இதுநாள் வரை வழங்கப்பட்டு வந்த வரி இல்லா பத்திரங்களில், ஹட்கோ வரி இல்லா பத்திரங்கள் தான் மிகவும் சிறப்பு வாய்ந்தவை. இதற்கு காரணம் என்னவெனில், அதிகமான வரி அடைப்புக்குள் இருப்போரை வெகுவாக ஈர்க்கக்கூடியவாறு அமைந்துள்ள இதன் கூப்பன் ரேட்களே ஆகும்.

சுமார் 10 லட்சம் வரையிலான பத்திரங்களுக்கு ஆவண செய்துள்ள சில்லறை முதலீட்டாளர்களுக்கு, கூப்பன் ரேட் ஆண்டுக்கு 8.39 சதவீதம் என்ற வீதத்தில் 10 ஆண்டுகளுக்கும், 8.76 சதவீதம் என்ற வீதத்தில் 15 ஆண்டுகளுக்கும், 8.74 சதவீதம் என்ற வீதத்தில் 20 ஆண்டுகளுக்கும் வழங்கப்படுகின்றது.

இந்த விகிதங்கள், சமீபத்தில் ஆர்இசி அதன் வரி இல்லா பத்திரங்களுக்கு வழங்கிய விகிதங்களைக் காட்டிலும் அதிகமாகும். உதாரணமாக, தனிநபர் ஒருவர் 10% வரி அடைப்புக்குள் இருக்கிறார் என்று வைத்துக் கொள்வோம். அவர் சுமார் 8.76% கூப்பன் ரேட்டுடன் கூடிய 15 வருட பத்திரங்களுக்கு சப்ஸ்கிரைப் செய்கிறார் என்று வைத்துக் கொண்டால், வரி விதிப்புக்கு முந்தையதான அதன் ஈட்டம் சுமார் 9.63% ஆக இருக்கும். இது வங்கிகள் வழங்கும் ஃபிக்ஸட் டெபாசிட்களைக் காட்டிலும் சிறப்பானதாகும். அதே போல், 20 வருட வரி அடைப்புக்குள் இருப்போர்க்கு வரிவிதிப்புக்கு முந்தைய ஈட்டமானது 10.51% ஆகவும், அதுவே 20% வரி அடைப்புக்குள் இருப்போர்க்கு சுமார் 11.33% ஆகவும் இருக்கும்.

இவை அனைத்தும் வரி செலுத்தும் நபர்களுக்கு மிகச் சிறப்பான ரிட்டர்ன்களை அள்ளிக் கொடுக்கக்கூடியவையாகும். வரிக்கான வாயில் வரம்பான 2 லட்ச ரூபாயை எட்டாதோர் இந்த பாண்ட்களை தவிர்ப்பதே நல்லது.

இதர தகவல்கள்

அரசு சார்ந்த என்டிட்டியான ஹட்கோவின் பத்திரங்கள் அதீத பாதுகாப்புடன் கூடியவையாகும். இதன் விநியோகம் செப்டம்பர் 17 முதல் அக்டோபர் 14 வரை திறந்து வைக்கப்பட்டிருக்கும். நிறுவனங்கள் மற்றும் அதிக நிகர மதிப்பைக் கொண்டுள்ள தனிநபர்கள் ஆகியோர்க்கு மேற்கூறியவற்றைக் காட்டிலும் 0.25% அளவிலான குறைவான வட்டி விகிதங்கள் வழங்கப்படுகின்றன.

ஹட்கோ, வரி இல்லா பத்திரங்களை பொது விநியோகம் செய்வதன் மூலம் சுமார் 4,809 கோடி ரூபாய் வரை ஈட்டுவதற்கு திட்டமிட்டு வருகிறது. சுமார் 750 கோடி ரூபாயாக நிர்ணயிக்கப்பட்டுள்ள இந்த பத்திரங்களின் விநியோக அளவு, சுமார் 4,809 கோடி ரூபாய் வரையிலான இருப்பைக் கொண்டிருக்கும் ஆப்ஷனுடன் காணப்படுகிறது.

நிதி அமைச்சகம், 2014ஆம் நிதியாண்டில் பத்திரங்கள் மூலம் 5,000 கோடி ரூபாய் வரை ஈட்டுவதற்கு ஹட்கோவிற்கு அனுமதி வழங்கியுள்ளது. இதில் சுமார் 190.8 கோடி ரூபாய், நிறுவன முதலீட்டாளர்களுக்கான தனியார் பணியமர்த்தம் மூலம் கடந்த மாதம் ஈட்டப்பட்டுள்ளது.