மின் பரிமாற்றத் துறை

மின் பரிமாற்றம் மற்றும் விநியோகம் துறைசார்ந்த உள்நாட்டு மற்றும் சர்வதேச நிறுவனங்களிடம் சுமார் ரூ 686 கோடி மதிப்பிலான வணிக ஒப்பந்தங்களை பெற்றுள்ளது.

மின் விநியோக கட்டமைப்பு

சவுதி அரேபியாவில் இயங்கி வரும் லார்சன் & டூப்ரோ நிறுவனத்தின் கிளை நிறுவனம் பெற்ற 132 கிலோ வோல்ட் மின் விநியோக கட்டமைப்பு அமைக்க பெற்ற ஒப்பந்தம் மற்றும் அல் தவாத்மி (132 கிலோ வோல்ட்) துணை நிலையத்தை ரியாத் மின்பிணையத்துடன் இணைக்கும் ஒப்பந்தமும் லார்சன் & டூப்ரோ பெற்ற ஒப்பந்தங்களில் அடங்கும்.

ஆந்திர பிரதேசம்

உள்நாட்டை பொறுத்தவரை, ஆந்திர பிரதேச மின் தொடரமைப்புக் கழகத்திற்காக வேல்லூரில் இருந்து எம்மிகனூர் வரை 400KW இரட்டை சுற்று மின் தொடரமைப்பை நிறுவ பெற்ற ஒப்பந்தமும் அடங்கும் என மும்பை பங்குசந்தைக்கு அளித்த அறிக்கையில் கூறப்பட்டுள்ளது.

பவர் கிரிட் கார்ப்பரேஷன்

மத்திய அரசுக்கு சொந்தமான பவர் கிரிட் கார்ப்பரேஷன் ஆஃப் இந்தியா லிமிடெட் நிறுவனத்திற்கு 765 / 400 KW ஜிஐஎஸ் துணை மின்நிலையம் அமைக்கவுள்ள ஒப்பந்தத்தையும் லார்சன் & டூப்ரோ பெற்றுள்ளது. இந்த ஒப்பந்த திட்டத்தின் கீழ் ஒப்பந்த கடல்மின் வழங்கல், உள்நாட்டு குடியிருப்பு கட்டுமான திட்டங்களும் அடங்கும்.

சென்னை மெட்ரோ ரயில்

சென்னை மெட்ரோ ரயில் திட்டத்திற்கு தேவையான மின்சாரத்தை விநியோகிப்பதற்காக சென்னையில் 230/110/33 KW ஜிஐஎஸ் துணை மின் நிலையம் அமைப்பதற்கான ஒப்பந்தத்தை தமிழ்நாடு மின் தொடரமைப்புக் கழகத்திடமிருந்து பெற்றுள்ளது.

கர்நாடகம்

குடியிருப்பு மற்றும் தொழிற்சாலை கட்டிடங்களை கட்டுவதற்காக ரூ 461 கோடி மதிப்புள்ள ஒப்பந்தங்கள் கிடைத்துள்ளது. கர்நாடக மாநிலம் சிட்டபூரில் சிமெண்ட் ஆலை கட்ட பெறப்பட்டுள்ள ஒரு புதிய ஒப்பந்தத்தில் ஆலை கட்டமைப்பு மற்றும் அதன் தொடர்புடைய நடவடிக்கைகள் அனைத்தும் அடங்கும் என அந்த அறிக்கையில் கூறப்பட்டுள்ளது.

பங்கு சந்தை

எல் & டியின் பங்கு 4.65 விழுக்காடு அதிகரித்து, தற்போது 1086.65 ரூபாய்க்கு விற்பனையாகிறது.