

    A quick look at bank locker charges in India

    Bank locker charges in India vary from bank to bank and from the area where one wants to operate a locker. For example, the charges for a bank locker in the urban areas is higher when compared to a semi-urban area.
    Company Search
    Enter the first few characters of the company's name or the NSE symbol or BSE code and click 'Go'
    Thousands of Goodreturn readers receive our evening newsletter.
    Have you subscribed?

    Find IFSC

    Get Latest News alerts from Tamil Goodreturns

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more