சான் பிரான்சிஸ்கோ: மொபைல் மற்றும் கனிணி வர்த்தகத்தில் முடிசூடா மன்னனாக விளங்குவது ஆப்பிள் நிறுவனம். இந்நிறுவனத்தின் கடந்த 7 ஆண்டுகளில் வெளிவந்த அனைத்து பொருட்களுமே சூப்பர் டூப்பர் ஹிட்டானது. மொபைல் விற்பனையில் இந்நிறுவனமே முதல் இடம். 2013 ஆம் ஆண்டில் அப்ளிகேஷன் ஸ்டோர் எனப்படும் இணையதள மென்பொருள் விற்பனை சேவையின் மூலமாக 10 பில்லியன் டாலர்களுக்கும் அதிகமான வருவாயை ஈட்டியுள்ளதாகத் தெரிவித்துள்ளது.

டிசம்பர் மாத விற்பனை மட்டும் உச்ச கட்டமான ஒரு பில்லியன் டாலர்களாக இருந்ததோடு வருட விற்பனையில் வரலாற்றில் உயர்ந்தளவாகும்.

இந்த இணையதள சந்தையில் பத்து லட்சம் மென்பொருட்களுக்கு மேல் உலகெங்கிலும் உள்ள 155 நாட்டு வாடிக்கையாளர்களுக்கு 24 வகைகளில் அவர்களுக்கு தேவையான ஐபோன், ஐபாட் மற்றும் ஐபேட் கருவிகளுக்கேற்ற மென்பொருளைத் தேர்ந்தெடுக்கவும் வாங்கவும் வாய்ப்பளிக்கிறது.

ஆப்பிள் பொருட்களுக்கும், மென்பொருள்களுக்கும் மக்கள் மத்தியில் அதிகப்படியான வரவேற்பு உள்ளதால் இது சாத்தியமானது என அந்நிறுவனம் தெரிவித்தது.