மக்களை கவர்ந்த மைக்ரோமேக்ஸ்

தகவல் தொழில்நுட்ப மென்பொருள் மற்றும் தொலைத்தொடர்பு சாதனங்கள் விற்பனையில் ஈடுபட்டிருந்த இந்த நிறுவனம் விலை மலிவான பெரிய திரை உள்ள மேலும் இரண்டு சிம் கார்டுகளை உபயோகிக்கும் வகையில் வடிவமைக்கப்பட்ட போன்களை விற்பனைக்கு கொண்டுவந்து வாடிக்கையாளர்கள் பிற போன்களை ஒப்பிடும்போது சாதகமான அம்சங்களை பெறவைத்தது.

ஸ்மார்ட்போன்

ப்ராண்ட் சிந்தனையுள்ள அதிகம் செலவழிக்கும் சக்தியுள்ள இந்தியர்களிடையே சந்தையை விரிவுபடுத்த திட்டமிட்டுள்ள மைக்ரோமேக்ஸ், கடந்த அக்டோபர் மாதம் ரூபாய் 19,000 மதிப்புள்ள பேப்லெட் எனப்படும் அதிக பயன்பாடுள்ள பெரிய 5 இன்ச் திரையுள்ள போன்களை அறிமுகப்படுதியது.

விளம்பர யுத்தி!!..

பொதுவாக கிரிகெட் வீரர்கள் மற்றும் பாலிவுட் நடிகர்களை வைத்து விளம்பரப்படுத்தும் நிலையில், சற்று வித்தியாசமாக ஹாலிவூட் நடிகரான வோல்வேரைன் புகழ் ஹக் ஜாக்மனை வைத்து விளம்பரப்படுத்தியது.

உலக சந்தை!!!..

2014ஆம் ஆண்டு ஜனவரி மாதம் முதல் ரஷ்யாவில் விற்பனையை துவக்கவுள்ள மைக்ரோமேக்ஸ் அடுத்து சாம்சங் மற்றும் நோக்கியாவிற்கு போட்டியாக ரோமானியாவிலும் விற்பனையை துவங்கவுள்ளது. இங்கிலாந்தின் ப்ளை மொபைல்சும் சீன தயாரிப்பு மொபைல்களை ரஷ்யா மற்றும் கிழக்கு ஐரோப்பாவில் விற்பனை செய்கிறது.

பயனளிக்காத முயற்சிகள்

மைக்ரோமேக்ஸ் பிரேசில் மற்றும் மத்திய கிழக்கு நாடுகளிலும் அடிப்படை வகை போன்ககளை சந்தைப்படுத்த எடுத்த முயற்சிகள் பலனளிக்காததால் முயற்சிகளை கைவிட்டது.

வெற்றி வாய்ப்புகள் அதிகம்..

சந்தை வல்லுனர்கள் இந்நிறுவனத்தை பற்றி கூறுகையில் "டி ஏ அசோசியெட்ஸ் செக்யோயியா காபிடல் ஆகிய தனியார் முதலீடுகளால் நடத்தப்படும் மைக்ரோமேக்ஸ், பன்னாட்டு பிராண்டுகள் ஆதிக்கம் செலுத்தும் விலை அதிகமுள்ள துறைகளில் நுழைவதற்கான திட்டங்களை வகுப்பதோடு, புதிய சந்தைகளில் தன்னுடைய பிராண்டை அடிப்படையிலிருந்து துவக்க திட்டமிட்டுள்ளது. மேலும் இத்திட்டம் 70% வெற்றி அடைய வாய்ப்புள்ளது" எனத் தெரிவித்துள்ளனர்.