பன்நாட்டு நிறுவனங்கள்

கடந்த ஆண்டுடன் ஒப்பிடுகையில், இந்த ஆண்டில் வெளிநாடுகளில் வேலை செய்ய உள்ள மாணவர்களுக்கு உயர்ந்தபட்சமாக ஊதியத்தொகை 1,50,000 டாலரிலிருந்து 2,10,000 டாலராக உயந்துள்ளது.

உள்நாட்டு நிறுவனங்கள்

உள்நாட்டில் வழங்கப்படும் உயர்ந்தபட்ச ஊதியத்தொகை கிட்டத்தட்ட 70 சதவிகிதம் உயந்துள்ளது, அதாவது கடந்த வருடம், ஆண்டுக்கு ரூ.28.8 லட்சம் வழங்கப்பட்டது, இந்த ஆண்டு இது ரூ.48.6 லட்சமாக உயர்ந்துள்ளது என சென்னை ஐஐடியின் துணை பதிவாளர்(மாணவர் சேர்ப்பு மற்றும் வேலைவாய்ப்பு), ஓய்வுபெற்ற லெப்டினல் கேணல் ஜெயக்குமார் தெரிவித்துள்ளார்.

நிறுவனத்தின் கொள்கை

கேம்பஸ் இன்டர்வியூவில் தேர்ச்சி பெற்ற மாணவர்கள் பற்றி அவரிடம் கேட்டபோது, "நிறுவனத்தின் கொள்கையின் படி வேலைவாய்ப்பு வழங்கிய நிறுவனத்தின் பெயரையோ அல்லது தேர்வுசெய்யப்பட்ட மாணவரின் பெயரையோ வெளியிட முடியாது" என அவர் கூறினார்.

83 மாணவர்களுக்கு வேலைவாய்ப்பு

சாம்சங் எலக்ட்ரோனிக்ஸ், எபிக், மைக்ரோசாப்ட் இந்தியா ஆர்&டி, ஆறக்கல் மற்றும் கூகுள் ஆகியவவை கேம்பஸ் ஆட்சேர்ப்புக்கு வந்திருந்த நிறுவனங்களாகும், இதில் 83 மாணவர்களுக்கு வேலைவாய்ப்புகள் வழங்கப்பட்டுள்ளன என ஜெயக்குமார் கூறினார்.

பதிவு செய்யப்பட்ட மாணவர்கள்

கடந்த ஆண்டில் கேம்பஸ் ஆட்சேர்ப்புக்கு வந்திருந்த நிறுவனங்கள் 22 ஆகும், நாள் முடிவின் போது 95 வேலைவாய்ப்புகள் வழங்கப்பட்டன. கடந்த ஆண்டில் 1,282 மாணவர்கள கேம்பஸ் ஆட்சேர்ப்பில் பதிவுசெய்யப்பட்டனர், இந்த ஆண்டில் ஆட்சேர்ப்பு தேதி வரை 1,366 மாணவர்கள் பதிவுசெய்யப்பட்டிருந்தனர்.

265 நிறுவனங்கள்

கடந்த ஆண்டில் பதிவுசெய்த 333 நிறுவனங்களில் 221 நிறுவனங்கள் கேம்பஸ் ஆட்சேர்ப்புக்காக வந்திருந்திருந்தன, இந்த ஆண்டில், இதுவரை 265 நிறுவனங்கள் பதிவுசெய்துள்ளன எனவும் அவர் தெரிவித்தார்.

ஃபேஸ்புக், கூகுள் இன்னும் பல

பாஸ்டன் கன்சல்டிங் குரூப், டர் பேங்க் குரூப், கோல்ட்மேன் சாக்ஸ், ஐடிசி லிமிட்டெட், மெக்கின்சே, கூகுள் மற்றும் ஃபேஸ்புக் ஆகியவை கடந்த ஆண்டில் கேம்பஸ் ஆட்சேர்ப்புக்கு வந்திருந்த நிறுவனங்களில் சில.